حــــــــــــــــــــبـــ ــــــــــــــــــــيــــ ــــــــــــــــــــــبــ ـــــــــــــــــــــــــ ـــــــــــــــــــــــــ ي :E_braces[1]::E_braces[1]::F_eyeb1[1]::F_eyeb1[1]::colsmil::colsmil:
عرض للطباعة
ياباشا اللي إنت بتعمله ده ممكن يودي ناس فداهية يعني لو أنا جاي من وراك فرق 60km مثلا مش هاقولك إنت 100 وأنا 160 لو الفرق بيني وبينك 60 كم مش أنا مش هلحق اوقف عربيتي يائبقى حاجة من 2 هالبس فيك أو اكبس فرامل وال 2 نيلة لأن ممكن اللي وراية يكون كابس عليَّ أو هو بياكسلليريت وراية يبعة إنت عملت مصيبة
التانية بقى إني آجي افضيك بغرزهوبكلامك ده أنا هروح ومش هاجي لما الاقيك افلتها يبقى أنا كده العربية عومت مني ورحت فضحية أنا واللي وراية
المسألة مش غشمية لو اللي ماشي وراك هو اللي غشين يبقى لازم تعديه من غير كلام عشان ياما كده ياهايوادك ويودي نفسه فداهية
بص يا باشا التصرف عالطريق مبيكونش كده خالص أنا لو ماشي فطريقي وفيه حيوان بيلعب وبيكبس وأنا مش عايز اوسعله مش هواسعله بس لو لقيت إن فيه قال فرصة إنه يلبس فحد أو مع نفسه بس لازم أبعِد عشان سالامتو هو كمان مش سلمتي أنا بس
أنا مرة كنت مع مراتي عالضاري وماشي ببسرعة قوي وده واحد خد غرسا من قدامي بغباوة ماكانش قدامي إلا إني أدخل قوي عالرصيف عشان يعدي هو آه الرصيف كان فيه كسر وتني جنط والعجلة اللي ورا فرقعت بس لو ماكنتش عملت كده كنت حجبه من ديله وهو كان هايتشالب قدامي بالعرض على عربية تانيه الحمد لله علي حصل أنا اللي خسرت بس معملتش مصيبة فغيري مع إنه غطا وحظي بقى إن الرصيف كان مكسور فـده اللي عملي المشكله
طب وليه تقفلها مادام مش هتؤذيك ولا هتؤذي حد وبعدين انتظار عالشمال دي حركة مستفزة قوي والمتعارف عليه إن مفيش طريق ماشي بالسرعة المقررة ليه فمعروف يعني إن الشمال للاسرع والله لو الحارة اللي جنبي فاضية ولاية اللي وراية عايز يعدني أنا بواسعله وبكون ماشي 130- 140 بس عشان هو على سرعة أعلى مني وال هاندلينج عنده هيكون اقل مني فبختار سلامته حتى لو هو يستاهل
ياريت متزعلش مني أنا بس باقولك عشان موضوع السلامه ده مهم اوي وكمان عشان تاخد بالك إن تركيزك مع اللي وراك وكده هيشتت تركيزك قدام فـسلامتك إنت برده مرتبطة بانشغالك باللي حواليك عالطريق
ايه الكلامم الجامد ده دحنا علي كده غلابه في السواقه بقا
يا استاذ مايلو الطريق 100 من حقي ان امشي في الحاره الشمال بالسرعه المظبوطه و مش من حق حد يطلعني بره الحاره او يكسر عليا في غرزه علشان خو عاوز يجري و خلاص
فدي نقطه مفروغ منها انا ملا بدي فليشر انتظار ده للي بيبقى قليل الادب كابس بنزين ورايا على اساس ان اسيبله الحاره يعدي منها طبعا قمه في السفاله
الفكره ان انا يلاقي ان مش هوسع يكون واخد غرزه و كاسر عليا كانتقام زي اللي حصل مع حضرتك لما اكون ماشي جنب العربيه في الحاره التانيه يبقى الموضوع انتهى يبقى هو يمشي زي البني ادمين بالسرعه المظبوطه و اعمل سيرش هتلاقي اعضاء كتييييييييييييير ه جدا زي حضرتك لبسوا حوادث كل ذنبهم ان عربيه عملت فيهم غرزه
