عرض للطباعة
السلام عليكم
سؤالى موجه للناس اللى جربوا مازدا 3 , وهو هل ارتفاع المازدا 3 واطى بطريقة مقلقة ؟
وده لأنى بفكر اشتريها لكن المشكلة انى بسافر كتير على طرق فيها مطبات زى طريق الزقازيق و المنصورة من القاهرة , فموضوع ان العربية واطية ده قلقنى , خاصة ان فى واحد قالى انه ساعات بيضطر ينزل الناس اللى معاه علشان يعدى مطب , فعايز اعرف رأى مالكى المازدا 3 و اللى جربوها فى الموضوع ده .
والله ياباشا هى المطبات اللى عالية مش العربية اللى واطية
انا ناس كتير بتشتكى من المطبات والقرف ده ،، النترا بتحك فى المطبات،، سيفيك بتحك فى المطبات،، بى ام بتحك فى المطبات،،، صنى بتحك فى المطبات
مش معقولة يبقى كل العربيات دى واطية يعنى اكيد العيب فى المطبات ،، او عاوز تشترى عربية وتحكش فى المطبات قدامك حل من 3 حلول:
1- تشترى عربية جيب
2- تعيش فى شرم او مارينا
3- تسافر برة مصر خالص
وكل سنة وانتم طيبين
انا معا الاخ فروزان
انا معايا هاى لين 2010 و مش عايز اقولك ان فى مطبات بأخدها بسرعة كبيرة و مش بتتحك
و فى مطبات باخدها بسرعة بطيئة و مكنش متوقع انها تتحك و بتتحك
بس الميزة ان الحكة من تحت مش من جناب العربية ( مش ظاهرة )
فعلا الواحد قرف من مطبات مصر
ريح دماغ ياباشا و خد المطبات على جنب مش ح تحك ( لو المطب عالى )
اقتباس:
المشاركة الأصلية كتبت بواسطة mohamed456
اقتباس:
المشاركة الأصلية كتبت بواسطة frozen_pain
انا متشكر اوى على ردودكما .. بس معلش انا مش معاكو فى الرأى اوى ... صحيح المطبات فى مصر سيئة .. و صحيح ان العربية مسمعتش على عيوب فيها غير انها واطية و قطع غيارها غالية , لكن مش معنى كدة انى اجيب العربية و كل لما اخد مطب اقول العيب فى المطب , لا كدة يبقى العيب انى مختارتش عربية مناسبة لشوارع مصر خاصة أن فى عربيات بالفعل مناسبة , بس انا سؤالى هو ان هل الأمر ممكن يستلزم انى انزل الناس من العربية علشان اطلع على مطب و اللا ايه الوضع , و متنسوش انى قلت انى بسافر كتير و الطرق مليانة مطبات
بس يا باشا انا معايا البيزك 2010
انا مقيم في المنصورة لغاية الوقتي العربيه محكتش الا في مطب واحد بس وكان معايا 3 في الكرسي الي ورا
خدت نفس المطب وانا لوحدي محكتش بس المطب اصلا كان عالي فطبيعي انها تحك عشان الثقل الي ورا
انا كان معايا 128 قبل كده باخد المطبات بالمازدا عادي زي ما كنت باخدها ب 128 ومش بتحك الا اذا كان في 3 ورا وتقال كمان غير كده مش هتحك خالص
يعني انت بتسال هتنزل الي معاك ؟.... هتنزلهم في حالة اذا كان المطب عالي بس.. او تاخد المطب بعرض العربية من غير ما تنزلهم
اقتباس:
المشاركة الأصلية كتبت بواسطة hema1989
متشكر أوى على ردك
بس ليا سؤال .. هل العربية مصفحة من تحت واللا لا .. وعايزك تقولى سافرت بيها على الطريق الزراعى و اللا لا .. و احبار العربية عموماً ايه .. و هل فى عيوب تانية ظهرت فيها
