الموضوع: ثقل فى الدريكسيون

بص ياباشا خراطيم الباور عندك بالذات في الفيكترا بي لو واحد فيهم مكبوس او متصلح او مش اصلي هتلاقي الدريكسيون تقيل راجع الخراطيم عندك
ثانيا اسحب هواء من دايره الباور كويس
ثالثا لو بصيت علي كل ده ولسه الحكايه زي ماهي
هتلاقي في علبه الدريكسيون من تحت صاموله ريجلاش ودي بتتحكم في تقل وخفه الدريكسيون علي حساب تماسك علبه الدريكسيون (الدبدبه ) روح لعفشجي خليه يخففهالك شويه وجرب
لو عملت كل ده ومفيش نتيجه يبقي العيب من علبه الدريكسيون عندك عاوزه تتغير

المشاركة الأصلية كتبت بواسطة tananybasha

زى ما قال اسلام
بس نقطه بقى
انت طابقت الرقم بتاع الضغط اللى على الطرمبات كلها مع الرقم الأصلى
و لا خدتها بالشكل

المشكله فعلا ان طرمبات الاوبل كلها نفس المقاس وبتركب مكان بعض بس الاختلاف فعلا في الضغط ومحدش بيبص عليه

الخراطيم اللى راكبة هى الاصلية بس مخدش الهوا اللى اسلام بيقول عليه والغلبة دى من ناحية الاسكترا ولا فين بالضبط والطرمبات اللى اتجربت اصليه جى ام فكترا 89 او 2000

المشاركة الأصلية كتبت بواسطة hellboy

ازيك ياسولم:b4_007:
لو سمحت يا باشا .انا عندي الدبدبه في الدركسيون بتبان مع المطبات انا عارف انها من الاسكاترا بس الصاموله اللي بتقول عليها دي ممكن تضيع الدبدبه ولا لا؟؟هل جربت الموضوع ده قبل كده؟ ومكانها فن بالضبط؟

ازيك يافادي باشا
الدبدبه دي بتبقي نتيجه حركه تروس علبه الدريكسيون لاعلي ولاسفل وعلشان كده فيه حاجه اسمها مسمار رجلاش علبه الدريكسيون وده بيخلي الترس اللي جاي من الدريكيون يبقي حاكم في المشط بتاع العلبه
خلي بالك مش كل العربيات فيها المسمار ده يعني انا عربيتي مافيهاش بس (علشان اوروبي )بس موجود في كل العربيات المصري
المسمار ده هتلاقيه في علبه الدريكسيون من تحت بس وهتحتاج تلفه ربع لفه وتجرب لقيت الدبدبه كتمت تمام زادت والدريكسيون خف يبقي لف الناحيه التانيه
بس خلي بالك كل ما تحكم المشط ده (تزود الريجلاش)كل ما الدريكسيون هيتقل معاك سنه والدبدبه تمنع وكل ماتخفف الريجلاش الدريكسيون هيخف وممكن يوصل لدرجه انك تلاقيه بيلعب في ايدك في المطبات
بالمناسبه لو عملت كده والدبدبه مامنعتش يبقي انت عندك الحشو الداخلي بتاع العلبه خلص (اللي انت بتضغط عليه بالريجلاش ) وهتضطر يا اما تستحمل الدبدبه دي او تغير العلبه )ونصيحه خلي عفشجي يعملهالك قوله يربطلك مسمار الريجلاش شويه وبالمناسبه هو هو المسمار اللي بيتاخد منه بوش للعلبه
والموضوع ده في كل العربيات مش في الفيكترا بس انا جربته في الشاهين والبيجو والصني ال2006 و

المشاركة الأصلية كتبت بواسطة magdyelshikh

الخراطيم اللى راكبة هى الاصلية بس مخدش الهوا اللى اسلام بيقول عليه والغلبة دى من ناحية الاسكترا ولا فين بالضبط والطرمبات اللى اتجربت اصليه جى ام فكترا 89 او 2000

المسمار اللي اقصده في العلبه من تحت قول للعفشجي يخفلك ريجلاش العلبه شويه وهو هيفهم
بالنسبه للهواء المفروض تعمل الاتي
1- تدور العربيه
2- افتح غطاء خزنه زيت الباور وشيله خالص
خش العربيه ودور الدريكسيون يمين لاخره وبعد كده شمال لاخره كذا مره وراء بعض يعين اربع خمس مرات وبعد كده راجع مستوي الزيت وركب الغطاء تاني
وتأكد ان الزيت مظبوط مش زياده او ناقص