استاذ mok بصراحة انا لسة شايف الموضوع النهارده لأن بقالي كتير مش بدخل علي المنتدي لكن ان شاء الله انا بكرة طالع بالعربية من الجراج هصورلك الصدر بتاع العربية من ناحية الشمال بالذات لأن حادثتك كانت في المنطة ديه و لو نزلت النهارده هصورهالك
و اي خدمة
عرض للطباعة
استاذ mok بصراحة انا لسة شايف الموضوع النهارده لأن بقالي كتير مش بدخل علي المنتدي لكن ان شاء الله انا بكرة طالع بالعربية من الجراج هصورلك الصدر بتاع العربية من ناحية الشمال بالذات لأن حادثتك كانت في المنطة ديه و لو نزلت النهارده هصورهالك
و اي خدمة
شكرا يا Peaceman علي محاولتك انك تساعدني وحتي لو مصورتهاش كفاية انك عندك النيه انك تصورها و مستني الصور منك لو هتقدر .. مش هتقدر مفيش مشاكل
أستاذي ahmed.tv
متهيقلي كلامي صح و مفيهوش اى حاجة غلط هو ممكن يكون صريح شوية بس معلش الصراحة أريح في كل حاجة
لما يبقي في أكتر من عضو في القسم معاهم نفس العربية و يوم ما اطلب حد يصوري العربية ملفيش حد منهم معبرني أو إني مثلا بطلب الصور من قسم تاني غير النيسان ؟؟ أو مفيش حد مثلا منهم عنده كاميرا أو يمكن معهمش موبايل بكاميرا أو يمكن طلب غيي مهذب ولا حاجة
ولكن علي العموم شكرا يا قسمي الحبيب
الصراحة جميلة ومطلوبة
ولكن بدون تريقة وتكسير مقاديف لحد
وانا كان تعليقى على كلمة ان متطلبتش من حد ينزلى التوفيقية !!!
اظن الصراحة دى محتاجة شوية تفكير فى الكلام ولا ايه ؟!
ولو كنت من ملاك الصنى واقدر اصورهالك كنت عملت
واكيد باقى الاعضاء بردوا حيساعدوا
ولكن حضرتك دايما لو تلاحظ كل طلباتك بتيجى باستعجال , وبتكون مستعجل فيها
فاالناس لو بايدها تساعد حتساعد , لان حتلاقى اللى فينا مش بيعرف يرفع صور , او اللى كان عنده ظروف وهكذا
فبرجاء خالى فى صراحة تمام, ولكن بدون تريقة وتقليل من الاعضاء ونقولهم "عشان محدش معاه موبيل فى كاميرا او طلبت طلب غير مهذب "
لان كل واحد بيقدم وبيعمل على قد استطاعته , ومنقدرش نفرض على حد حاجة ابدا انه يعملها
مع ان فى حاجات كتير محتاجنها من الاعضاءعشان يعملوها واشياء بسيطة , بس بردوا صعب نفرض على حد حاجة
وان شاء الله تحل مشكلتك على خير
وان كان احد الاعضاء تفضل ونصح حضرتك خير نصيحة وهى
ان لما تخلص مشكلتك خاليهم يفتحوا عربية عندهم وتشوفها على الطبيعة افضل وتقارن
لان الصور بردوا مش حتوضحلك حاجة زى الطبيعة
وربنا يوفقك
يا عم ahmed.tv أنت كبرت الموضوع ليه
يا سيدي خلاص مش عايز صور و انا كل طلباتي بتبقي بإستعجال عشان كده هريحكم خالص ومش طالب حاجة بعد كده
بس المهم انت متكنش زعلان أو اى حد تاني زعلان