وعشان تبقى عارف احنا الكسبانيين برده
انتم متقدروش علينا
الام ثم الام ثم الام
عندك حاجة تقولها
عرض للطباعة
وعشان تبقى عارف احنا الكسبانيين برده
انتم متقدروش علينا
الام ثم الام ثم الام
عندك حاجة تقولها
كلامك جميل بس ليل أعتراض على كلمة ((( تساعد حضرتك فى الحياة الصعبة )))) لان الاب و الام الاتنين بيكافحو علشان مستوى معيشة أفضل لهم هما الاتنين يعنى مفيش فلوسى و فلوسك لآ البيت كلة كيان واحد و الدخل علشان أنتو الاتنين تدفعو مصاريف مدرسة كويسة للأولاد و المشاركة بين الزوجين دة امر حتمى لو عاوزة تقعد فى البيت مفيش مشكلة بس حا تخسرو نصف الدخل الاب و الام الاتنين بيشقو بس علشان خاطر الاولاد و معيشة افضل للبيت كلة لانهم فى مركب واحدة و شركاء فى كل شيىء مناصفة و الام بتتعب مع الاولاد فى المذاكرة دة حقيقى و الطبخ و لكن الراجل برضو بيقوم بالاعمال المنزلية مع زوجتة اكيد مش سى السيد يعنى نايم و مأتنخ زى الافلام ههههههههههه لا و لو الشاب أتربى من بيت اهلة أنة يعتمد على نفسة اكيد فى بيتة حا يشتغل و يعمل كل حاجة و دة مش عيب و لا يقلل من شأنة ابدا أنا وجهت نظرى الاتنين عليهم مسؤلية و حمل كبير و الى مسترح هما العيال الصغيرة و لا على بالهم شاطرين بس فى الطلبات و الاب و الام هما الى بيلبو طلباتهم
انت متحامل جدا على المرأة يا ابو اياد
الست فعلا بتتحمل كتير
ما انكرش ان في ستات كتير متدلعة
يعني تلاقي الواحدة قاعدة في البيت و بتجيلها واحدة تنضف و تنشر الغسيل و البواب يجيب الطلبات والسواق يودي العيال المدرسة والخضار يجيلها متنظف والمحشي متقور ومحشي كمان والهدوم بتروح المغسلة والمدرسين داخلين خارجين
كل اللي ربنا يقدرها عليه ترغي مع صاحباتها وتروح الجيم وتعمل شوبنج
بس على النقيض اللي بتشتغل تصحى بدري تعمل للولاد السندوتشات وتصحي وتلبس وتروح الشغل يطلع عينها وترجع تعمل الغدا وتشوف مذاكرة الولاد و تشوف البيت ونظافته
ويوم الاجازة تخلص شغل الاسبوع اللي مش بتلحق تعمله من تنظيف وغسيل ومكواة وتجهز لولادها وجوزها كل طلباتهم
وممكن تعمل كل دة وهيا عيانة او وهيا حامل وشايلة والله مش كل الستات بتتدلع وهيا حامل زي ما انت بتقول
بس اللي بتحب بيتها وجوزها وولادها بتستمتع بالتعب دة
ويكفيها نظرة رضا من جوزها واحساس الفرح من ولادها ينسيها كل التعب
بس زي ما الراجل بيتعب في شغله بره
هيا بردو بتتعب في شغلها وفي بيتها كمان
والست بردو زي الراجل محتاجة انه يقدر مجهودها وتعبها مش يعتبر ان دة واجب عليها
صدق رسول الله صلى الله عليه وسلم
"اعملوا فكل ميسر لما خلق له "
على رأي زوجي دايما يقول لي لو تعبت واشتكيت من الولاد
( امال عاوزة تدخلي الجنة ببلاش؟) :E_braces[1]:
انا مش متفقة معاك ان الست لازم تشتغل عشان دى مسؤلية عليها مع الراجل
كفاية عليها البيت والعيال وحضرتك
وبعدين بقى الراجل عنده سمه اساسيه هى الانانية
وعلى فكرة انا مش متجوزة بس مفيش واحدة من صحابى المتجوزين الا لما السمة دى تبقى موجودة فى جوزها
وغير عيوب كتير
طبعا عشان متزعلش الستات مش ملايكه بس انته انانييين
انا معاك مية في المية يا استاذ هشام
