الموضوع: التأمين الأجباري في المرور

السلام عليكم و رحمة الله و بركاته

أنا اللى أعرفه أن التأمين الاجبارى ده مش تأمين بحق و حقيقى و ده اللى أنا عرفته لما سألت واحد جارى, محاسب و شغال فى شركة Alliance و قاللى أن التأمين اللى بيديك فلوس فى حالة -لا قدر الله- الحوادث هو التأمين اللى أنت بتروح تعمله فى شركات التأمين بره مع نفسك كده .

المشكلة, أن التأمين الاجبارى ده كان بيبقى بتاع 20-30 جنيه فى السنة و خلاص, دلوقتى أصبح حوالى 80 جنيه فى السنة و يمكن أكتر , يعنى بأه ضريبة تانية - كان زمان قبل التعريفة الجديدة بتاع ضرايب العربيات, أد ضريبة الشاهين ال1400سى سى- و ده مش كلام جديد , الكلام ده أنا دافع بيه فى 4-2008 و أنا بجدد ترخيص عربيتنا الشاهين و دافع بيه فى 1-2009 و أنت بجدد ترخيص عربيتنا البيجو ال505 , لأنى كنت فاكر أن ضريبة البيجو 200 جنيه فى السنة , يعنى المفروض فى ال3 سنين , يبقى بتاع 600 جنيه , قوووووووووول 700 جنيه بالاكراميات , أنا طلعت يومها من المرور و أنا دافع بتاع 1150 جنيه تقريبا , يعنى السنة واقفة عليا ببتاع 400 جنيه, ما شاء الله, ضعف الضريبة بالظبط, عالم حريفة ولاد كلTEEEEEEEEEEEEEET .

حاجة تقرف و الله العظيم, المفروض يلغوا التأمين الاجبارى بتاع الراجل اللى قاعد فى كشك جوه ادارة المرور ده و كل واحد يروح بره , يأمن على حسابه و لما ييجى يرخص , ياخد معاه فاتورة الـتأمين و اللى معاه فاتورة يرخص و اللى ممعهوش مايرخص .

في أوروبا والدول المتقدمة بيعملوا كده
لأحقيقي في الخليج(الكويت) مافيش مكاتب تأمين جوة المرور التأمين بيتم في مكاتب بره المرور وبتاخد التأمين وتروح بيه المرور وتعمل فحص فني وتكمل الأجراءات
والتأمين ضد الغير معروف أنه في حالة تصادم عربيتين وأنت الغلطان تأمينك يصلح للعربية الي مش غلطانة وبينزل مخالفة عليك فقط في المرور نتيجة لخطأك في الحادث المروري
ألي بيحصل في مصر ده نصب وجباية أموال من شركات التأمين تحت سمع ال....... أمال هما بيخدوا التأمين ضد الغير مقابل أي نوع من الخدمات!!!!!
وعلشان كده لو أي حادثة حصلت في مصر الناس بتنزل تقطع بعضها(لا قانون)
وده نادراااااااااااااااااا مايحدث في أي دولة بتطبق القانون الطبيعي للتأمين الأجباري

التأمين الأجباري (تأمين ضد الغير)من أساسيات الترخيص في الكويت أو مصر..........وفايدته ياباشا هو التأمين ضد الغير ومعروف أنه في حالة تصادم عربيتين وأنت الغلطان تأمينك يصلح للعربية الي مش غلطانة وبينزل مخالفة عليك فقط في المرور نتيجة لخطأك في الحادث المروري
النتيجة أن مايحصلش أحتكاك بين سائقي العربيتين..........كل واحد عارف أنه هاياخد حقه فمش طالبه خناقه وخدوهم بالصوت لا يغلبوكم
بيجي عربية الدورية بتعمل معاينة للحادثة وتحديد مبدأي للغلطان وبعد كده بيطلع ال2 علي القسم لأستكمال الأجراءات عن طريق محقق
لو شايف أن تقدير الدورية والمحقق مش سليم ومطلع الغلط عليك ليك الحق تطلب خبير فني وكلمته هي الفيصل
في التأمين بيخيروك بين خيارين
-تقدير أجمالي للتصليحات شاملة كل حاجة وعادة بتفوق تكاليف التصحيح الفعلية في حالة لو عربية قديمة
-تصلح في التوكيل وتجيب فواتير مع نسبة خصم لأسعار القطع حسب موديل وقدم العربية