اخر نقطه علشان مش واضحه لو واحد جاي ورايا بسرعته و هياخد غرزه لو سرعته عاليه بوسعله لكن لو ماشي 120 مثلا و المسافه مش هتجيبه كويس اكون مزود بنزين اقفلها عليه علشان احافظ على نفسي
و في الاول و الاخر القانون معايا و دي اداب المرور لكن المشكله ان اتعودنا على الغلط فبقى المشي مظبوط هو اللي غلط
على فكره انا كنت بعمل كل اللي تتخيله على الطريق بدرجه الدرفتات على الطرق بسرعه عاليه لحد ما مره كنت هلبس في تويوتا في درفت في ملف كان فيها عيله و شفت الخوف في عنيهم من ساعتها لأ
طز فيا بس معرضش حياه اخرين للخطر و اتحمل زنبهم دا اسمه ارهاب و برويع :I_angr1[1]:
مشوفتش بصراحه لحد دلوقتى لما يلاقى الغرزه مقفوله بيدخلها علشان اكيد يرمى نفسه للتهلكه لاكن ممكن تكون غرزه بالمقاس الى لو مثلا اتنين بيجرو ورا بعض وواحد خد غرزه التانى استحاله يخدها وراه لاكن لو الغرزه مقفوله طبعا مش هدخلها علشان مش هضيع نفسى وعربيتى علشان اعدىوحكايه الانتظار ديه تقلقنى احس انه هيدوس فرامل ممكن مثلا لو هو ماشى شمال يدى اشاره شمال انه مش هيتحرك ده الاحسن وياريت تتقبل مرورى
أنا لما بمشى بسرعة بيبقى نفسى كل واحد ماشى زى ماهو بوضعه, طالما مزمرتش ولا رعشت نور يخليه ماشى بنفس سرعته و اتجاهه عادى
لأنى لما باخد غرزة (مش كتير يعنى) ببقى مظبطها على الوضع الحالى
و عملت حادثة جامدة قبل كدة بسبب ان اللى على شمالى حدف عليا من غير سبب و خلانى أخبط فى اللى على يمينى!!
حصلت بقى قدامي و كان فيه واحد منسهوش كان بيكسر على الناس علشان توسعله للغرزه بالعافيه و يمكن بسببه بقيت اعمل كده حته الانتظار او ادي اشاره شمال بتدي نفس المعنى ان مش هتحرك من مكاني
ان مش هعيش طول ابطل و متجروش و مش عارف ليه لان فيه اوقات بجري فيها و الطريق فاضي مفيهوش زحمه علشان معرضش حياه حد للخطر
لكن اللي حابب يجري ميجيش على غيره علشان خاطر انه يجري و خلاص لان اكيد شفتم على الطرق ناس متفرقش معاها التاني هيحصله ايه
بصراحة المناقشات كترت و زادت ،، و يبقى الحال على ما هو عليه ،، للأسف فيه ناس مجانين سواقه و سرعة و كلامنا مش حيجيب ولا حيودي معاهم ،، و لكن ممكن كلامنا ده يأثر مع أخواننا الأعضاء اللي بيحبوا يجروا بسرعة
عامةً يا نااااس ،، الشوارع مش حلبة سباق ،، و حتى لو مستعجل ،، لأن اللي قدامي ميعرفش أني مستعجل ،، أي طريق ليه أدابه و قوانينه و سرعاته اللي "المفروووووض" نلتزم بيها ،،
كمان تقبلوا رأي ،، في حكاية الغرز" لأني ملاحظ أن الكلام زاد عليها أوي ،،
مش أجباري على حد انه يوسع لواحد جي من بعيد بسرعة و بيقلبلوا نور ،، و في نفس الوقت مش لازم يقل عليه الغرزة ،، بمعنى ،، ان أي واحد لما بيتحط في موقف زي ده ،،
مهماً كانت النصايح اللي سمعها ،، و مهماً كانت نيته ،، او مهماً كان متعود على أيه ،، سواء يسد الغرزة أو يسيبها للي وراه ،، كله بيتصرف في الوقت ده بالطريقة اللي يمليها عليه عقله و في ساعتها ،، لأن بيكون مفيش وقت يفكر فيه يعمل أيه ،،