لو الاتنين حسوا انها مركب واحدة الاتنين هيخلوها توصل لبر الامان
يا اما واحد منهم هيخليها تغرق
وانا باحترم جدا الراجل اللي بيقدر مراته وبيساعدها وما يستكبرش
مع ان رجال كتير بترفض انها تشارك الزوجة في اي حاجة مع انه بيرجع من الشغل بدري وقاعد بيتفرج على التلفزيون او نايم ومأنتخ ومالوش دعوة بحاجة خالص
وتبقى العربية راكنة تحت ويسيبها تنزل تودي الولاد المدرسة بالمواصلات مع انها في طريقه وتشيل طلبات البيت على قلبها وهوة ما وراهوش حاجة يعني من الاخر متمرمطة وهوة اخر راحة
من الواضح أنك ما اخدتيش بالك من قصدى خالص و روحتى فى اتجاة أخر تماما أنا ما قولتش لازم تشتغل علشان تجيب فلوس ههههههههههههههه أنا بجد مش متخيل أنك ترجمتى الكلام كدة بس لو مشيت معاكى فى هذا الاتجاة يبقى طبعا هىة مش ملزمة بأى مصاريف داخل البيت دة حقيقى و الشرع أن الذمة المالية منفصلة و لكن بكدة حا تعيشو انتو الاثنين على قدر مستوى دخل زوجك و تكونى ملزمة برعاية المنزل و الاطفال و دة كفاية عليها و مفروض زوجها ينفق عليها و يديلها مصروف كمان دة صحيح لس أنا برضو بقولك انتى لم تفهمى المقصد من كلامى ابدا
الله ينور عليكى أنتى طبعا لقطتى و فهمتى المغزى من الكلام فى ثوانى بسيطة و على فكرة أنا الاولاد بالرغم من أنهم لسة صغيرين بخليهم ينضفو مكان ما وسخو و بقولة انا مش حا انظف مكان ما انت كركبت الدنيا لم اللعب و روق حاجاتك علشان اعلمة الاعتماد على النفس مش يطلع عيل خيبان ميعرفش بعد كدة يعمل لنفسة كباية شاى
انا فهما قصدك بس انا بقولك فى رجاله عندهم الست تكون بتشتغل يبقى دة حق مكتسب يعنى فلوسها للبيت يعنى مينفعش تجيب حاجة لنفسها حتى ولو قالت تقعد يقول لها يبقى استحملى
مش انا بقولك انا نيين الظاهر انت اللى مفهمتش كلامى ولا بيسعدم فى البيت ولا حتى لو فى حاجة بايظا بيسال الا لما الست تقعد تتحايل عليه عشان يصلحها ولا بيهمه يروح معاها للدكتور لو حد من الولاد تعبان وهى الللى طالع عينها
بص يا فامبير انت يمكن مجربتش يعنى اية مسؤلية وانك تبقى ادها عشان مش متجوز
هزر هزر براحتك دلوقتى
:11::11::11::11:
انت فين يا استاذ هشام عايزاك ترد يالا
معلش اسمحيلى أقولك دة تفكير ناس عندها كام سنة بالظبط يعنى لو 25 سنة ممكن أقول ممكن يطلع دة فى تفكيرهم بس لو ناس رزينة مفيش حد بيفكر كدة دوامة الحياة بتاخدهم فى رحلة شقاء و دة علشان الاولاد مش حا تفكر اجيب هدوم ليا و لا هو الى لازم يجيبلى اتجاة الصرف حا يكون علشان تعلمى اولادك احسن تعليم فى مدارس محترمة و ألا يبقى تودى الاطفال مدارس عادية جدا جدا و و ندور على الحاجات الاخرى و لو حاجة بايظة فى البيت يبقى هما الاتنين مش حا يعرفو يستعملوها و لا أية و لو على التوصيل لو الاتنين مع بعض لو ما عندهمش عربية يجيبو عربية و لو ربنا كرمهم يجيبو عربية تانية أية رأيك بقى صح و لا غلط
والله عارف وشايف المتجوزين بيعملو ايه وعلي فكرة انا مكنتش بهزر لما قولت الحوار البناء مفيد لان فعلا قليل اوي لما تلاقي زوج وزوجة ممكن يفضفضو لبعض ويتكلمو حوار زي اللي داير هنا في حين انه لو حصل هيحل مشاكل كتيرة جدا ففعلا ممكن الموضوع ده يكون سبب لتحمل زوج لزوجته وتحمل زوجة لزوجها.
