السلام عليكم
ماشى على ال100 و بدل ما أعطى الغيار الخامس اعطيت الثالث . و اكتشفت ذلك بعد حوالى 30 ثانية . ما المشكلة المحتمل حدوثها ؟
السلام عليكم
ماشى على ال100 و بدل ما أعطى الغيار الخامس اعطيت الثالث . و اكتشفت ذلك بعد حوالى 30 ثانية . ما المشكلة المحتمل حدوثها ؟
متقلقش مفيش حاجة طالما محصلش حاجة للعربية ساعتها....والموضوع دا أصلا ممكن تستخدمه في حالات الطوارئ مع الفرامل لكنه غير محبذ أبدا لانه بيخرب المتور.
ولا حاجة
............
الله يطمنكم جميعا يا اخوانى الأعزاء
على حسب عربيتك 1300 ولا 1600 علشان كل نقله ليها مدى معين وربنا يسترها معانا جميعا
دايو 1500 2008
لا ماتخافش الدايو شديده 1500 يعنى لو قرصت على التانى يعدى 130 كيلو ماتخافش ان شاء الله سليمه الدايو من العربيات اللى مكنها حلو
ممكن توضيح أكتر يا أخ driftracer11 ؟ هل تقصد ‘ن الغيار التاني يجيب 130؟
هي الدايو بيركبلها MIVC الايام دي ولا ايه :D
ايه يا عم انت قارص على فى الكلام ليه انا مع صاحبى mitsubishi 1300 ويجيب التانى 100 فما باللك 1500 التالت تتوقع 20 كيلو ولا ايه ;)اقتباس:
المشاركة الأصلية كتبت بواسطة r0xer
اللي انت عملتة ده اسمه تسقيط غيار
وده بنعملة لما نكون بنشد مع حد او عايز تحرق وتعدي بسرعة
ومعروف ان احسن غيار للحرق علية هو التاني والتالت
حلو اوى الكلام ده طب لو قارص علي الاول وبعدين جبت التالت فيها حاجه
بلاش تقرص علي الاول....
الاول كل ايلي هايدهولك اقصي عزم للعربية...علشان تطلع من الثبات وتتحرك بسرعه ...بس سرعه القصوي قليلة جداا.....يعني بالكتير مش هاتعدي 40 كم...بس هاتكون حرقت بنزين كتير...وفي نفس الوقت اجهدت الموتور قوي...
الافضل تحرق علي التاني ...او التالت ..زي كريم ما قال ...
وفي رأي الشخصي....لومش محتاج السرعه العالية دي قوي علشان حاجة مهمة ...بلاش منها خالص....
يا Okky الحمد الله .. محصلش حاجة بس بلاش الكلام دة تانى ..دة مش مظبوط خالص هاقولك لية
انت عملت حاجتين مؤثرين تأثير سيىء على العربية
الاولى :معنى كلامك انك كنت ماشى على 100 ولسة ماجبتش الخامس
كدة يبقى انت بتحرق على الرابع وبتجهد الموتور
مفروض من اول 85 تجيب الخامس عشان تريح العربية
التانية :تسقيط الغيار من الرابع على التالت على سرعة عالية
- بيخرب الموتور
- بيضعف الفتيس
-وممكن لاقدر الله يكسرلك تروس فى الفتيس
الحمد الله جت سليمة ... وخد بالك المرة للى جاية .
