الدريكسيون بيلف لوحده ناحية اليمين او اليسار

**refath** · 06-01-2011 02:31 PM

السلام عليكم ورحمة الله وبركاته

انا عندى مشكلة فى الدريكسيون بدأت تظهر معايا بعد تغيير جوز المقصات وكاوتشات الميزان الامامى والمساعد الامامى يمين لانى كنت دائما اسمع خبط عند المطبات او الحفر والحمد لله الموضوع ده اختفى

وبعد التركيب روحت ظبطت زوايا عند عمرو بدوى فى الحى السادس وساعتها قالى انى المقصات حلوة لكن علية الدريكسيون عايزة طقم اصلاح عشان فيها بوش

المهم جربت العربية لاقيتها تمام ولكن فى نفس اليوم كنت خارج من شارع جانبى واضطريت اكسر الطارة كلها ناحية اليمين
وبعد ما عدلت الطارة لاحظت دوران الطارة بشكل غريب ناحية اليمين بما يعادل ربع لفة تقريبا وكان لابد من عدل الطارة بيدى اليسرى بشكل قوى عشان احافظ على توازن العربية

طبعا روحت لبتاع الزوايا وطلع جرب العربية معايا وقالى انها من البطاحات مع انى مغيرتش اساسا البطاحات وما اشتكتش من الموضوع ده قبل كده

والموضوع ده بيتكرر بشكل مستمر بعد لف الدريكسيون بالكامل سواء ناحية اليمين فيسبب ميل العربية ناحية اليمين
او لف الدريكسيون بالكامل ناحية اليسار فيسبب ميل العربية ناحية اليسار ولكن بشكل اقل بكثير من الناحية اليمنى

فهل المشكلة دى سببها علبة الدريكسيون ام البطاحات ام الاتنين مع بعض مع ملاحظة وجود صوت طقطقة بسيطة عند لف الدريكسيون سواء ناحية اقصى اليمين او الشمال والعربية واقفة

واسف جدا على الاطالة
ومنتظر نصائحكم

**mohamed9999** · 06-01-2011 02:57 PM

المشاركة الأصلية كتبت بواسطة refath

علبة الدريكسيون عايزة طقم اصلاح عشان فيها بوش

المشاركة الأصلية كتبت بواسطة refath

وقالى انها من البطاحات مع انى مغيرتش اساسا البطاحات

طالما عندك الحجات دى بايظه او عاوزه تتصلح كده كده صلحهم الاول و بعدين شوف النتيجه و اكيد العيب منهم لان علبة الدركسيون بايظه بيبقى فيه خلل فى عملية التوجيه و دا اللى انت بتعانى منه
الطقطقه اللى بتظهر عند لف الدركسيون من البطاحات و بعدين مش شرط تشتكى منها هى بتظهر فجاءه زى كل اعطال ال128 وامر البطاحات سهل .....

**refath** · 08-01-2011 10:45 AM

المشاركة الأصلية كتبت بواسطة mohamed9999

طالما عندك الحجات دى بايظه او عاوزه تتصلح كده كده صلحهم الاول و بعدين شوف النتيجه و اكيد العيب منهم لان علبة الدركسيون بايظه بيبقى فيه خلل فى عملية التوجيه و دا اللى انت بتعانى منه
الطقطقه اللى بتظهر عند لف الدركسيون من البطاحات و بعدين مش شرط تشتكى منها هى بتظهر فجاءه زى كل اعطال ال128 وامر البطاحات سهل .....

انا روحت للميكانيكى وزيتلى البطاحات ورجعت لمركز الزوايا وطلع جرب معايا العربية وحصل نفس المشكلة بس على خفيف جدا يدا بعد اى ملف يمين اوشمال العربية تتجه فى نفس الاتجاه بس على خفيف جدا
بس اقترح عليا انى اغير فيبر المساعدين مع التشحيم الجيد
روحت للميكانيكى تانى امبارح ومعايا فيبر المساعدين وقلتله على الموضوع وفعلا فكلى المساعدين الامامى لاكن لاحظ انى البطاحات سيئة جدا واضطريت اغيرها وكمان غيرت القواعد البلاستيك اللى بتبقى فى السوست من فوق ومن تحت وكمان حطلى كاوتشات ميزان للمساعد وركبهم وكله تمام
ورحت بعديها للزوايا وقالى انى العربية محتاجة كبس لبارات الدريكسيون الخارجية او يستحسن تغييرهم
وكمان قالى انى البطاحات دى بايظة عشان عالية شوية ( مرتفعة عن العلب حوالى 1 سم ) على وصفه وقالى انها ممكن تخبط فى الكبوت