العفو
بالنسبة للعربية من تحت انا لغاية الوقتي مبصتش عليها من تحت
بالنسبة للسفر انا روحت مرتين القاهرة طريق مصر اسكندرية الزراعي
العربية عموما مش مضيقاني في حاجة بسم الله ما شاء الله ... اللهم بس هي مشكلة الي بيركب معايا ورا بيشتكي من الضيق بس
بالنسبة للعيوب بسم الله ما شاء الله ... انا والله مش لاقي عيوب خالص غير الضيق الي ورا .. في مميزات كتيرة مثلا وضعية الجلوس مريحة جدا جدا .. بالنسبة للملفات العربية ثابتة جدا جدا عجابني قوي في الملفات ... عفشة العربية طبعا معروف ان هي ناشفة بس انا حسيت ان مع الوقت بتنعم .... غير كده والله العربية سواقتها مريجة جدا وممتعة ... واي استفسار تاني انا موجود
اقتباس:
المشاركة الأصلية كتبت بواسطة hema1989
متشكر ليك جداً
نصيحة لو هتقول على المازدا 3 واطية خاصة 2010 يبقى كل العربيات الباقية واطية لا تقلق العربية خلوصها حلو جدا وكمان مصفحة من تحت من تحت الماتور وكمان في شفتين بطول العربية ارتفاعهم اكتر من 1 سم لو حكت بيشيلو كتير من الحكات اخر حاجة اركب العربية من جوة دقيقة واحدة وانا متاكد انك هتشتريها
مبروك مقدما
اقتباس:
المشاركة الأصلية كتبت بواسطة medo_msmsa
يا باشا متشكر جداً
بس انت متأكد من موضوع التصفيح .. و هل هو موجود فى فئة البيزك لاين
موجود يا افندم انا عربيتي بيزك وفيها تصفيح ربنا يوفقك
وكمان يا شباب من ناحية المتور فهو متغطى تمام من تحت المتور
باشا توكل على الله و اشتريها مش حتندم
بس انا عندى ملاحظة هى ان المازدا بتستهلك نوعا ما بنزين كتير رغم ان سواقتى عادية جدا مش بحرق
و كمان انا حاسس من تحت ان فى حاجة بارزة من تحت هيا ال بيخليها تحك
انا لازم ارفع العربية و ابص عليها من تحت
و يارت تقولى العرض مازال سارى ولا لا و كمان الهاى لين موجوده ولا لا؟؟؟؟؟؟؟؟؟؟؟؟؟؟؟؟؟؟
العربيه كويسه بس انت ظبط الكاوتش ياعنى مثلا انا معايا البيزك لما اكون محمل بخلى العجل الواره 40 و القدام 32 و ده مكتوب على القايم من تحت فى بابا السائق و نصيحه انا طبعا بفضل ان كل سفرايتك فى اى حته فى جمهوريه مصر انك تخد الطرق الصحراويه لان الزراعى المطابات بتاعته معموله للنقل و التريلات انا بخد الصحراوى على طول
+1111111111111111111111111 :w6266d :w6266d :w6266dاقتباس:
المشاركة الأصلية كتبت بواسطة levelpower
استاذ كبير
شكرا ياباشا بتعلم منك :bravo: :verygood:اقتباس:
المشاركة الأصلية كتبت بواسطة himaz
اقولك نصيحه...عاوز تركب سيدان فى مصر؟؟...متشلش ورا اكتر من فرد واحد بالكتير...وياريت متشلش حد ورا خالص يبقى زى الفل...وكمان خد المطبات بالراحه جداااااااا
عشان مش كل مطب زى التانى...ممكن تروح حته او شاره جديد عليك تلاقى مطب ادامك هتحتار ازاى تاخده وانت معاك نفرين تلاته ورا...يبقى الافضل متشلش حد ورا...او من الاخر شوفلك حاجه فور باى فور وريح دماغك