| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 9 1 2 3 4 5 6 ... الأخيرةالأخيرة
النتائج 1 إلى 10 من 82

  1. #1

    الصورة الرمزية starpro

    رقم العضوية : 6942

    تاريخ التسجيل : 05Mar2008

    المشاركات : 72

    الاقامة : CAIRO

    الحالة : starpro غير متواجد حالياً

    Exclamation كل شىء عن الماتريكس - Facebook Twitter whatsapp انشر الموضوع فى :

    hasad">

    الاخوة الاعزاء اعضاء هذا المنتدى الرائع و خاصة مالكى السيارة الماتريكس اتمنى ان يكون هذا الموضوع مخصص لهذا الموديل من الهيونداى لكى نتبادل فيه الاراء و الخبرة عنه حيث ان هذه السيارة قد انتشرت فى مصر بشكل كبير جدا و هناك من يمتلكها منذ سنوات و له خبرة جيدة بها نتمنى ان يفيدنا و يفيد من هم حديثين العهد بها امثالى حيث اننى قد اشتريتها منذ شهر فقط و الحقيقة اننى مازلت اشعر بغربة شديدة بها و اختلاف كبير بينها و بين سيارتى السابقة الدايو لانوس و احيانا اشعر بالحنين للدايو لانى كنت فاهم كل شىء فيها عن الماتريكس.

    ان القائد الجيد للسيارة هو من يشعر بها اثناء قيادته لها و كأنها عضو من اعضاء جسده فيعرف متى ينطلق بها و متى يقف و ما هو مقدار انحرافه بها فى الملفات الشديدة حتى يصل به الامر الى ان يشعر بأعقاب السجائر اذا مرت عليها اطارات سيارته و لا شك ان كل هذا يأتى بالتعود على السيارة و الاحساس بأمكانياتها .

    ان سيارتى الماتريكس موديل 2008تجميع تركى و هذا الامر يقلقنى بعض الشىء لانها مازلت جديدة و التجميع التركى مجهول للكثيرين و لا اخفى عليكم اننى صدمت عند تصفح الكتالوج الخاص بها حيث فوجئت ان اشياء كثيرة قد اختصرها التوكيل من السيارة و لكنى تقبلت هذا الامر بعد ان شاهدت موديلات كورى سابقة ينقصها اشياء اكثر منى.

    و ارجو المساعدة و تبادل الخبرات حول الاتى :
    1- مدى امكانيات هذه السيارة .
    2- هل التجميع التركى جيد ام ظهر به مشاكل .
    3- و ما هى المكونات التى يمكن تغيرها خارج التوكيل و ما هى المكونات التى لا يجوز تغيرها الا فى التوكيل .
    مثل :
    البوجيهات
    الفلاتر
    السيور
    اسطوانة الدبرياج
    تربيط العفشة
    و ما هى الانواع الجيدة لهذه المكونات و ما هى المدة المناسبة لتغير تلك الاشياء .
    و لى سؤال اخير هل كبالن هذه السيارة جيدة ام يجب مراعتها فى الملفات.

    و قبل ان اختم كلامى احب اعرفكم ان جهاز الانذار قد تعطل بعد اسبوع فقط من شرائى هذه السيارة و لاحظت ايضا شىء لم يعجبنى عند تفحصى اسفل السيارة حيث وجدت فراغ غير طبيعى فى لحام قائم اعلى العجلات الخلفية و يبدو ان هذه اول بشاير التجميع التركى .


