اشتريت افيو 2008 اتوماتيك

**ahmedsm** · 06-01-2011 10:49 AM

السلام عليكم....
انا اشتريت افيو اتوماتيك 2008 من شهر تقريبا كدا وكانت عاملة 38200 ك والحمد كانت تمام لحد من فترة كدا تقريبا اسبوعين ظهرت هذه المشاكل:
- صوت تزييق يمين - تحس انه من الكرسى اللى جنبك بس غريبة لما بيكون حد راكب جنبى مفيش صوت بيطلع والصوت بيضايق جداا وعايزله حل ضرورى.
- لما باخد مطب ولا حاجة زى كدا بسمع صوت فى العفشة زى خبطة كدا.
- انا دلوقتى داخل على 40 الف كنت عايز اعرف اعمل الصيانة فى التوكيل ولا اروح اى مركز وصيانة 40 الف بيتعمل فيها ايه .
- وكنت عايز اعرف اغير الكاوتش دلوقتى ولا استنى لما اوصل 50 الف .

فارجو من اصحاب الخبرة فى الافيو الرد عليا وشكراا مقدما
معلش طولت عليكم .......

**aymanmaly** · 06-01-2011 11:58 PM

المشاركة الأصلية كتبت بواسطة ahmedsm

السلام عليكم....
انا اشتريت افيو اتوماتيك 2008 من شهر تقريبا كدا وكانت عاملة 38200 ك والحمد كانت تمام
الف مليون مبروك على العربية و ربنا يعطيك خيرها و يكفيك شرها
لحد من فترة كدا تقريبا اسبوعين ظهرت هذه المشاكل:
ان شاء الله مافيش مشكلة بدون حل
- صوت تزييق يمين - تحس انه من الكرسى اللى جنبك بس غريبة لما بيكون حد راكب جنبى مفيش صوت بيطلع والصوت بيضايق جداا وعايزله حل ضرورى.
بص يا استاذى الفاضل دة حاجة من اثنين
اما ان الكرسي محتاج تربيط و تشحيم و دة عند اي حد سروجى يعملهالك ( لو انت محدد الصوت صح )
طب لو الموضوع ما تحلش يبقى دة صوت عفشة او شكمان مفكوك و دة محتاج حد يبص لحضرتك
-
لما باخد مطب ولا حاجة زى كدا بسمع صوت فى العفشة زى خبطة كدا.
الاول ربط عافشة لو الصوت ما رحش بص على المساعدين
- انا دلوقتى داخل على 40 الف كنت عايز اعرف اعمل الصيانة فى التوكيل ولا اروح اى مركز وصيانة 40 الف بيتعمل فيها ايه .
الاول اقراء الموضوع دة
http://www.nilemotors.net/Nile/185698-a.html
هاتعرف اية الى بيحصل فى الصيانة
اما عن مكان الصيانة صاحب العربية كان بيعمل الصيانة فين ؟ فى التوكيل ولا عند ميكانيكى عادى ؟ وعلى هذا الاساس لما تقول هاننصح حضرتك بالاتجاة الصحيح
- وكنت عايز اعرف اغير الكاوتش دلوقتى ولا استنى لما اوصل 50 الف .
اية هى حالة الكاوتش نسبة علو النقشة
لو الكاوتش حالتة كويسة خليك على 45000
و انصحك انك تروح اي فرع لبريدجستون يكشفولك على الكاوتش
ولو قالوا لازم يتغير ممكن فى الحالة دى نشوف احسن البدائل مع بعض
و بالتوفيق فى القرارات السليمة

فارجو من اصحاب الخبرة فى الافيو الرد عليا وشكراا مقدما
معلش طولت عليكم .......