ماشى يا سمير ربنا يسامحك
على فكرة يا استاذ هشام اللى بقولك عليهم دول 40 سنة واكتر
يعنى مدام الست معاهافلوس يبقى معلش ادفعى قسط المدرسة دلوقتى لحد لما ربنا يسهل
لبس العيد للعيال طبعا ماما معاها فلوس مش بقولك حق مكتسب فى حين ان فلوس السجاير المستوردة ملهاش دعوة بالموضوع دى خارج النقاش
وتقولى مشاركة والقفه ام ودنين
منكرش ان فى رجاله كويسة وعارفة يعنى اية بيت بس نسبتهم كام
يا ريت تفكر قبل متقول
يمكن انت راجل بمعنى الكلمة بس فى ناس كتير يعنىىىىىىىىىىىى
من العجيب و الغريب إن من بدأ الموضوع هي أخت كريمة (وليس أخ) معنا في المنتدى والتي أظن والله أعلم انها قامت بإنشاء هذا الموضوع من باب المواضيع الطريفة ولم يكن المقصود به حسب ما وصل إليه إدراكي إنه من باب الهجوم على الرجل.
ثم عندما يقوم بعض الرجال بالفضفضة ببعض المواقف الطريفة من حياتهم الخاصة كنوع من أنواع الدفاع ضد الهجوم الذي هو في أصله كان من باب الدعابة من طرف صاحبة الموضوع...ينقلب الموضوع إلى ساحة حرب كل طرف يحاول أن يثبت بشتى الطرق والوسائل انه الطرف المظلوم والأحق بالتقدير وتهميش دور الطرف الأخر.
والأعجب أن الطرفان المتبارزان لم يفقها إلى هذه الساعة الوظيفة التي خلقا من أجلها ويضعان نفسهما في مقارنة غير مجدية وغير متوازنة لأن العلاقة بينهما علاقة "تكامل" وليست علاقة "تضاد". إذا تكامل الطرفان وأدى كل طرف وظيفته بحسن تقدير وتفهم من الطرف الأخر دون من أو أذى كانت العلاقة سوية وناجحة وأدركنا الغرض الحقيقي من خلقنا وأن الله تعالى قد جبل جميع العلاقات الإنسانية على الحاجة لا التفضل.
إذا إردنا أن نوضح علاقات التكامل مثلا:
هل الليل أفضل من النهار بل كل له وظيفته ودوره في عجلة و حركة الحياة وَمِنْ رَحمَتِهِ جَعَلَ لَكُمُ اللَّيْلَ وَالنَّهَارَ لِتَسْكُنُوا فِيهِ وَلِتَبْتَغُوا مِنْ فَضْلِهِ وَلَعَلَّكُمْ تَشْكُرُونَ .بالله عليكم أيهم أفضل أو أكرم أو أعظم أو أي صفة على وزن أفعل. في جسم الإنسان أكرم الخلق. العين أم اللسان الأنف أم الأذن اليدين أم القدمين أو في أعضاءك الداخلية قلبك أم معدتك الكبد أم الكليتين.