  2. #2

    الصورة الرمزية bassam nagy

    رقم العضوية : 56

    تاريخ التسجيل : 18Apr2007

    المشاركات : 2,957

    النوع : ذكر

    الاقامة : 6اكتوبر

    السيارة: kia spectra 2004

    السيارة[2]: hyundai matrix 2006

    دراجة بخارية: no

    الحالة : bassam nagy غير متواجد حالياً

    افتراضي -

    اهلا بيك فى منتدى هيونداى بالنسبة فى حاجات كتيير شايلها غبور اولها الكاسيت الاصلى
    الفرق بين التركى والكورى ان التركى فيها لمبة للقراءة فوق المراية المرايات الخارجية اكبر من الكورى فى التركى فتحى الكهرباء الية فى الشنطة ملغية موجودة فى الكورى
    الماتريكس التركى بيجرى كتير منها وناس فى المنتدى هنا معاها والتجميع التركى لايقل كتير عن التجميع الكورى وماحدش اشتكى من التقفيل
    البوجيهات بتتغير كل 30000 الف كيلو وهات النوع الية راكب فى العربية وممكن تغيرهم برة او فى التوكيل بس خليك فى التوكيل بالنسبة للفلاتر كل 15000 الف بيتم تغير فلتر البنزين وفلتر الهواء سير الكاتينة تقريبا كل 45000 الف او 40000 اسطوانة الدبرياج بترجع للاستخدام تربيط العفشة عشان العربية تقيلة على العفشة فاكل فترة بتحتاج الى تربيط حاول تخليك فى التوكيل بالنسبة لجهاز الانذار عشان عم غبور جايب اوحش نوع فى السوق ودة العادى والانذار معايا انا عامل مشكلة كل لما يتصلح مايعدش حاجة بسيطة ويحصل حاجة بس عندى الانذار فى المفتاح مش لوحدة زى عندك
    والف مبروك العربية وربنا يباركللك فيها ويبعد عنك شرها


  3. #3

    الصورة الرمزية starpro

    رقم العضوية : 6942

    تاريخ التسجيل : 05Mar2008

    المشاركات : 72

    الاقامة : CAIRO

    الحالة : starpro غير متواجد حالياً

    افتراضي -

    اقتباس المشاركة الأصلية كتبت بواسطة bassam nagy مشاهدة المشاركة
    اهلا بيك فى منتدى هيونداى بالنسبة فى حاجات كتيير شايلها غبور اولها الكاسيت الاصلى
    الفرق بين التركى والكورى ان التركى فيها لمبة للقراءة فوق المراية المرايات الخارجية اكبر من الكورى فى التركى فتحى الكهرباء الية فى الشنطة ملغية موجودة فى الكورى
    الماتريكس التركى بيجرى كتير منها وناس فى المنتدى هنا معاها والتجميع التركى لايقل كتير عن التجميع الكورى وماحدش اشتكى من التقفيل
    البوجيهات بتتغير كل 30000 الف كيلو وهات النوع الية راكب فى العربية وممكن تغيرهم برة او فى التوكيل بس خليك فى التوكيل بالنسبة للفلاتر كل 15000 الف بيتم تغير فلتر البنزين وفلتر الهواء سير الكاتينة تقريبا كل 45000 الف او 40000 اسطوانة الدبرياج بترجع للاستخدام تربيط العفشة عشان العربية تقيلة على العفشة فاكل فترة بتحتاج الى تربيط حاول تخليك فى التوكيل بالنسبة لجهاز الانذار عشان عم غبور جايب اوحش نوع فى السوق ودة العادى والانذار معايا انا عامل مشكلة كل لما يتصلح مايعدش حاجة بسيطة ويحصل حاجة بس عندى الانذار فى المفتاح مش لوحدة زى عندك
    والف مبروك العربية وربنا يباركللك فيها ويبعد عنك شرها
    الف شكر يا استاذ باسم على الاهتمام و على هذه المعلومات القيمة .
    و احب اوضح شىء انى لاحظت ان فنش التبلوه و الدريكسيون مش قوى فى التركى و قد قمت بنفسى بأستخدام القطر لازالة كثير من الرايش البلاستيك من الدريكسيون لانه ضايقنى كثيرا فى الامساك بالدريكسيون هذا غير ان شاهدت بنفسى عند صديق لى ان مفتاح الانتظار بيتحشر و ما بيخرجش فى سيارة تركى ايضا و اعد يلين فيه اسبوع لحد ما اشتغل عدل و ايضا ملحوظة فنش السيارة من اسفل و القائم الغير ملحوم جيدا الذى ذكرته سابقا و سوف اقوم بتصويره و عرضه عليكم للوقوف على حقيقة الفنش التركى حيث اننى اعتبر هذه الاشياء سوء تجميع ام انها اشياء طبيعية فى الهيونداى عامة الله اعلم فلم اعهد تلك الاشياء فى السيارت الاخرى التى ركبتها من قبل .