فعشان كده أي واحد ممكن يقع في موقف زي دي ،، ممكن يتصرف بأكتر من طريقة ،، لكن على حسب المتاح ليه ،، أنا عامةً مش بحب أفتح غرزة لحد ،، ولا أقفلها برضه ،، انا بكون ماشي في حالي ،، "طالما مش بشد" ،، و لما ألاقي واحد بياخد غرز من ورايا جي بسرعة و بيقلب نور ،، بفضل زي منا ،، و مش بعيه أيي أنتباه ،، مش بشتت تركيزي ،، و بركز في اللي قدامي و بس ،، لو الطريق قدامي فاتح ،، بفضل زي منا ،، بس لزود سنه بنزين ،، لو الطريق قدامي مش حيمكنني اني أزود و اعديه ،، بعمل أنتظار ،، و بهدي "مع الطريق" او ممكن لما بلاحظ أن الطريق مش حيساعد الي جي بعمل أشارة نحيته
بصوا الموقف ده و قولولي رأيكم ،،
الموقف ده حصل معايا مرتين ،، و في كل مرة بطريقة مختلفة ،،
الموقف عامةً في الناس و هي بتعدي ،،
عندنا على البحر في حته قدام سان ستيفانو على البحر ،، الناس بتعدي منها بسرعة جداً ،، عشان العربيات بتكون أسرع .!!! ولا كأنهم خايفين على حياتهم ،، انا جي من بعيد "بسرعة و كنت ماشي في مود الشد و الغرز في حدود المعقول بس مش بطريقة تخليني أغللس على من هم حولي(بمعنى لو الغرزة متاحة باخدها ،، مش متاحة او حتخليني أزمر لحد او أقلب نور و أغلس عليه ،، مش باخدها )"
و كنت ملاحظ واحد بيشد هو كمان ،، طبعاً أحنا التنين واخدين بالنا من بعض ،، لأن اللي بيشدوا على البحر بيكونوا واخدين بالهم من بعض اوي ،، لأن الطريق مش مفتوح أوي سواء في العرض ،، او في الفضيان بتاع العربيات
و المهم أنا كنت سابق ،، و ماشي في الحارة التالته من اليمين ،، و عند سان ستيفانو كان في مشروع واخد بالي منه بنزل واحده ،، و جه مشروع تاني كان وراه طالع ،، في كسر على الحارة التانية و أنا في التالته ،، و واخد بالي أن البنت اللي نزلت من المشروع الول بتعدي من قدام المشروع اللي كاسر على الحارة التانية عشان يطلع من المشروع الأولاني اللي كان راكن و مقاطع على الواد البولو اللي كان بيشد هو كمان ده ،، سبحان الله عقلي قاللي انه لو كمل على سرعته دي حيشوط البنت ،، انا كان ممكن أعديها لني كنت واخد بالي، البولو ده كان جي من الحارة الرابعة ،، عملت أنتظار و هديت و طلعت أيدي من الشباك ،، و شاورت جامد له عشان يقف ،، و البنت مجرد معدت المشروع طلعت تجري،، هو فرمل على أيدي ألي طلعت من الشباك ،، و على مهدى و وصلي ،، كانت البنت ماتت في جلدها ،، لأنها عدتني و بتبص لقت عربية جايه في وشها بسرعة ،، بس مش واخده بالها انها بتفرمل ،، البنت فضلت متسمرة ،، في مكانها ،، الواد حسيت أن دمه هرب منه !!!
بعد كده نزلنا أطمنا على البنت دي ،، و أخدتها أنا وصلتها النحية التانية بالعربية و عديت بيها من ايو تيرن .!!
بس حسيت لأني أنقذت حياتها ،، الواد طلع و شكرني ،، و قاللي لولا أيدك كان زماني طيرتها !!!
ده الموقف الأولاني ،،
التاني ،،
نفسه بس من نحية اليمين !!
مجموعة شباب بيعدوا البحر بسرعة عند لوران على البحر ،،
الحته دي واسهة أوي ،، و عدد الحارات فيها كتيير .!!!!
