الموضوع: أكثر 7 اكاذيب مشهورة عن الرجال

[youtube]http://www.youtube.com/watch?v=yk5cVzUR2Qo[/youtube]

المشاركة الأصلية كتبت بواسطة ahmed_nubira

نسيتى كدبه تامر حسنى فى عمر وسلمى

(يابنتى انتى غاويه نكد...قلتلك معرفهاش...والله العظيم ماعرفها)

ههههههههه

هههههههههههههه واحد أهه بيعضد الموضوع بمثال ههههههههههه

يا أستاذ أحمد الأمثلة كتير حنقو ل أيه ولا أيه بس ههههههههههه

المشاركة الأصلية كتبت بواسطة M.Alaa92

و البقية تأتى
و افتكرى حضرتك اللى بدأتى و جنت على نفسها مراكش هه

افتكر انها براقش أما مراكش دى مدينة فى تونس هههههههههههههه

المشاركة الأصلية كتبت بواسطة cyborg_ift

فعلا شريحه واحده عندهم قدره انهم يخلوك تقتل اللي جنبك والله من كتر ما اتنرفزت لسعت زميلي اللي جنبي على قفاه وطلعت أجري ...................

القاعده الأولى حط أعصابك في التلاجه وعد لعشره وخد نفس عمييييييييييييييييييييييي ييييييييييييييق

المشاركة الأصلية كتبت بواسطة megamoudy

هههههههههههههههههههههه


وانا شخطت ف ابن خالتي امبارح وانا بكلم الاخت ع الموبايل
والنهارده عمال اعتذربه واقوله كانت مناقشة نسائية ههه


ربنا يهدي يارب

اهو دا بقى نظام التلاكيك تلاقيك يا سيبورج متغاظ من صاحبك و ما صدقت تلزقه على قفاه

و كمان ميجامودى تلاقيه شايل من ابن خالته و فش غله فيه لما سنحت الفرصة


ليه دايما الرجال اشطر من الستات فى التلاكيك ؟!


لما يحب يقفل على موضوع أو طلبات يقلبها دراما ونكد


نظام " وكمان بتقولى صباح النور " على رأى رشدى اباظة

هههههههههههههه

المشاركة الأصلية كتبت بواسطة The_Last_Rebel

..."وطي التكيف عشان العيال"

...."وطي الكاسيت عشان العيال"

يارب....(هتخليني أدعي على عيالي!!!)

هههههههههههههههه

مشكلة فعلا إن بعض الازواج يعملوا الاولاد درع بشرى بينهم

و أنا شوفت بالفعل صديقات ليا أبوهم بيسخنهم على أمهم

و ايضا شوقت امهات كل ما يحبوا يطلبوا حاجة يتحججوا بالاولاد مش عارفة ضعف أو خوف

فعلا الحكاية دى بتعكر العلاقة بين الابناء و أحد الابوين وممكن مع الابوين كمان و مشكلة كبيرة جدا

دا الفتنة حرام بين الناس مش بين ولاد الواحد شئ صعب جدا

و خالى من المسئولية و الحكمة و الرحمة

المشاركة الأصلية كتبت بواسطة aiman0173

طيب يعني هو لا كدا عاجب ولا كدا عاجب ، أنا مراتي مبتشتغلش وتلاقيها كل فترة كدا تسخن وتقولك عايزه أشتغل انا زهقت من قاعدة البيت أنا مش خدامة أنا ...........