نأخذ مثلا السيارات بما أننا في منتدى سيارات :
المحرك أم الرادياتير? لم ظنت المرأة أو إستنقصت و قلصت دورها كونها رادياتير يقوم بتبريد المحرك و الحفاظ على درجة تشغيل مناسبة وأرادت أن تكون محركا هي الأخرى.هل أخواتي الكريمات الفضليات وجدن سيارة بها محركان ولا يوجد بها مبرد واحد????هل تعلمن السيارة الأسطورة بوجاتي فيرون بها كم رادياتير ليقوم بتبريدالمحرك .إبحثي على الإنترنت عن هذه الإجابة بنفسك وستندهشين من العدد.
حتى في الذرات الدقيقة هل يعقل إستنقاص الطرف السالب و تعظيم الطرف الموجب هل يعقل أن تكون الذرة ذات شحنتين موجبتين أو سالبتين. إذن إخواني و أخواتي هذه المقارنة باطلة من الأساس. فنحن نحاول تفضيل عاملين و عنصرين مكملين لبعضهما البعض و ليس متضادين. فلكل دوره ولكل وظيفته والخلل كل الخلل عندما لا يقوم كل عضو أو عنصر أو عامل بدوره الذي خلق له و جبل عليه للقيام به.
وإني لأتعجب إخواني و أخواتي فكل ميسر لما خلق له فعندما تنظر إلى عالم الأطفال البرئ قبل إغتياله وغزو وتلويث فكره وعقليته عبر شاشات التلفزيون وأنظمة التعليم المهلهلة...أنظر إلى الطفل في أول إدراكه تجده مندفع دفعا إلى مايتناسب مع طبيعة خلقته و حركته ودوره في الحياة فيما بعد فالولد إخواني الكرام تجدوه يحب اللعب الذي فيه حركة جسدية مثل الجري و القفز و اللعب الذي فيه قتال و دفاع عن النفس ولعبه فيه مسدسات و مدافع و أبطال أسطورية من نسج خياله...
أما الأنثى أكرمها الله منذ نعومة أظفارها لا يحلو لها إلا لعبة العروسة تهتم بها وبملابسها وعمل منزل خاص بها و الحرص على إطعامها وأحيانا تخيل إرضاعها مثل ما حدث مع إبنتي (كان عمرها عام واحد في هذا الوقت)...ثم تأتي لعبة المطبخ وخيال إعداد الطعام للأسرة والتعليقات المرحة "أنا تعبت من شغل البيت" و تجد الأنثى تضفي الحنان و المحبة بالبيت ويحضرني مواقف مع إبنتي ...كانت عادتها بنت ال4 سنوات تأتي إلى غرفتي بالصباح وتنام بجانبي في صمت تنتظر حتى أفيق ثم تدعوني للطعام الذي أعدته لي في مطبخها و تمشي معي حتى باب البيت ثم تقول لي "خدبالك من نفسك" وتستقبلني عند عودتي تساعدني في خلع ثيابي و حذائي و تأخذني الى الحمام لأغسل يدي وأذكر عندما أعود من عند صالون الحلاقة تجعلني أنزل على ركبتي حتى أكون في مستوى طولها ثم تمر بيدها الرقيقة على شعري و ذقني وتقول لي "كده بأه شكلك حلو" وقتلتني في يوم كنا نشاهد التلفاز سويا وبدون مقدمات أخذت كف يدي وأحتضنته و قبلته وقالت لي "بابا أنا بحبك" وسرت قشعريرة في جسدي و تمالكت دموعي بصعوبة...ما الذي دفعها لمثل هذه اللفتة الرقيقة وهي بنت 4 سنوات في ذلك الوقت...
