الموضوع: رجالة الواحد تعب!

بشوات مسائكم فل بصوا انا في شوية كلام جوايا حابب افضفض بيه عشان اتخنقت !

بصوا بقا ! الموضوع متعلق بالحبيبة السيراتوا!

من سنة و حبة في عربية اسمها سيراتوا نزلت كسرت الدنيا و الناس اتوهمت بيها و الوكيل كان بيستعبط لدرجة 6 شهور حجز ! و نقارن العربية باي واحدة نفس الفئة السعرية مفيش احسن منها هيا الي من الاخر ! الواحد اتشدلها و شكلها الحلو و المميزات و مبقاش في حاجة في الدنيا غير السيراتوا انام و اصحى احلم بيها! و جه اليوم بعد الضغط و المناقشات انوا الواحد يركب بي ام ولا سكودا ولا جتا بفلوسها! كان قدامي الكوبية قلنا يا عم عربية ملهاش سوق لما نيجي نبيع و نركب حاجة اشد حنخسر و بلاش عبط ملها ال 4 بيبان ، المهم الواحد قال خليجي مين بلاش عبط توكيل كيا ده عشره على عشرة! و قلنا وكيل لقينا 6 شهور حجز ي 6 الف جندي ! المهم الواحد قال مش مشكلة اعتبر عربية مستعملة و شدتها عشان تركب ! العربية كانت عاملة وكيل 116 + 6 استلام ! وقفت عليا ب 122 عشان ابقا وكيل و اركب عربة الاحلام ! بعد كام شهر الواحد حرق حرق 5 الف كيلوا زي ميكلون مشفش عربيات قبل كدة و موهوم بالعربية الي بتاكل اي عربية من فئتها و الحوارات ديه ! في خلال السنة الركوبه الواحد عامله كام خبطة كدة و حاثة من قدام كلفت في حدود 15 الف جنيه ما بين المواضيع ديه ! العربيه بقت واقفة 122 + 15 = 137 الف ! غير الصيانات الدورية اياميها غير التلكيك بتاع كل شوية التوكيل عشان افك و اربط مسمار و الوهم ده ! العربية تعدي ال 140 الف ! هيا العربية مفيهاش حاجة و فله و سليمة مش متأثره يعني كله صاج مش شاسية ولا كدة يعني !

معلش طولت عليكم ! الواحد دلوقتي بيضرب نفسه ميت جزمة انوا اشترا عربية مقلب زي ديه ! يعني انا قريبي جاب 528i موديل 96 و لو قارت بالسعر ولا الاوبشن ولا الجنط 18 ولا الوهم الي في العربية ديه و هيا كبيرها 120 الف ! تقول تيت اليوم الي ركبت فيه سيراتوا ! يعني ايه الي انا عملته ده !

دلوقتي السيراتوا ديه لو حبيت ابيع م اكتر من 100 الف ! يعني في 40 الف طاروا! يعني انا ركبت سنة ب40 الف ! ليههههههههههه يعني ! ده انا لو ركبت بي ام ولا مرسيدس مش حصرف ال 40 الف دول ! و اسمي راكب عربية بتمشي 220 مش بتقول لأ مش شوية هوا بيطيروها ولا 4 يركبوا تلاقيها سقتط !

دلوقتي الي مضايقني ! خلاص الحمدلله على الي فات ! ايه الحل ! ؟ هل الواحد يبيع و يكمل مش اقل من 25 الف عشان يجيب حاجة بي ام حلوة كدة و يركب يخسر بقا ما بين صيانات و بانزين ؟! ولا يفضل بالعربية الي خلاص بقت اكتر من التاكسي و المشاريع ! و يكبر دماغه ؟! اصلوا انا حاسس اني راكب توكتوك مش عربية ! هيا حلوة و كل حاجة بس يعني حرام النفسية بتاعتي ديه ! الواحد تعب انوا كان ممكن يقدر يركب حاجة احسن بمراحل بنفس الفلوس و اسمه مبيخسرش بغباوه كدة ؟!

ايه رأيكم في القصة بتاعتي ؟ ياريت تريحوني و تشوروا عليا ! و انا اسف اني طولت عليكم !