الموضوع: الفرق بين عفشة الEX و supersaloon

المشاركة الأصلية كتبت بواسطة Dr_ahmedrady

متابع باهتمام
انا فاكر ان إ/ حواس شرحلي نظام التعليق بتاع السوبر صالون انه فيه حاجه بتنظم حمل العربية ف الملفات فبتدي ثبات اكتر . بس متهيألي ان العفشه الرياضية بتبقي ناشفه شوية ف وسط البلد بس بتنفع جامد عالسرعات العالية و السحب و المناورات و الغرز.
والله اعلم

فعلا هو ده الميزان الامامي او الخلفي اللي شرحة ا/سبعاوي في الموضوع ده
http://www.nilemotors.net/Nile/74007...per-salon.html
وده كلامه بالنص

المشاركة الأصلية كتبت بواسطة sab3aawy

الميزان هو عبارة عن قضيب اسطوانى مصمت من الصلب الكربونى بيكون قطره حوالى 2-3 سنتى متر تقريبا وبيكون على شكل حرف U ، الفرعين بتوعه بيكونوا كل فرع منها متركب فى مقص من المقصين بجوار كل عجلة، وقاعدة حرف الU بتكون ماشية بعرض السيارة زى اللى فى الصورة دى كدة




او زى دول كدة





وبيكون راكب فى العفشة بشكل زى ده كدة



(هو اللى اسمه فى الصورة انتى رول او ساتبيلايزار)

وظيفته ان لما عجلة من العجلتين تطلع لوحدها عن الأرض بسبب مطب، او لما العربية تميل عن الأرض هنا بتكون العجلة اللى فى الجهة اللى العربية مايلة عليها بتعصر القضيب ده لفوق ، والعجلة فى الجهة الاخرى بتعصر القضيب لتحت بفعل وزنها لأنها بتحاول تسيب الأرض مع العربية، ونتيجة للعصير العكسى ده من الناحيتن القضيب بيحاول يرجعا العربية لوضعها الطبيعى بفعل مرونته او ما يسمى spring action (علشان ابسطهالك كان فيه احد الأجهزة الرياضية عبارة عن سوستة ملفوفة لها يد يمين واخر شمال ونتى بتمسكها بايدييك الاتنين وبتحاول تعصرها بأنك تلف كل يد عكس اتجاه اليد الأخرى، والسوستة بتحاول بطبيعتها انها ترجع لوضعها الطبيعى فتعمل مقامة عالى ايديك، هى دى نفس فكرة الميزان، العربية لما بتميل فى اى من الاتجاهين بتعصره، فهو بيحاول يرجع لوضعه الطبيعى ويعدل العربية) وبالتالى فان فائدته هى دعم ثبات العربية فى الملفات وعلى السرعات العالية، لكن على حساب راحة العفشة لأن طبيعى وجود ميزان بينشف العفشة لأن حطيت سوستة اضافية(التى تنتج من عصر الميزان) الى جانب سوستة السيارة الأصلية