المهم أنا قاطع على شاب سيس راكب أكتافيا و معاه بنت في العربية و شكله كان بيتمنظر قدامها ،، و مركب زينون و ماشي بياكل الغرز أكل ،، و أنا شايفه من المرايا ،، الزينون بتاعه مخايلني ،، لا و أيييييه ،، بيقلب بيه عالي كمان ،، هو كان الغبييي ،، ماشي ورايا و جي من بعيد "كنت انا على الحارة التانية" و الشباب دول ،، كانو بيعدوا جري،، و مش واخدين بالهم تقريباً ان الواد ده مش حيقفلهم ،، لأني ملاحظوا من قبلهم و أعتبر ماشي معاه ،، و ملاحظ أنه لا يعير الطريق أنتباهاً ، ولا يعير البني آدمين اللي بيسوقوا أي أحتراماً لآدميتهم ،، مابالكم اللي بيعدوا ،، هو كان جي من بعيد ،، و في عربية ورايا ،، و هو وراها ،، بس من بعيد أوي ،، لاحظتوا بيزود السرعة و أخد الحارة الأولى يمين ،، و بيزود السرعة أوي و جاي غصباً عني حسيت بالفجعة للشباب دول ،، زيي زيهم ، متوقعهم أنا أو أي حد من صحابي ،، لقيت نفسي فجأة بعمل أشارة يمين ،، و بحجز يمين ،و أرجع تاني ،، بزاول اللي ورايا ده ،، و هو جاي من بعيد ،، لقيته هدى و أنا عملت الأنتظار و وقفت !! و هو فرملة جامدة و حك في الأرض ،، على الشباب دول ،، خلاهم يتنطروا من على الأرض !! و نازل يزعقلي ،، و يشتم ،، على حظه كان معايا صحابي ،، هو فجأة لاقاني نزلتله من العربية و معايا مفتاح العجل ،، و نزل صاحبي ،، فجأة لاقى عربية بيجو 504 فرملت جامد و جت مارشدير ،، وراها عربية جيتا ،، و رها الوحش الشيروكي بتوع صحابي ،، و كلهم جم وقفوا ،، و فرملو و نزلولوا ،، و الشباب اللي كانوا بيعدوا نزلو فيه شتيمة ،، و هو لقيته واقف كده مزبهل ،، كأنه بيقول "أييه ده !! أنا نازل من عربيتي أشتم واحد ،، قلبوا بقبييلة كده لييييه !!! "
المهم أنا هديت الموضوع ،، و ردتله شتيمته ،، راح واحد من الشباب اللي كانوا بيعدوا قالله " ده اللي معك أنك تشيلنا من على الأرض " و أديتله كلمتين في عضامه و مشيت أنا و صحابي،،
لحد الان مش عارف الحركة ده غلط ولا صح ،،
كل متأمل فيها ،، ألاقيها غللللللط غللللللط غللللللللط ،، و أقول لنفسي ،، ازاي أغلط غلطة زي دييييييي ،، أنا عمري ما ممكن أعمل كده
و لكن الهدف نت أني طولت عليكم في القصة دي ،، اني ألف نظركم لحاجة ،، في المواقف المشابهة ة اللي بتحتاج حكم سريع ،، بتبفى أنت و عقلك ،، مهماً كنت مبرمج نفسك على رد فعل معين ،، و عملته قبل كده كتييير ،، هو عقلك بيعمل الحاجة اللي هو شايفها صح ،، غصباً عنك "سوري في الكلمة يعني !! "
يعني حنفضل نقول "المفروض المفروض ...!!!" و في الاخر اللي عقلي حيحكم بيه في ساعتها ،، هو اللي حيحصل ،،
بس هو الطبيعي ،، ان الواحد يركز في السكة و بس ،، و لو حصل حاجة زي كده ،، متششتتتش أنتباهك مع اللي ورا ،، لأن ممكن حد يعدي من قدامك ،، أو يكسر يمين أو أو أو .....
ركز قدامك ،، و هو بياخد غرزة ،، هو اللي يركز فيها ،، مش أنت اللي حتركزله في غرزته ،، و يوم ميلمس عربيتك ،، أقفله بعربيتك بالعرض ،، و خد حقك بطريقتك !!
لكن لا تشتت أنتباهك عشانه ،، لأنه لا يستاهل منك انك تخاطر بحياتك و تضيع تركيزك و ترتبك بسببه !!
نرجوا من الله بس أنه يوفقنا للحاجات الصح في المواقف اللي زي كده ،، و يهدي شبابنا كلنا ،، و يهدينا أحنا كمان ،،
و آآآآآسف جداً للاطااالة
اوفيت بس انت غلطت في الموقف التاني
كان المفروض تاخد البنت معاك :d :d