كل شىء عن الماتريكس

**momomania22** · 01-04-2008 09:21 PM

بمناسبة الماتريكس
انا احترت في الزيوت
اول 20 الف استعملت موبيل وان وكنت بغيره كل 6 شهور لأني بعمل تقريبا الف كيلو في الشهر
بعد كده ولحد دلوقتي بستعمل موبيل hpx
وبغيره على 2500
وعايز استخدم شل بعد كده
ايه رأيكم وهل الزيت التخليقي افضل ام المعدني وشكرا

**momomania22** · 03-04-2008 02:43 AM

ارجو الرد من فضلكم
ايهما افضل التخليقي ام المعدني للمحافظة على المحرك مع العلم اني بعمل تقريبا الف كيلو في الشهر

**Salah_sr** · 03-04-2008 06:25 AM

ماتور الألنترا 2007 مختلف تماما عن الماتركس و مفيش أساسا سير كاتينة و لكن به جنزير و الألنترا 2000 cc بها 2 سير كاتينة بيتغير علي 140 ألف حسب الكتالوج و كما قلت 1600 cc لا يتغير فيها سير الكاتينة و الجدول المعروض قديم حسب الالنترا القديمة و شكرا

**liquidator** · 03-04-2008 10:39 AM

طبعا بدون أدني شك الزيت التخليقي Fully synthetic أفضل لأنه مناسب لجميع درجات الحراره سواء المنخفضه أو المرتفعه لأن درجة لزوجته متغيره و غير ثابته علي عكس الزيت المعدني ... أكيد هايحافظ علي الموتور أكتر و ده كلام أكيد ...

**momomania22** · 03-04-2008 05:32 PM

طيب الزيت ده ممكن اسيبه 6 شهور من غير تغيييير لأني بعمل تقريبا الف كيلو في الشهر
يعني هغيره على 6 الاف ولا ممكن اسيبه اكتر من 6 شهوووور
ارجو الرد

**osamaelbaz** · 03-04-2008 09:14 PM

انا بحط زيت شل الترا الى بتغير على 10 الاف دة نصحونى بية ى التوكيل ودة يناسبك اكتر بس بما انك مبتمشيش كتير حط زيت شل هيلكس الى بتغير كل 5 الاف ودة كويس بردو وبينصحوا بية فى التوكيل ويا ريت اكون افدتك بس انا ليا سؤال لية عفشى الماتريكس ناشفة ومبتخدشى وتدى فى المطبات ولا دة عندى انا بس يا ريت تفيدونى

**liquidator** · 03-04-2008 09:46 PM

لا ده مش عندك بس هي فعلا ناشفه لان المساعدين من نوع Heavy duty dampers يعني مساعدين خدمة شاقه و مصممين لتحمل الأوزان الثقيله نظرا لطبيعة العربيه انها ميني فان و المفروض انها بتشيل حاجات كتير و وزنها تقيل .. بالنسبه للزيت هو زيت شيل هيلكس سوبر مش وحش بس برده معدني و الزيت التخليقي أحسن زي ما قلنا في المشاركة اللي فاتت ... أمرك لله حط شل ألترا و غيره علي ال 6000 و خلاص بس لو انت يعني بتدلع العربيه و تداديها ممكن تحطلها زيت معدني و تبقي واحده واحده عليها يعني بلاش حرق , و بالذات الحرق , و تفويت و الكلام ده ....

**momomania22** · 04-04-2008 05:13 AM

طيب مفيش حاجة وسط
انا سمعت ان في هيلكس بيقعد 7000
هل ده صحيح
طيب اسمه ايه وبكام
وشكرا على الاهتمام والردود واسف على الغلاسة
ونا مش بحرق خالص
مشي عادي جوه البلد وسفرية اسكندرية مرة في الشهر كده

**momomania22** · 04-04-2008 06:59 PM

ايه رأيكم
انا خلاص حطيت هيلكس سوبر عشان مالقيتش بلس اللي هو نصف تخليقي
بس ياريت حد يقوللي اغير السوبر ده كل قد ايه
الورشة اللي بتعامل معاها قالولي عند 4 الاف وانت مطمن هل ده كلام صحيح مع العلم ان الجركل 4 لتر تمنه 77 جنيه

**starpro** · 04-04-2008 07:36 PM

المشاركة الأصلية كتبت بواسطة momomania22

ايه رأيكم
انا خلاص حطيت هيلكس سوبر عشان مالقيتش بلس اللي هو نصف تخليقي
بس ياريت حد يقوللي اغير السوبر ده كل قد ايه
الورشة اللي بتعامل معاها قالولي عند 4 الاف وانت مطمن هل ده كلام صحيح مع العلم ان الجركل 4 لتر تمنه 77 جنيه

على ما سمعت ان تغير نوع الزيت اكثر من مرة له تأثير سلبى على المحرك و يفضل الالتزام بنوع واحد و مضمون دائما و تعرفه عن طريق اختباره و تجربته و افضل انواع الزيوت هو من يترك طبقة على المعدن مثل الشمع و الحقيقة انا ايضا محتار مثلك لان الزيت الوحيد اللى كنت بلاحظ فيه خاصية طبقة الشمع هذه كان زيت اسو زمان و دة خلاص انقرض من مصر و فى سيارتى اللانوس السابقة كنت بستخدم موبيل وان ثمنه 250 جنية تقريبا لكل عشرة الاف كيلو و لكن محرك اللانوس خف جدا بعد 100000الف كيلو لذلك انا مش مستريح لموبيل وان و بفكر فى شل الترا و لكن لا اعرف هل ثمنه مثل موبيل وان ام اقل .