  4. #4

    الصورة الرمزية liquidator

    رقم العضوية : 3784

    تاريخ التسجيل : 21Dec2007

    المشاركات : 342

    النوع : ذكر

    الاقامة : Cairo , Egypt

    السيارة: Skoda Felicia Combi GLX 1996

    السيارة[2]: 2012 Hyundai ix20 A/T S/R

    الحالة : liquidator غير متواجد حالياً

    افتراضي -

    أخي الكريم أولا أنا برحب بيك في نادي ممتلكي الماتريكس و أتمني ان ربنا يباركلك فيها و يكفيك شرها .... أنا معايا ماتريكس 2005 و عامل بيها 70000 كيلو
    لي تعقيب بسيط لو يسمحلي أخي بسام علي الحاجات اللي بتتغير و مواعيد تغيرها ...
    فلتر الهواء كل 15000 كيلو
    فلتر البنزين كل 30000 كيلو
    فلتر التكييف علي حسب حالته
    فلتر الزيت كل ما تيجي تغير الزيت
    طقم السيور و سير الكاتينه كل 60000 كيلو
    البوجيهات كل 30000 كيلو
    زيت الفتيس كل 30000 كيلو
    يستحسن انك تستخدم زيت شل ألترا اللي بيعد لحد 10000 كيلو لانه زيت تخليقي و أحسن من الزيت المعدني بتاع ال 5000 كيلو و أفضل كتير للموتور ...
    كبالن العربيه كويسين جدا و أنا عامل 70000 كيلو و لسه الحمد لله الكبالن بصحتهم بس نصيحه حاول تحافظ عليهم و خصوصا في الملفات و التحويدات لان جسم العربيه كبير و وزنها تقيل جدا و لو ماهتمتش بالموضوع ده الكبالن مش هاتستحمل ...
    العربيه الحمد لله تقريبا بدون أي مشاكل معايا من ساعة ماجبتها اللا بس شوية حاجات بسيطه يعني تربيطات عفشه و ضبط زوايا يعني الحاجات العاديه اللي بتتعمل في أي عربيه ... بالنسبه للموتور الحمد لله لحد دلوقتي الزيت مش بينقص جرام واحد و الشكمان لسه بينزل ميه (مع اني مستختدم سيء !!!)
    صوت العربيه العالي ماتقلقش منه لان أصلا الموتور اللي فيها و هو من طراز ( g4ed Alpha 2 ) معروف بصوته العالي ده غير تقل العربيه بيأثر في صوت الموتور ده غير ان الموتور قريب منك أوي ( تقريبا علي حجرك !! )
    لما تيجي تدور العربيه الصبح أول مره هاتسمع شويه طقطقه من دقيقه لمده أقصاها 5 دقايق حسب درجة حرارة الجو ده أمر طبيعي جدا و ما تقلقش منه و الغير طبيعي ان الطقطقه دي تستمر معاك اليوم كله ...
    معدلات الأمان في العربيه هايله جدا ...دعامات الصلب التخينه جدا اللي في الأبواب و التابلوه بتوفر قفص حمايه فولاذي بيحميك من كل الاتجاهات... الفرامل رغم انها مش ABS اللا انها قويه و هاتستجيب معاك من أخف دوسه بس لازم تكشف علي الفرامل باستمرار عشان تفضل في أحسن حالتها و خد بالك العربيه هاتغير معاك تيل أمامي بسرعه بسبب وزنها برده يعني التيل لما يقول أنا راجل أوي أوي مش هايعد أكتر من 30000 كيلو و أنا بغير التيل كل 20 أو 25 ألف كيلو علي أقصي تقدير ...
    حاول تكون حنين علي دواسة البنزين لان كل ما دلعتها و مشتها بالراحه خالص و سبتها تشيل نفسها بنفسها بالراحه هاتفرق معاك جامد في استهلاك البنزين .
    الفينيش التركي بصراحه أنا ماعرفش أخباره ايه بس أنا شايف انه مش وحش أبدا و أكيد مهما كان أحسن ميت مره من الفينيش المصري ...
    و لو احتجت أي مساعده في أي حاجه , أي مشكله , فيوز ضرب و مش عارف مكانه , حاجه مش شغاله و مش عارف ليه , أي مشكله من أي نوع ابقي بس قوللي و احنا كلنا ان شاء الله هانساعدك علي أد ما نقدر ... خللي بالك منها عشان خطري !!!


