وانا هكمل برضو وكلنا في النهايه بنستفيد من بعض وكلامي كله بناءا على تجارب للعربيات دي كلها
هو طبعا محدش ينكر تطور العريبات الكوريه واعتماديتها كلها
بس فعلا النترا الحاليه ثباتها افضل من السيراتو والاكسنت وطبيعي انها تكون اثبت من الاكسنت
انما بين سيراتو والنترا الاخيره هي الافضل طبعا معظم المواقع طلعت السيراتو افضل بس برضو لما ذكروا الالنترا في المقارنه تم الاستشهاد انها تتفوق على السيراتو في نظام العفشه الخلفي الملتي لينك ده مخلي الالنترا افضل من ناحيه الثبات والراحه
السيراتو انا شايف انها عربيه مش ثابته تماما وكل التجارب قالوا العربيه ثابته على الطرق المستقيمه انما اي طرق عاديه زي شوارعنا هي بعد 100 خصوصا لو حد راكب ورا الدنيا بتبوز هي السيراتو اتقل من الالنترا بس في الثبات النترا افضل وكمان اي اوطى
عموما يا جماعه الموضوع مش محتاج قلق اي حد بيشتري معتقدش تفرق معاه 300 جنيه يجرب كل عربيه يوم هيعرف الفرق
وبالنسبه لما يقال على صفحات كيا طبيعي انهم يمدحوا في عربياتهم ده غير ان الي بيركب سيراتو اكيد نازل من عربيه اقل منها او عربيه قديمه ف مليون في الميا العربيه هتكون بالنسبه لي تحفه ومش واخد باله من العيوب والسيراتو عموما مع صديق ليها وهو معترف 100/100 ان العريبه مش مريحه تماما ولو تلاحظ ان منتدى الكوري فقط هو الي عليه جدل في العربيات
السيراتو ناس تشكر وناس تذم والالنترا نفس الكلام والنيو اكسنت برضو ناس تشكر وناس تذم
انما عمرك دخلت على كورولا ولا مازدا ولا هوندا ولا سوبارو ولقيت ناس مختلفين حول الثبات مستحيل كلهم اراءهم مجتمعه
لان الي بتذم بتقارن بالعربيات الماركات الاخري والي بتشكر اكيد مش نازلين من بي ام يركبوا النترا ولا سيراتو اكيد مع احترامي ليهم نازلين من عربيات قديمه ف طبيعي جدا ان العربيه تكون بالنسبه ليه جامده جدا وثابته وعفشتها حلوه اوي اوي مهو مثلا نازل من 128 او ريجاتا عربيات النقره بترزع في العربيه كلها اساسا
انما ك مقارنه فعليه بين النترا وسيراتو النترا افضل وممكن نقول المقارنه بالاكاتي
موتور وفتيس سيراتو افضل بس ده مش معناه ان الالنترا الحاليه فتيسها وحش
من الداحل والجارخ دي ازواق بس خامات السيراتو الداخليه اقل من خامات الالنترا وامسك الطبلوه ودوس عليه تعرف الفرق
ثبات وعفشه النترا افضل وعموما نايل موتورز جرب السيراتو 3 اعضاء جربوها على الصحراوي المقارنه موجوده ال 3 اثبتوا نشوفيه العفشه واثبتوا التنطيط وكمان اثبتوا ان العربيه فراملها حلوه وانا مختلفش معاهم في ولا نقطه واهو ناس لاعرفهم ولا يعرفوني ولا كنت معاهم