من 85 يجيب الخامس
مش شايف ان الكلام ده قليل قوي
الخامس ما يتجابش الا في حالة انك مش محتاج تسارع نهائي
والتسقيط طبعا مش كويس
لكنة مطلوب لما تكون محتاج تعدي من حاجة بسرعة او نقل زانق عليك وعايز تتطلع منه
والاجهاد في الحالة دي مش خطير ولا حاجة لان في عربيات كتير العزم بتاعها ما بيطلعش غير على عدد لفات موتور كبير
4400 مثلا
والقوة الحصانية الكاملة مش هاتطلع غير عند 6000 لفة مثلا
يبقي في الحالة دي التسقيط مطلوب وهو زيه زي الكيك داون في الاتوماتيك
وطول مانت مراعي زيت الفتيس كويس وبتكشف علية عمرة ما يضعف الفتيس
وده مش طريقة مشي
ده حالات قليلة طبعا
و في طريقة سريعة تانية ل"حرقة" سريعة و طلعة كدة لقدام لو لقدر الله بتقادي حاجة .اقتباس:
المشاركة الأصلية كتبت بواسطة karim_monir
وانت علي الغيار بتاعك .. تالت - رابع .. سيب البنزين و دوس دبرياج و بنزين مع بعض سنة و سيب الدبرياج تاني .. حترفع عدد لفات المحرك من 3500 ال 3800 مثلا في وقت صغير ( مفيش احتكاك ) و بعيدن حتخليه يحك تاني ..
مش عارف اشرح بالظبط بس العربية حتنط نطة لقدام و و حتعدي من الي جنبك او علي الاقل عربيتي انا :P
يا جدعااان انا معايا هيونداى اكسنت 1300 و الرابع عندى اخرووو 90 وساعات لما بيبقا بقالى كتييير مبجريش بيها بحرق بيه و اجيب ب الرابع ال 100
كريم باشا كل اللى انت قلتة مظبوط وتمام مفيش كلام .اقتباس:
المشاركة الأصلية كتبت بواسطة karim_monir
بس انا بتكلم فى الطبيعى (طريق مفتوح -مفيش مفاجاءات -ظروف طبيعية -مكمل فى سرعتك)
متستناش اخر الرابع خالص و تمشى تحرق علية بعدين تجيب الخامس ... مفيش داعى لتعب العربية دة
ودة موجود فى مانيوال اى عربية و المتوسط بتاعها لغيار الرابع بيبقى من 85 الى 90 فى معظم العربيات
وعلى فكرة لازم الخامس يبقى فية جزء للتسارع والا العربية مش هاتعدى 120 كدة
انما لو فى ظروف معينة عايز فيها تسارع فى وقت قليل و لحظى بيبقى كلامك هو دة المفروض يتعمل .
معلش عشان اتقال كلام كتير اوى فى الموضوع:
اولا لصاحب الموضوع مفيش مشاكل من اللى حصل لان التالت بيجيب 120 مستريح و بالتالى مفيش عندك مشكلة... كل الخطورة انك لما تنزل نقلة تجبر لفات الموتور انها تعدى عدد اللفات المحدد ب6500 فى اللانوس و فى الحالة دى بيحصل تلف للموتور اغلبة مشاكل فى الصبابات نتيجة تخطى حاجز ال6500 لفة
بالنسبة للحرق و كدة طول ما انت تعدتش الred zone عادى جدا و مفيش مشاكل و بما ان الدايو و كل العربيات الانجكشن فيها rev limiter انت مش حتعرف اساسا تعدى الred zone بالحرق... فقط لو نزلت نقلة فى توقيت مش مناسب و اجبرت الموتور انة يلف اكتر من 6500 لفة فى الدقيقة
زى ما شفتم القصة ملهاش دعوة بالسرعة بتاعت العربية لان دى بتختلف من عربية لعربية حسب نسب الفتيس و التخفيض فى الكورونا فا سرعة معينة فى عربية ممكن تكون غلط فى عربية تانية تبقى عادى لذلك يجب الاعتماد على الRPM
اللى معندوش RPM اما يشوف الموديل اللى بRPM اخرة فى الرعات ايه عند6500 فى كل نقلة او يكبس لحد ما الموتور يفصل عشان يعرف اخر الموتور فين بص انا مبنصحش بالحركة دى لان التفصيل مش حاجة كويسة للموتور