  5. #5

    الصورة الرمزية bassam nagy

    رقم العضوية : 56

    تاريخ التسجيل : 18Apr2007

    المشاركات : 2,957

    النوع : ذكر

    الاقامة : 6اكتوبر

    السيارة: kia spectra 2004

    السيارة[2]: hyundai matrix 2006

    دراجة بخارية: no

    الحالة : bassam nagy غير متواجد حالياً

    افتراضي -

    بجد انا كل شوية بقول عليك استاذ فى العربية دى اية بسم الله ماشاء الله استاذ فى العربية عارف كل حاجة فيها دا فى حاجات عرفتها منك ....على فكرة انا مش عارف اسمك
    بالنسبة كاتبين فى ورقة الصيانة بتاعت غبور ان البوجيهات بتتغير على صيانة d الية هى 30000
    و60000و90000
    الكشف الكامل للصيانات


  6. #6

    الصورة الرمزية liquidator

    رقم العضوية : 3784

    تاريخ التسجيل : 21Dec2007

    المشاركات : 342

    النوع : ذكر

    الاقامة : Cairo , Egypt

    السيارة: Skoda Felicia Combi GLX 1996

    السيارة[2]: 2012 Hyundai ix20 A/T S/R

    الحالة : liquidator غير متواجد حالياً

    افتراضي -

    و أنا ماقلتش غير كده .... اسمي أحمد و أنا سعيد اني اتعرف بيك و الحقيقه الناس هنا كلهم محترمين و زوق و المنتدي هايل و الناس فعلا بتساعد بعض بدون مقابل ... يا رب المنتدي يكبر كمان و كمان و الناس فيه تكتر و نبقي أكبر تجمع للمهتمين بالسيارات في مصر


  7. #7

    الصورة الرمزية bassam nagy

    رقم العضوية : 56

    تاريخ التسجيل : 18Apr2007

    المشاركات : 2,957

    النوع : ذكر

    الاقامة : 6اكتوبر

    السيارة: kia spectra 2004

    السيارة[2]: hyundai matrix 2006

    دراجة بخارية: no

    الحالة : bassam nagy غير متواجد حالياً

    افتراضي -

    عاشت الاسامى ياحمد
    ويارب يبقى اكبر منتدى عربيات طول ما الناس بتتعاون طول ما المنتدى هايكبر
    اسف انا قصدى على سير الكاتينة كل 45000 الف


  8. #8

    الصورة الرمزية liquidator

    رقم العضوية : 3784

    تاريخ التسجيل : 21Dec2007

    المشاركات : 342

    النوع : ذكر

    الاقامة : Cairo , Egypt

    السيارة: Skoda Felicia Combi GLX 1996

    السيارة[2]: 2012 Hyundai ix20 A/T S/R

    الحالة : liquidator غير متواجد حالياً

    افتراضي -

    ده صحيح مكتوب كده بس لو تلاحظ بيقول لك الالنترا كل 60000 مع ان موتور الالنترا هو نفسه بتاع الماتريكس , و كمان في التوكيل قالولي طقم السيور بيتغير كله علي الستين ألف و فعلا غيروهولي علي الستين ألف مع البليه الثابته و البليه المتحركه لسير الكاتينه و عشان كده بيعتبروا صيانة الستين ألف هي أكبر و أغلي واحده و العربيه باتت هناك 3 أيام علي ما خلصت الصيانه و دفعت حوالي 1500 جنيه بالمصنعيات بس أنا ليا خصم عشان مأمن علي العربيه تبعهم يعني هي المفروض أغلي من كده , و لو سألت أي مهندس هناك هايقول لك علي الستين ألف برده ...واضح ان المعلومه دي مش صح في الورقه دي و أنا معايا الورقه دي و برده مكتوب فيها كده ... فعلا حاجه غريبه ... بس متهيقلي فكتالوج العربيه مكتوب انه بيتغير علي الستين ألف ... انت عامل كام ألف ؟