ولما في مرة الموضوع سخن معاها قوي وواحدة صاحبتها جبتلها شغل ووافقت على مضض والله ما كملت أسبوع ورجعت قالت حقي برقبتي بس دا ما يمنعش انها من فترة للتانية تقول نفس الاسطوانة بس المود بقه أهدى شوية

على فكرة علاج الزهق ممكن يكون فى خروجة من فترة للتانية

و لو ساعتين فى الاسبوع أو رحلة كل سنة

و كويس انك سيبتها تجرب الشغل وتعبه وقرفة و تخف من الطلب دا ،حد طايل القعدة فى بيته معزز مكرم والراحة

المشاركة الأصلية كتبت بواسطة mr_vampire

والله عارف وشايف المتجوزين بيعملو ايه وعلي فكرة انا مكنتش بهزر لما قولت الحوار البناء مفيد لان فعلا قليل اوي لما تلاقي زوج وزوجة ممكن يفضفضو لبعض ويتكلمو حوار زي اللي داير هنا في حين انه لو حصل هيحل مشاكل كتيرة جدا ففعلا ممكن الموضوع ده يكون سبب لتحمل زوج لزوجته وتحمل زوجة لزوجها.

صح يا فندم و ياريت فعلا ناخد الموضوع من هذا المنطلق و بروح مرحة

المشاركة الأصلية كتبت بواسطة yoko

http://www.nilemotors.net/nile/194586-a-4.html
عشان أطلع براءة
مشكلتي إني بقول الحقيقة حتى لو ضدي

الرجوع للحق فضيلة يا يوكو مش مشكلة ههههههههههههههههههههه

شكرا لك

المشاركة الأصلية كتبت بواسطة mrwho1982

السلام عليكم اولا

ياااااااااااا نون النسوة ( حلوة نون النسوة دي )

انسحبو احسنلكم وبلاش تخلوني اتهور تاني

انا لسه داخل البيت وجاي من عند حماتي وخلوني سااااكت

أقولك إيه بس ................يا راجل " حماتك ملاك " ههههههههههههه

المشاركة الأصلية كتبت بواسطة kh_talaat

لالالالا ... الصراحه كلنا هذا الرجل

وبلاش مكابره احسن يعتبروا كلامك دة الكدبه الثامنه

بس بصراحه احنا بنعمل كدة عشان نرضي الطرف الآخر مش عشان نفسنا :f_eyeb1[1]:

واحد صادق اهه ماعندوش غير 7 كذبات هههههههه براءة و مسامحينك فيهم لجل خاطر الطرف الآخر و الأخ اللى استسلم تحت دا ههههههههههههههههههههههههه هههههه

المشاركة الأصلية كتبت بواسطة no comment

كدة هيبقى وشى منك فى الأرض هههههههههههههه .

اعترف بالهزيمة يا أستاذ أحمد كدا يبقى احنا 1 - 0 ومازالت مباراة الحياة مستمرة هههههههههههههههه

المشاركة الأصلية كتبت بواسطة nabaster

نيجي للجد بقي

نقطة التفاهم مهمه جدا بين المخطوبين او المتجوزين

والكلمه دي المفتاح السحري لاي مشكله مهما كانت كبيره او صغيره

لان علي اسوأ الظروف لما الراجل ههيتعصب ويقول اي كلمه

هتلاقي الطرف التاني بيمتص غضبه وبيهدي الامور وميمنعش انه يتناقش معاه في اي كلمه وحشه اتقالت

بس بعدين لما الامور تهدا

ده مثال بسيط لمفهوم التفاهم بين الطرفين

والعكس صحيح برضه (مع الاحتفاظ بكون الراجل راجل والست ست وفي حدود لكلام الست مع جوزها مهما كانت الظروف)

مش تحيز مني لبني جنسي

لاكن مجتمعنا الشرقي الذكوري فارض الوضع ده

حاجه تاني

بالنسبه للـ 7 كدبات بقي

الستات بطبعها (ودنيه) الست بيرضيها الكلمه الحلوه وممكن كلمه واحده تنسيها يوم طويل مقرف من الشغل

عكس الراجل الي نقطة الرضا معاه بتبدا من العين (سبب المشاكل في معظم البيوت المصريه)

لان دايما الراجل عايز يشوف مراته في احسن صوره وده الي مبيحصلش (الا من رحم ربي طبعا)