اما موضوع التسقيط و كدة فا لما تسقط غيار لازم تبقى عارف ان الغيار الاقل مش حيخلى الموتور يعدى الred zone و دى بتعتمد على خبرتك مع العربية... كمان لازم تعمل rev matching بانك تكبس كبسة بنزين و انت دايس دبرياج و بتنقل عشان تعلى لفات الموتور و تتناسب مع النقلة الاقل اللى حتنقل عليها و الا العربية حتفرمل
بالنسبة لنط نقلا فا حسب سرعة الموتور و النقلة... ساعات بكبس على التالت لحد 100 و بعد التالت بدى خامس لان السرعة المقررة 100 و انا مش حمشى طريق السويس على الرابع... طالما سرعة العربية و النقلة متناسبين يبقى مفيش مشاكل... انت ممكن تجيب 100 على التالت و الربع و الخامس و التلاتة عادى جدا
MMamdouh
كله كلام مكمل لبعضة والاختلاف بس في نوع العربية وطريقة السواقة
سيات لوفر الخامس فيه تسارع طبعا بس بطيئ جدا
التسارع الحقيقي تاني وتالت ورابع
لان الاول عزم بس تقريبا
عادى جدا جدا يا باشا متقلقش
ياريت يا جماعة اللى بيقول عادى و طبيعى وكل الكلام اللى اتقال ذى بعضة ...يعرف اننا بنتكلم فى ارواح ناس و فلوس بى الالفات فى صيانة عربيات بيوتنا اولى بيها .. الراجل دة لو عربيتة موتورها جامد و مادس دبرياج و عمل الحركة دى ..كان ممكن ... الله لا يقدر العربية تتقلب بية !
والله انا كنت هاقول نفس كلام محمد ممدوح..
الكلام مظبوط تماما..
العلاقة كلها بالار بي ام.. مش سرعة نهائي..
ووارد قوي انك علي 100 اللي انت كنت ماشي عليها دي علي الرابع كان ار بي ام علي 3.8 مثلا و ميكونش وصل 4 ولو نزلت علي التلت هتكون علي 4.5 ولا حاجة.. وكل ده عادي جدا ومكفيش فيه اي خطورة طالما انت بعيد عن الاحمر في العداد..
وحتي لو وصلت للأحمر في العداد مفيش مشكلة بس كتر المشي عليه كده بيتعب الموتور وبيزود التآكل و بيزود استهلاك البنزين جدا..
انا مقتنع بكلام ممدوح و كريم جدا..
الخبرة تفرق..
انا بوصل ل110 كيلو متر على 3500 لفة على الغيار الخامس بس فى حاجة مش
عارف ديه عادية ولا لا
لما بعدى ال3000 لفة صوت الموتور بيعلى وبيزيد كل ما يزيد عدد لفات الموتور
فهل ده طبيعى علشان عدد لفات الموتور بتزيد ولا لا
لا متقلقش خالص..
اكيد ده عادي جدا..
و برضه نستني كلام حد من الكبار.. كريم ولا ممدوح او سبعاوي.. او غيرهم من الناس التقال هنا ف المنتدي
بس بيتهيألي انه عادي جدا..وطبيعي
عادي جدا متقلقش حصلت معايا كتير
فكرتنى باسخف حاجه عملتها من غير ماخد بالى ... كنت لسه مغير زيت الفتيس ... ومش فاهم ايه اللى جه فى دماغى "وانا ماشى بالعربيه" انى اجرب النقله بتاعت المارشدير علشان كان فيها زنه كده
3 مرات يا حضرات والعربيه ماشيه لقدام وانا عمال اجيب مارشدير واسمع صوت التروس وهى بتصوت وانا ولا هنا وعمال اقول ايه ده حاجه غريبه قوى ده الغيار مش راضى ييجى خالص وكمان فى صوت عالى ... هما بوظولى الفتيس وللا ايه؟؟ :) :)
انا بعد كده ركنت ربع ساعة وقعدت احاول افهم انا كنت باعمل ايه .... وهل كنت نايم وللا مخى كان فين .....قعدت 4 ايام اضحك على نفسى كل شويه وفى نفس الوقت زعلان وخايف لاكون من كتر التوتر ابتدى يجيلى اعراض زهايمر
ههههههههههههههههههههههههه ههههههههههه
لا يا عم الحمد لله ربنا ستر ومحصلش حاجة في العربية
عادي كتير قوي الواحد بيخرف كده و بيعمل حاجات في منتهي الغباء وهو مش مدرك هو بيعمل ايه..
