ازيكو يا احلي اعضاء

بعد اذنكو ياريت بلاش السباقات في الشوارع المأهوله بالعربيات و التقاطعات عشان انا خرجت من موقف انهارده بحمد ربنا اني طلعت منه سليم

كنت رايح الشغل في التجمع الخامس فباخد الطريق بتاع طريق السويس من تحت كوبري ال4.5 بتاع النادي الاهلي و من ثم اطلع الدائري
و كلكو عارفين انو مافيهوش رادار عشان كده كلو طاير
انا ماشي علي الشمال 100 هاتقلولي كتير عشان اخر الطريق حسب المكتوب 60
ببص في المرايا ألي في النص لاقيت موستانج شيلبي جاي من بعيد و مولع النور العالي
و كان في عربيه في الحاره الوسط و مكروباص علي اليمين ماشيين جمبي عادي

و فجأه لقيت الموستانج بتقرب مني بسرعه ملحوظه مع اني شايفا بعيد ورايا
مبقتش عارف اقلل سرعتي و اجي يمين و لا ازود سرعتي و اجي يمين من ادام العربيات ألي قدامي في الكام ثانيه دول كنت زودت شويه و لسا هاجي يمين لقيت الموستانج علي يميني في المرايا وكنت هاطيرو من ورا و كانت سرعتو في الغرزه دي مش اقل من 160 امت لامم شمال لقيت بي ام 5 علي شمالي في المرايا الشمال
و بينورلي و اتزنق في السور ألي علي الشمال جسمي اترعش و نزلت شتيمه فيهم امت مفرمل لقيت كمان لسا في ميتسوبيشي شارك و سكودا فيليشيا 2011 كلهم ورايا ضمن الريس بسرعات عاليه و بيفرملو جامد و كانو عايزين ياخدوني غرز كلهم و يعدو من خرم الابره

انا مش عايز اقولكو لما طلعت الدائري عشان اكمل للتجمع كنت ماشي 60 -50 و الله و مش مصدق الي حصل و دماغي مش فيا

فياريت بلاش للي بيعملو كدا لو عوز تجري اجري في طرق مفتوحه بلاش غرز