فهتلاقي بقي انكم انتوا السبب في موضوع الكدب ده

الواحد بيشتري دماغه بكلمتين حلوين وخلاص ويهناه يا سعده باقي اليوم

بس ساعات ظروف الشغل والحياه بتخلي الرجاله صعب حتي يصطنعوا الضحكه دي من الهموم

وعايز الي يشيل همه ويحكي معاه ويفضفض معاه

وهنا تبدا المشكله

هوا زهقان وهيا مستنيه تسمع كلمه حلوه منه

لا ده يرضي دي ولا دي ترضي ده و تبدا الخناقه

فعلشان كده قلتلك التفاهم هوا مفتاح الزواج الناجح

لان لما يفهم الراجل طبيعة مراته

والست تفهم طبيعة جوزها

هتفهم هوا محتاج ايه في الوقت ده وهتراعيه

والعكس صحيح برضه

بس كده يا ستي :)

a.yakout

طيب يا أستاذ أحمد كلامك جميل بالنسبة للتفاهم وإن الست بتحب تسمع الكلام الحلو و ودنية

يمكن لأن عاطفتها و خيالها أوسع ههههههههههههههههه لكن بالنسبة للرجل العين دى جديدة عليا هههههههه

اعذرنى يمكن معلوماتى قديمة أنا كنت فاكرها المعدة بصراحة هههههههههههه

الاهتمام بالمظهر ضرورى بردوا على الأقل النظافة من الايمان و الاستزاده فى الجمال حلوة ومطلوبة

لكن بتحتاج وقت ومجهود و تكلفة بتيجى على حساب حاجات تانية

اقول لك مثال واحدة صاحبتى حلوة و انيقة الصراحة

ايام الخطوبة خطيبها كان بيقولها دايما إنه ما بيحبش الست المبهدلة و اللى ريحتها بصل و ...... الخ

و بعد الجواز كان أكبر شكوى ليه الأكل ثم الأكل ثم الاكل هههههههههههههههه و يروح ياكل عند مامته !!!!

و طبعا هى تعبت فى الاول و خصوصا مع وجود أول طفل ما بين التوفيق بين الأكل و شغل البيت و الأبن الصغير و الزوج و جمالها !!

فعشان كدا لو فى تفاهم و مشاركة زى ما حضرتك قولت ممكن الوقت يتنظم شوية و هو يساعدها فى الأوقات الصعبة

و هى تستحمله لما يكون تعبان الدنيا تمشى لأن كل وقت و له ظروفه و اولاوياته و الاحساس بالمشاركة فى حد ذاته جميل

أكثر من مجرد المصلحة المنفردة

اختى زينة
موضوع ظريف جدا واحب اقولك ان الراجل بيكدب كتير اكتر مما تتخيلى لسبب واحد انو يريح دماغه فبالنسبة لموضوع الثوب ده جميل مثلا لو انا قلت لصاحبى القميص ده شكله عليك زبالة وانت لابسه شكلك بلياتشو هيضحك ومش هيبلبسه تانى انما لو قلت لبنت وخصوصا لزوجتى وباسلوب جميل وراقى ان الفستان ده هاهاه موش مبين جمالك يبقى حاجة من اتنين يانا غبى موش بفهم فى الموضة ياما ماتلها ميت وندخل فى حوار يستمر لأربع ساعات اعترف فى نهايته ان الفستان حلو علشان دماغي واروح افتح التلاجة ادور على سيتال ا جرام

اختى لو ركبت كاميرا خفية تسجل كل اللى بيحصل بين الرجاله وبعضهم بعيد عن الستات هتلاقى ان عالم الرجالة فى منتهى البساطة وابسط مما تتخيلى على الرغم من خشونته وعالم البنات صعب جدا على الرغم من نعومته ومعظم كدب الرجالة بيكون للهروب من وجع دماغ الست