النهارده كنت بطارد 3 عربيات كارينز

**yoko** · 05-01-2011 08:39 PM

النهاردة وانا راجع من الكليه لقيت 3 عربيات كارينز بيسوقوا بمنتهى التهور وغرز وحرق ببص لقيتهم سواقين معرض ومعلقين نمر تجاريه قدام بس وكنا على الأتوستراد شارتلهم يهدوا (عشان دي فلوس ناس) ولا عبروا أهلي وجريوا وأنا وراهم وطلعوا الدايرو وطبعا كاسرين سرعة ولا هاممهم وغرز موت ولا فارقة معاهم المهم الطريق كان زحمة ففضلت شايفهم وحلفت لأمشي وراهم وأبلغ المعرض لقيتهم نازلين القطاميه قولت يبقى محمد زكي وفعلا فضلت ماشي وراهم لحد محمد زكي بعد كده ال3 إختفوا معرفتش راحوا فين (إختفوا في الصنيه الي قدام محمد زكي) قمت داخل وكان معايا صاحبي وقلتلهم فين مدير المبيعات قابلني راجل في منتهى الإحترام عرفته بنفسي وقلتله إني من نايل موتورز وحكيتله الي حل قالي بس دول مش تبعي عشان معنديش اصلا سواقين قلتله عارف بس بصراحة إستحرمت الي بيحصل في العربيات وهما إختفوا هنا ومعرفش حد بيبيع كيا غيركم فحبيت أبلغكم وشكرت الراجل ومشيت

بس بجد إتحرق دمي لإن الواحد بيبقى جايب العربيه زيرو وخايف عليها وبيحسس ودول بيكونوا مطلعين عين العربيات ومش هاممهم
وبصراحة من تعاملي مع محمد زكي في الموقف ده ودي أول مره أخش المعرض بس إحترمتهم جدا والراجل وقف معايا وسمعني وطلع معايا بره يبص في الشارع عشان لو شوفنا العربيات بجد ناس محترما جدا ونصيحة لما حد يجي يشتري عربيه ويشوف ماشيه كام كيلومتر وكمان محدش يشتري من معرض مش مضمون

**Hany A Fattah** · 05-01-2011 08:55 PM

احييك على التصرف ا لايجابى ده
فعلا بنشوف المنظر ده كتير بس للاسف اقصى حاجه بنعملها نقول ربنا يسترها معاهم وبهديهم
بس تصرفك جميل جدا احييك عليه واوعدك انى هاتبع نفس الاسلوب

**yasserelsayad** · 05-01-2011 08:56 PM

انا بقى افشت واحد زيهم كدا بس كان راكب صنى وفضلت مخاليه ورايا معرفش يطلع ومجريش عن 90 كمان
العربيات لسه زيرو وهما شغالين فرك فيها ولا اكنها فلوس ناس ولو كانت عربيته كنت تلاقيه ماشى بيها على قشر بيض عقبال ما تليين

**yoko** · 05-01-2011 09:05 PM

المشاركة الأصلية كتبت بواسطة razini89

احييك على التصرف ا لايجابى ده
فعلا بنشوف المنظر ده كتير بس للاسف اقصى حاجه بنعملها نقول ربنا يسترها معاهم وبهديهم
بس تصرفك جميل جدا احييك عليه واوعدك انى هاتبع نفس الاسلوب

إن شاء الله

المشاركة الأصلية كتبت بواسطة yasserelsayad

انا بقى افشت واحد زيهم كدا بس كان راكب صنى وفضلت مخاليه ورايا معرفش يطلع ومجريش عن 90 كمان
العربيات لسه زيرو وهما شغالين فرك فيها ولا اكنها فلوس ناس ولو كانت عربيته كنت تلاقيه ماشى بيها على قشر بيض عقبال ما تليين

أنا كنت حاجز ال3 ورايا والي كان بيحاول يعدي كنت بقل أدبي عليه

وبيرجع ورايا بس لما طلعنا الدائري خلعوا بس مغابوش عن عيني غير قدام محمد زكي

**yoko** · 05-01-2011 10:12 PM

معاك طبعا إن ممكن يتلعب فيه بس أهي خطوة برده أنا نزلت شوفت حالت الكاوتش لما إستلمت عربيتي وفصصتها مع إني مشتري من التوكيل رأسا وعارف السواق الي هيجيبها وقلتله أنا ساكن جمب الصيانة وموتي وسمي الاقي حد بيقرص على عربيه زيرو بس بصراحة كانوا محترمين جدا وراجل كبير في السن هو الي بيوصلها مبيشغلوش شباب يوصل العربيات

**A.Saad** · 05-01-2011 11:11 PM

انا اعرف ان محمد زكى بيجيب عربياته على تريلات
بس شكلهم كدة كانوا رايحين عنده ولا ايه يا احمد
بقولك ايه
قلى الوانهم وانا ممكن افتن عليهم

**yoko** · 05-01-2011 11:19 PM

إسود بتنجاني فراني
بس متاخودش على الألوان قوي عشان عندي عمى الوان
وهما كانو ماشيين اتوستراد دائري قطاميه

**A.Saad** · 05-01-2011 11:52 PM

مش تبعهم يا احمد

-

-

الموضوع: النهارده كنت بطارد 3 عربيات كارينز

LinkBack

أدوات الموضوع

عرض

النهارده كنت بطارد 3 عربيات كارينز - انشر الموضوع فى :

-

-

-

-

-

-

-

المواضيع المتشابهه

اتسرقت النهارده

انا شفت x1 النهارده

مصر النهارده

اتهزقت النهارده

عايز كارينز الاسبوع دا , الي عارف مكان كارينز استلام فوري !!

الكلمات الدلالية لهذا الموضوع

المفضلات

المفضلات

ضوابط المشاركة