**ahmedsm** · 07-01-2011 11:46 AM

الف مليون مبروك على العربية و ربنا يعطيك خيرها و يكفيك شرها

الله يبارك فيك

اما ان الكرسي محتاج تربيط و تشحيم و دة عند اي حد سروجى يعملهالك ( لو انت محدد الصوت صح )
طب لو الموضوع ما تحلش يبقى دة صوت عفشة او شكمان مفكوك و دة محتاج حد يبص لحضرتك

هو انا فعلا خليت ميكانيكى ربطلى الكرسى بس من غير تشحيم . انا ان شاء الله اروح لسروجى واخليه يشحمهولى كمان واشوف الصوت هيروح ولا لأ

الاول ربط عافشة لو الصوت ما رحش بص على المساعدين
تربيط العفشة ده اعمله فين

اما عن مكان الصيانة صاحب العربية كان بيعمل الصيانة فين ؟ فى التوكيل ولا عند ميكانيكى عادى ؟ وعلى هذا الاساس لما تقول هاننصح حضرتك بالاتجاة الصحيح

هو اخر صيانة عاملها كان عند اخوان مقار صيانة 35 الف

و انصحك انك تروح اي فرع لبريدجستون يكشفولك على الكاوتش

بص انا ساكن فى الهرم فلو فى فرع قريب ياريت تقولى عليه واروحلهم واكشف عليه وبعد كدا نشوف بقى انواع الكاوتشات النضيفة ....

متشكر جدااا لرد السريع

**aymanmaly** · 07-01-2011 06:59 PM

بريدجستون اقرب فرع ليك 55 شارع المنيل ت 25324063
طيب هو لو اخر صيانة عاملها فى مقار يبقى كدة العربية لسة فى الضمان ( هو شاري شهر اية 2008 )
و اذا اتاكدنا انها لسة فى الضمان هاتروح ليهم و هم هايضبطوا كل حاجة بما فيها تربيط العافشة و صوت الكرسي
ما تلعبش فى العربية عند حد خليك مع التوكيل طالما ان فية ضمان

**أشرف العدوي** · 08-01-2011 10:59 PM

المشاركة الأصلية كتبت بواسطة ahmedsm

بص انا ساكن فى الهرم فلو فى فرع قريب ياريت تقولى عليه واروحلهم واكشف عليه وبعد كدا نشوف بقى انواع الكاوتشات النضيفة ....

متشكر جدااا لرد السريع

أقرب فرع بريدجستون ليك
في بنزينة توتال في اول الهرم و انت جاي من الجيزة على أيدك اليمين

**ahmedsm** · 09-01-2011 10:54 AM

المشاركة الأصلية كتبت بواسطة أشرف العدوي

أقرب فرع بريدجستون ليك
في بنزينة توتال في اول الهرم و انت جاي من الجيزة على أيدك اليمين

هو فعلا ده قريب منى ان شاء الله هعدى عليه شكرا يا باشا

**أشرف العدوي** · 09-01-2011 12:59 PM

المشاركة الأصلية كتبت بواسطة ahmedsm

للاسف مفيش معايا حاجة تثبت انه عمل صيانة فى مقار غير ورقة كدا كانت فى العربية وموجود فيها التاريخ والصيانة القادمة بس للاسف اتقطعت .... وحتى كتيب الضمان ده مش معايا ....

ومعرفش هو شارى فى شهر كام 2008

في مقار بيبقوا مسجلين الداتا برقم العربية
فأنت ممكن تروح تسألهم اخر مرة العربية عملت صيانة أمتى و ايه الي اتعمل فيها و ان شاء الله يجاوبوك
و بالنسبة لتاريخ الشراء
أعتقد ممكن من منصور نفسهم برقم الموتور و الشاسيه الي في الرخصة كلمهم على الرقم المختصر بتاعهم
بالنسبة لكتيب الضمان مش هقدر افيدك فيه
بس ممكن تسألهم في منصور تقولهم انهخ ضاع منك مثلاً و تكون جايب برنت من مقار بالصيانات الي اتعملت
او تروح مقارؤ نفسهم و تقولهم ان كتيب الضمان ضاع منك و انك عايز برنت بالصيانات الي تمت بالتواريخ و عداد الكيلو متر
و أن شاء الله يساعدوك