  9. #9

    الصورة الرمزية starpro

    رقم العضوية : 6942

    تاريخ التسجيل : 05Mar2008

    المشاركات : 72

    الاقامة : CAIRO

    الحالة : starpro غير متواجد حالياً

    افتراضي -

    اقتباس المشاركة الأصلية كتبت بواسطة liquidator مشاهدة المشاركة
    ده صحيح مكتوب كده بس لو تلاحظ بيقول لك الالنترا كل 60000 مع ان موتور الالنترا هو نفسه بتاع الماتريكس , و كمان في التوكيل قالولي طقم السيور بيتغير كله علي الستين ألف و فعلا غيروهولي علي الستين ألف مع البليه الثابته و البليه المتحركه لسير الكاتينه و عشان كده بيعتبروا صيانة الستين ألف هي أكبر و أغلي واحده و العربيه باتت هناك 3 أيام علي ما خلصت الصيانه و دفعت حوالي 1500 جنيه بالمصنعيات بس أنا ليا خصم عشان مأمن علي العربيه تبعهم يعني هي المفروض أغلي من كده , و لو سألت أي مهندس هناك هايقول لك علي الستين ألف برده ...واضح ان المعلومه دي مش صح في الورقه دي و أنا معايا الورقه دي و برده مكتوب فيها كده ... فعلا حاجه غريبه ... بس متهيقلي فكتالوج العربيه مكتوب انه بيتغير علي الستين ألف ... انت عامل كام ألف ؟
    اشكركم على هذه المعلومات القيمة .
    و قد قمت بمراجعة الكتالوج اللى مع السيارة و وجدت ان سير الكاتينة بيتغير كل 45000 الف كيلو و على حد ما سمعت من ناس انه اذا كان موتور الالنترا مثل الماتريكس فأن الجيربوكس مختلف و عدد لفات موتور الماتريكس اكثر فى نقلات الفتيس بسبب تقلها يعنى ان ال 45000الف كيلو من الماتريكس بمقام 60000كيلو من الالنترا و الله اعلم بهذا الكلام و لذلك اخلينى فى الوسط و يبقى كل 50000 الف كيلو معقول لان سير الكاتينة بالذات يعتبر مصيبة لو جراله حاجة.
    اما بالنسبة لمبلغ 1500 جنية و بعد الخصم كمان يعتبر كثير جدا لتغير ثلاث سيور و جعلنى اشعر بالاحباط و خاصة انى كنت اشترى لسيارتى اللانوس السابقة سير الكاتينة بى 45 جنية فقط و الاخر بى 12 جنية و البلية 65 جنية و التركيب 50 جنية يعنى العملية كلها ماكنتش بتعدى ال200 جنية و السير كان بيتغير كل 50000الف برضه يعنى فى 1300 جنية زيادة فى الماتريكس و بعد الخصم كمان شىء مش طبيعى الله يرحم الدايو كانت اصيلة صحيح :(.
    ( ياريت لو حد غيرهم برا التوكيل يقول لنا على فرق السعر )


  10. #10

    الصورة الرمزية liquidator

    رقم العضوية : 3784

    تاريخ التسجيل : 21Dec2007

    المشاركات : 342

    النوع : ذكر

    الاقامة : Cairo , Egypt

    السيارة: Skoda Felicia Combi GLX 1996

    السيارة[2]: 2012 Hyundai ix20 A/T S/R

    الحالة : liquidator غير متواجد حالياً

    افتراضي -

    hasad">

    والله أنا باسمع كلامهم في التوكيل و هما قالولي سير الكاتينه بيتغير علي الستين و والله السير طالع جديد !!! و علي فكره أنا مافوتش ولا صيانه لحد دلوقتي من ساعة ما جبت العربيه و أنا عامل دلوقتي 70000 كيلو... ما علينا ..
    سير الكاتينه لوحده كان بحوالي 150 جنيه علي ما أفتكر و ما تزعلش أوي كده .. انت لو تعرف ان عز العرب بيبيع سير الكاتينه بتاع الجين 2 ب 400 جنيه و طقم السيور كامل ب 800 جنيه هاتقول الحمد لله اني مع غبور و ماعتقدش انك هتلاقي أسعار أحسن من دي عند أي توكيل في مصر ...



 
صفحة 1 من 9 1 2 3 4 5 6 ... الأخيرةالأخيرة

المواضيع المتشابهه

  1. سؤال في الماتريكس يا أهل الماتريكس
    بواسطة elemam_on_line في المنتدى هيــونــداى
    مشاركات: 2
    آخر مشاركة: 29-08-2011, 01:40 PM
  2. جبت الماتريكس
    بواسطة Diaby في المنتدى هيــونــداى
    مشاركات: 11
    آخر مشاركة: 01-04-2011, 08:25 AM
  3. باب الماتريكس
    بواسطة aboyassin في المنتدى هيــونــداى
    مشاركات: 4
    آخر مشاركة: 06-04-2010, 03:58 PM
  4. عيب فى الماتريكس
    بواسطة sayedmorssi في المنتدى المحركات
    مشاركات: 6
    آخر مشاركة: 22-11-2009, 07:13 PM
  5. كلام في الماتريكس و الكارينز من واحد من ملاك و معجبي الماتريكس
    بواسطة الريس في المنتدى قســـــــــم المقارنــــات
    مشاركات: 7
    آخر مشاركة: 25-07-2009, 08:11 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2