وبالنسبة لموضوع الزهايمر.. متقلقش منه خالص..
مش لوحدك.. يا عزيزي كلنا هذا الرجل..
يا مان ولا هيحصل حاجة عادي بس متعملهاش كتير ده تسقيط الغيارات ده للحريقة بس خليك في الطبيعي اللذيذ
Ibiiiiiiiiiiiiiiiiiiiiiiiiiiiiiiiiiiiiiiizzzzzzzzz zzzzzzzzzaaaaaaaaaaaaaaaaaaaaaa For Ever
+1000000000000000اقتباس:
اللي انت عملتة ده اسمه تسقيط غيار
وده بنعملة لما نكون بنشد مع حد او عايز تحرق وتعدي بسرعة
ومعروف ان احسن غيار للحرق علية هو التاني والتالت
النقل للنقلة الاقل ( من الرابع للثالث او من الثالث للثاتى مثلا ) يستعمل لزيادة كفاءة الفرامل عند الوقوف السريع لتحميل الموتور مع الفرامل لسرعة ايقاف السيارة فى حالات وقوف الطوارىء , ويجب ان يستعمل بحرفنة
اقتباس:
المشاركة الأصلية كتبت بواسطة emadkamel
حصلت معايا قبل كدة بس اول ما اتعلمت السواقة و مكنتش فاهم ان كدة غلط :D
كان ابويا راكب جمبى و كان بيعلمنى ازاى اركن فا انا دخلت غلط و وانا طالع قلت احضر بقى النقلة الخلفية و هوب صوت التروس انا اتخضيت قلت انا مش دايس دبرياج ولا اية و كان والدى قاعد جمبى و قالى انة علشان تنقل لورة لازم تكون واقف و من ساعتها الحمد لله معملتهاش :D
بس عادى يا باشا الحالات دية بتحصل كتيير بس فى مواقف تانية مش السيارات بس :D
انا بجيب على الأول 60 السيارة مرسيدس 230 معدلة
طبيعى جدا .
100 على التالت لمدة 30 ثانية
يعنى لو قلنا ان التالـت بيكون 3000 Rpm على 60 يبقى تقريبا 5000Rpm على 100 ،
طب فين المشكلة ؟ انا كنت كتير بمشى بالعربية الشاهين على 140 على الخامس وكان العداد بيكون 5000 Rpm ، مع فارق التحميل على المحرك بسبب الغيار العالى ، ومش بس نصف دقيقة، لأ بال 10 دقائق او ربع ساعة لو طريق طويل
شيل من دماغك خالص يا راجل ، طالما موصلتش لحتة ال 6000 آلاف، يبقى ولا حاجة خالص، حتى لو كنت مشيت كدة ربع ساعة وللا تلت ساعة ، اللى ممكن يكون مؤذى للمحرك انك تروح من القاهرة لشرم الشيخ مثلا وانت ماشى طوال الوقت على 5000 Rpm ، يعنى مثلا تاخد الطريق كله 160 على الخامس او 100 على التالت
لكن 100 على التالت لمدة 30 ثانية دى ولا كأن حصل حاجة اصلا، ياراجل دا انا بالعربية الريجاتا اللى عمرها 23 سنة بجيب 90 على التالت كل يوم مرتين تلاتة وانا بحرق علشان اعدى من حد، وانت ببتكلم على مرة واحدة فى عربية جديدة
شيل من دماغك يا عم
انا اللي مستغربله ازاي مختش بالك الا بعد 30 ثانية !
اصل تسقيط غيار من غير rev match معناه ان العربية بتتنطر لقدام فجأة و صوت الموتور بيعلي جدا ! يعني زغاريط بتقولك فيه حاجة غلط
عامة حصل خير
لا عادي
ايام مكنت بتعلم السواقه كنت بعمل انيل من كده
ده انا وانا ماشي علي التلت جيبت مرشدير
هههههههههههههههه
بتحصل كتير والعربيه تمام الحمد لله