عاوز تحسب استهلاك اللوجان بكل دقة ؟.... أدخل!!!!!!!
السلام على أهل المنتدى وزائريه
حبيت النهاردة أفكركم بكيفية حساب استهلاك اللوجان
لأن ده بيأكد على نقطة مهمة جدا جدا جدا جدا............
ان اللوجان عربية اقتصادية بما يميزها فى استهلاك البنزين عن سيارات أخرى فى فئتها
ندخل فى الموضوع:
أولا: أدخل عالبنزينة وفول تانك البنزين
ثانيا: صفر عداد الرحلات (قبل ما تخرج من البنزينة)
ثالثا: مارس حياتك بشكل عادى باللوجان لفترة معينة (مثلا 3 أيام)
رابعا: أدخل نفس البنزينة وفول تانك البنزين (لاحظ عامل البنزينة حطلك كام لتر بالضبط)
خامسا: لاحظ قراءة عداد الرحلات (قبل ما تخرج من البنزينة)
سادسا: اقسم قراءة عداد الرحلات على لترات البنزين فى المرة التانية
الرقم اللى طلع ده عبارة عن معدل الاستهلاك (كام كيلو متر لكل لتر)
على فكرة أنا حسبتها فى لوجى حبيبتى على سفرية كده لشرم الشيخ
من بنزينة امارات مصر على الدائرى بعد المر ج فولت وصفرت العداد
وفولت تانى على بنزينة التعاون على بوابة شرم الشيخ والراجل حط 42 لتر وعداد الرحلات قرأ 563 كيلومتر
استهلاك اللوجان= 563 كيلو \ 42 لتر
= 13.4 كيلومتر لكل لتر
أنا حسبتها على طريق مفتوح خارج المدينة
ياريت نفيد بعضنا وكل واحد فينا يحسبها
وشكرا......