إذن فالولد ينشغل وينفعل بما هو متناسب مع طبيعته وطبيعة دوره في الحياة فيما بعد من كد وعمل وسعي وقتال دفاعا عن النفس والعرض والمال والدين. والأنثى مشغولة بالتدريب الرباني المجبولة عليه لكي تكون أم و زوجة وبث المودة و الرحمة وتظن المرأة مخطئة أن أطفالها أولى بحبها و عطفها و حنانها أكثر من زوجها...أقول لك أختي الفاضلة إعلمي إن زوجك هو بكرة (أول) أولادك... وهو في إحتياجه و ظمأه للعاطفة و الحنان مثله مثل أولادك بل هو في وضع أصعب فلا يعيب الطفل البكاء و الإستجداء بالأم طلبا للحنان و المودة ولكن يكبر على الرجل إظهار ضعفه خاصة أمام أنثاه ولكن بداخله يتمنى أن تستشفه هي وتمتصه وتقوم بإعطاء شحنة مغذية و مسكنة يطيب لها القلب و تستكين وتنشرح بها النفس...
"هو أنا فاضيالك"
ولم ولن أتطرق إلى الحديث عن تكريم الأم بالنسبة للمرأة أو القوامة بالنسبة للرجل حتى لا يتسع الجدال إلى دائرة ليس كلنا يفهم معناها أو يقدر متطلبات هذا التشريف و التكريم للطرفين.
إذا لا داعي للتجريح وأن يظن طرف أنه أفضل من الأخر أو إنه يمن عليه لمجرد العيش معه وأن له دور فعال أكثر من الأخر وأن الحياة لا تستوي بدونه... فقط عندما تستوي علاقة التكامل تستقيم الحياة.
والسلام عليكم ورحمة الله وبركاته
وجزاكم الله خيرا
أستاذ The_Last_Rebel الله يفتح عليك بالظبط كدة العلاقة تكاملية أتنين فى مركب واحدة و الموضوع مفيهوش خناق أبدا على فكرة دة أختلاف وجهات نظر بس مفيش خناق و الاخت زينة الله كاتبة الموضوع شخصية معروفة و عارفين ان الموضوع فكاهى طبعا لا تقلق لا يوجد أى مشاحنات على الاطلاق الاعضاء بيتحاورو مع بعض و لا اظن أن احد سيهاجم الاخر بشخصنة حوار
:shyy::shyy::Ta_clap[1]::Ta_clap[1]::Ta_clap[1]:
طبعا دى مناقشة بس
احنا عارفين مينفعش طرف يعيش بدون الاخر
بس يعنى عايزين الرجاله يعترفم بقيمتنا زى ماحنا بنقدرهم
اخي الكريمThe_Last_Rebel
مفيش داعي تكبر الموضوع
طبعا الموضوع مش تعميم ابدا
الحوار بيتحور على حسب الكلام ومفيش تجريح ولا حاجة
احنا لو هنتكلم عن الاسرة الطبيعية السوية المتفاهمة بدون وجود اي رواسب نفسية او اخطاء في التربية عند اي طرف من الطرفين
هتكتمل المنظومة وتصبح منظومة سوية بكل المقاييس
لان الرباط المقدس دة قائم عل السكن والمودة والرحمة
ولو توافرت الظروف دي في ظل كون الطرفين اسوياء
يتوافر التكامل وليس التضاد ولا الندية
فلا تبتئس يا اخي او يغضبك الحوار
فالهدف من في الاساس هو الدعابة و تحفيز الطرفين على النقاش ليخرج كل منهما ما عنده
أنا لا أرى السيد أحمد امين حاضرا هو بعد ما غير الاسم بتاعة مختفى مش عارف فين هههههههههههههههههههههه و ساب السجع و المواضيع المضحكة و الحواديت الى كنا بنحكيها هههههههههههههههه
هو فى ايه يا جدعان :shyy:
انا قرات الموضوع والردود.وبعد اذن صاحبة الموضوع وكذلك miss mona .رايى مختلف عن ارائكم .جايز علشان انتم لسه متجوزتوش .ما ينفعش نعمم الصفات السيئة او الصفات الحميدة فى الرجل .فالقاعدة ان الرجال مش كلهم بهم صفات سيئة.ولكن البعض ما افتكرش ان الرجل لو عايز يرضى مراته ويقول كلمتين حلوين يبقى ده كدب ده من وجهة نظرى.وانما بيكسب ودها .دى الكلمة الطيبة صدقة للناس فما بال الكلمة الطيبة لزوجته .وحتى لو كذب كذبة بسيطة حتى لا يزعل زوجته وماله.الراجل قصده خير . اما بالنسبة لموضوع العمل وكذلك المشاركة فى المصاريف وايه يعنى ما دام بيحصل بالرضا .انتى لو عندك اطفال هتفضليهم على نفسك .ولو علاقتك كويسة بجوزك صدقينى والله هتفضليه هو كمان على نفسك.وعلى فكرة الحياة مشاركة لا يقلل من قيمة الرجل المشاركة فى الحياة المادية .وكمان الرجل بيتعب فى الشغل فى حاجات والمراة فى حاجات تانية .كل واحد له دوره المهم يعمله صح ويكون راضى عن اللى بيعمله.وربنا خلق الرجل والمراة وخلق بينهما مودة ورحمة وسكن .ومفيهاش حاجة احنا نستحملهم شوية وهما كمان يستحملونا .معلش طولت عليكم الكلام شوية
والله انتى لو قريتى كلامى هتفهمى ان اللى انتى بتقوليه هو اللى انا بقوله الست دايما قلبقا على اولادها ومش عايزاهم ناقصين حاجة بس الشكله فى الراجل ودة من تجارب صحابى المتزوجات
وبعدين انا معممتش انا قات فى رجاله كتير من النوعية دى
دة ميمنعش ان فى كويسيين
عموما الحياه مش كلها حلوه لازم حبة كدة وحبه كدة ويمكن الراجل بيجيله وقت يمل من الحياه ويحس انه عمال يدور فى ساقيه مبيفقش عشان كدة يمكن بيحصل كده
عموما ربنا يهدينا ويهديهم
ويا ريت لما الراجل يقول كلمه حلوه تكون من قلبه من غير ررياء ولا كذبه بيضه
لما هوه يدور فى ساقية ييجى دور الزوجة وتخفف عنه وتحسسه انها مقدرة تعبه .ويكون من قلبها مش تضحك عليه بكلمتين.وعلى فكرة لو الزوجة شخصيتها كويسة وانسانة كويسة الكلام الحلو هيطلع لوحده من غير نفاق او رياء.ولا حتى ضحك على الذقون.انا باكلمك عن تجربة .مش بحلم ولا باتخيل انى عايشة فى المدينة الفاضلة.اتمنى ليكى حياة سعيدة ان شاء الله
ربنا يخليكى ويسعدك
طبعا انا معاكى ان الست هى اللى بتخلى البيت جنه او نار
بس لو الراجل كمان عايز يحافظ على البيت هادى
يمكن معظم الحالات اللى انا شوفتها مكنتش كدة
انا دايما بقول ربنا يرزق بنات المسلمين بالزوج الصالح اللى يتقى الله فيهن
اهى النصيحه دى اجمد حاجه فى الموضوع :F_eyeb1[1]:... ونعم النصيحه ياريت كل الستات تمشى وراها عشان الكل يستريح :E_braces[1]:
--------------------------
لكن باقى الموضوع الرجاله تعمل ايه بس دا حتى فى مسرحيه محمد صبحى لما عملوه انسان بيفكر بالكمبيوتر معجبش مراته برضه...مفيش حل ممكن يرضيهم لو لمينا كل رجال العالم لاول مكوك رايح زحل
الى الجنه يا معشر الرجال..اصبروا :10D5C8w1107:
اوعى تقول اللى انا فهمته
يا رب الراجل ومراته عليا
ربنا يسعدكم يا رب
كدة هتخلونى اغير رأى فى الرجاله
بس بنسبة1%