انا قرفت ومش عارف اعمل ايه تانى

الميكانيكى والعفشجى ومركز ضبط الزوايا اكدولى انى علبة الدريكسيون سليمة

**refath** · 10-01-2011 02:48 PM

؟؟؟؟؟؟؟؟؟؟؟؟؟؟؟؟؟؟؟؟؟؟؟

**محمد فريد** · 15-02-2011 02:27 AM

انا عندى مشكلة قريبة من حضرتك
1- الدركسيون كله بيحدف ناحية الشمال ولازم اسنده بايدى عشان العربية متحدفش
2- لما بجى الف شمال للاخر الدركسيون ميردش لوحده وفى زى عضه كده
3- فى اى نقره او طريق مش مستوى الاقى الطاره بتخبط وتزيق وتشخلل مع ان العفشة قدام جديدة
4- اى ضربة فرامل مفاجئة تلاقى العربية عرضت وحدفت شمال
5- اخر حاجة من يومين لقيت الدركسيون كانه مايع كده والدوران للشمال مبيجيش كامل وبضطر اخد الملف على واسع

قولت مابدهاش - نزلت تحت العربية وفكيت الكاوتش الشمال ورفعت العربية لقيت الاتى
1- الكاوتشه الشمال بتاع الاسكتر او علبة الدركسيون (معرفش الفرق ايه الصراحه) المهم اللى هو العمود اللى فى صدر العربية وفيه من اليمين والشمال كاوتشه سوسته كده وجواها زيت : المهم لقيتها مقطوعه وكل المادة اللى جواها الشحم ولونه رصاصى مش موجود والكاوتشه فاضية خالص
مش عارف بقى الكاوتشه دى بتتغير ولا اجيب اسكترا جديدة الايطالى ب 215 والصينى ب 115 الصراحه اوفر اجيبها جديدة لان الحشو والعمرة بتقعد بالظبط 6 شهور

طبعا انا لسه مروحتش لعفشجى عربيتى 128 برضه وان شاء الله اوديها قريب لان العفشة مهمه جدا واى خبطة بتأثر على علب الشاسيه

**refath** · 15-02-2011 09:30 AM

على فكرة انا غيرت البطاحات تانى
وغيرت علبة الدريكسيون بواحدة جديدة ايطالى
والمشكلة ما زالت قائمة

**محمد فريد** · 15-02-2011 04:25 PM

يستحسن تغير العفشجى ده لان شكله مع احترامى مش تمام

**mohamed9999** · 21-02-2011 12:02 PM

المشاركة الأصلية كتبت بواسطة محمد فريد

يستحسن تغير العفشجى ده لان شكله مع احترامى مش تمام

انا برضو بقوووووووول كده

**adidas_vip2** · 26-02-2011 02:55 PM

السلام عليكم
انا عاوز اقول ان انا عندى نفس حاله حضرتك بالظبط

1:- لما بلف الطارة عالاخر سواء شمال او يمين بسمع صوت طقة خفيفة جدا
2:- ايضا مع المطبات بسمع صوت خبطة خيفية فى الطارة وكأنها سايبة شوية
3:- ايضا لما اجى اخد ملف الطارة بتحتاج انى اساعدها فى حاله الرجوع اى مش بتعدل معايا بشكل كامل مع العلم انى كشفت عالمساعدين والعفشة وكانت سليمة
فا اعتقد ان العيب فى علبة الدركسيون نفسها
والله اعلم وياريت لو حد عدى بنفس المشكلة وقدر يصلحها يفيدنا وارجو من أ / محمد ممدوح المداخلة والاستفادة من خبرتة العريضة وشكرا ليكم

**adidas_vip2** · 26-02-2011 03:07 PM

السلام عليكم

انا تقريبا عندى نفس المشكلة بتاعت حضرتك مع العلم انا عربيتى لانوس وهى تتلخص فى الاتى :-

1 :- لما بلف الدركسيون شمال او يمين بسمع صوت طقة خفيفة كدة
2:- ايضا لما اخد ملف شمال او يمين لازم اساعد الطارة عشان ترجع وضعها الطبيعى ( بصيت على زيت الباور كلة تمام )
3 :- لما باخد مطب صناعى كدة العربية وهى نازلة بلاقى الطارة لفت شمال او يمين لوحدها
4 :- ايضا لما باخد مطب بسمع صوت رجرجة فى علبه الدركسيون

ملحوظة انا بصيت عالعفشة من تحت فا لقيتها كلها زى الفل فا اعتقد ان العيب ممكن يكون فى علبة الدركسيون والله اعلم
فاارجو ان لو حد مر بنفس المشكلة وقدر يصلحها انه يفيدنا كمان نتمنى من أ /محمد ممدوح انة يقولنا رأية لان رأية مهم جدا نظرا لخبرتة