لوجان هاف ولا فول ولا سانديرو هاف

**themyth999** · 06-01-2011 01:02 PM

السلام عليكم
طبعاً قبل اي حاجه عايز اشكر كل القائمين على الموقع للمجهود المبذول و المعلومات المفيده اللي ساعدتني اني اخدج قرار التوجه الي رينو و اسيب اللانوس و الفيرنا
بس دلوقتي الحيره في اني حابب الهاتش باك و لازم تتحجز و للأسف انا مستعجل على العربيه عشان عربيتي خلاص بتشحر
غير كده انا برضو مقتنع باللوجان السيدان العاديه و معنديش مانع فيها بس مش عارف اجيب الفول ولا الهاف لأن بصراحه انا مش شايف غير فروقات بسيطه شكليه
لو حد يساعدني و يقولي على الفروقات بالضبط بين الفول و الهاف يبقى كتر خيركوا لأن في ناس بتقول ان الفرق في المرايات و واحد اير باج و نيكل على الطاره و الشنطه
فهل في ريموت للفول ولا لأ و كمبيوتر الرحلات شغال ولا لأ و الذي منه
علما اني ان شاء الله هجيب من سمير ريان و لو لقيت السانديرو هجيبها ان شاء الله حتى لو هاف انما لو ملقيتهاش فمحتار بين اللسيدان الهاف و الفول
رجاء المساعده و شاكرين لكم حسن تعاونكم معنا

**AIRSUPPLY13** · 06-01-2011 01:24 PM

اللي يفيدك في هاتش باك و الا سيدان هو انت
محدش يقدر يفتيلك في دي.........السؤال انت بتحي الهاتش.......تقدر تستنى؟؟؟؟

اللي اقدر افتيلك فية هو في السيدان ......القول اوبشن بكل تاكيييييييييد
فرق الفلوس يستاهل

اللوجان بصفة عامة (اقضل قيمة مقابل المال)

و ربنا يصلحلك الحال

**ayman1204** · 06-01-2011 02:01 PM

فول اوبشن والفرق 4 الاف جنية يستاهلوا والله
كفاية ان المرايات وانا فى الاشارة بظبتها وانا قاعد وكمان الكمبيوتر بتاع الرحلات 10 على 10
والفوج لايت
والكرسي بيطلع وينزل غير الاير باج
وبرضوا الدريكسون بيطلع وينزل
واللمض بتاعت الابواب لو مش مقفول كويس ولا حاجة وحاجات تانية برضوا ( فول اوبشن بقى )
كمان الريموت بتاع المفتاح
انا لحد دلوقتى
مفتحتش الابواب بتاعت العربية بالمفاتيح
كلوا
تيك توك ^ ^

**ahmedabotalb33** · 06-01-2011 02:23 PM

طبعا الفرق يستاهل زى ما الاخوه قبلى نصحوك لو استقريت على السيدان انصحك بالفول اوبشن ولو عاجبك الهاتش باك انصحك بالانتظار لانك مبتشتريش عربيه كل يوم لازم تكون مقتنع بيها تماما
مبروك مقدماااااااااااا

**nour_nrc** · 06-01-2011 02:39 PM

فول اوبشن ياباشا

وربنا يوفقك

**themyth999** · 06-01-2011 02:53 PM

شكرا جزيلاً للجميع على الرد
انا لسه حالاً متصل بسمير ريان و بمحمد زكي و بصوا بقى الكلام
سمير ريان :
انا : عندكوا لوجان
هو : اه يا باشا
انا : بكام
هو : الفول 68500 و الهاف 64500 و الأبض الهاف بـ 63000
انا : طيب في لون فيراني
هو : على حسب لو جيت لقيت خدها بس الموجود دلوقتي السيلفر و البترولي
انا :طيب انا اتصلت بمحمد زكي و قاللي مفيش فول اوبشن في السوق
هو : محمد زكي يقول اللي هوا عايزه احنا اول ناس بتستلم في مصر
انا : طيب ممكن احجز الفيراني
هو : انا مبحجزش عربيه يا باشا - لما تيجي تخلص هتلاقي الالوان المتاحه اختار منها
انا : شكرا مع السلامه
الخلاصه بقى :
دلوقتي انا عايز اللون الفيراني عشان عاجب مراتي و السانديرو محمد زكي قالي احتمال تيجي على نص اتنين و طبعاً لو حجزت العربيه هستنى و يا جه اللون اللي انا عايزوا يا مجاش و مشاكل الحجز المعروفه في السوق
المشكله ان سمير ريان بيخلص الاجراءات بسرعه و عندوا مندوبين من البنوك مش هبهدل نفسي لأن محمد زكي قاللي هتروح انت البنك و تقدم على الطلب و الكلام الفاضي ده
انا دلوقتي مش عارف لو جيت اشتري اروح لمين و الفول اوبشن الفيراني اجيبها من مين
ولا اريح نفسي و اروح على التوكيل بتاع رينو ناس محترمه و احجز السانديرو و ربنا يفكها من عندوا
الواحد بصراحه زهق من التجار و معاملتهم اللي تقرف للزباين كأن الواحد رايح يستلف العربيه
تعاطفكم لوحدوا مش كفايه - اتبرع و لو بنصيحه وهنيالك يا فاعل الخير و الثواب

**ayman1204** · 06-01-2011 03:09 PM

نصيحة من واحد صاحبي ليا كنت هجيب السانديرو
قلى يعنى هتجيب رينوا ! وكمان سانديرو ( قصدوا على سعر اعادة البيع )
خليك فى السيدان علشان انتشرت اوى وان شاء الله ليها مستقبل

**MOUSTAFA_SAAD** · 06-01-2011 03:37 PM

المشاركة الأصلية كتبت بواسطة ayman1204

نصيحة من واحد صاحبي ليا كنت هجيب السانديرو
قلى يعنى هتجيب رينوا ! وكمان سانديرو ( قصدوا على سعر اعادة البيع )
خليك فى السيدان علشان انتشرت اوى وان شاء الله ليها مستقبل

فعلا السيدان انتشرت اسرع وكمان ميزة الشنطه الكبيره

**ahmedabotalb33** · 06-01-2011 03:42 PM

المشاركة الأصلية كتبت بواسطة ayman1204

نصيحة من واحد صاحبي ليا كنت هجيب السانديرو
قلى يعنى هتجيب رينوا ! وكمان سانديرو ( قصدوا على سعر اعادة البيع )
خليك فى السيدان علشان انتشرت اوى وان شاء الله ليها مستقبل

على فكره من سنه ونص بس كمانت لما تقول لحد انك حتجيب لوجان كانت الناس تقولك حتجيب رينو وكمان لوجن مغربى بس الحمد لله دلوقتى اللوجن عملت اسم محترم جدا فى السوق المصرى السانديرو هيا هيا اللوجن مفيش بنهم غير فرق الشكل والحتياجات من العربيه بشنطه كبيره ولا شنطه معقوله

**tamer61** · 06-01-2011 03:55 PM

بص يا باشا هات الفول أوبشن سواء سيدان أو هاتش باك ... الفرق قليل في الفلوس لكن في الكماليات الفرق كبير زي ما الوحوش شرحوا بالتفصيل. لكن حكاية الحجز و الإنتظار دي هي المشكله لأن الواحد بيبقى على نار و صدقني العربيتين نفس الكفاءه و نفس كل حاجه ... الفرق الوحيد الجوهري هو الشكل و حجم الشنطه و عموما ربنا يوفقك للخير.