النهاردة الحمد لله دفعت مقدم السيتي......... سؤال مهم لو سمحتوا
السلام عليكم
باختصار عشان ما أطولشي عليكم، بقالي ما يقرب من 6 شهور عايز أشتري عربية. هي الفلوس ماكانتشي معايا بس كنت بدور عشان لما تجهز ما أقعدشي ألف ودور. وكانت الخيارات قدامي كتير ولكن كنت عايز أبعد عن الكوري بصفة عامة.
كنت عايز ياباني أو أوروبي لكن الهوندا ماكانتشي في بالي أبدا....
ومن يومين بتكلم مع عيان عندي لقيته بيقول لي ما تشوف الهوندا كده ،فدخلت على منتدى هوندا ولقيت موضوعين اللي هما، أكتر 5 حاجات حلوة في سيتي وأكتر 5 حاجات مضايقاني. فالموضوع لعب في دماغي.
عملت إستخارة ولقيت نفسي ميال جامد جدا للسيتي رغم إني ما أعرفشي لحد دلوقتي شكلها عامل إزاي من جوا ويادوب شوفتها مرتين تلاتة كده في الشارع. بس على كلام إخوانا في المنتدى مناسبة تماما للمواصفات الي أنا عايزها. وطبعا كلام إخوانا هنا سيف ماشي على رقاب الكل :) دا غير طبعا إسم هوندا المميز والمعروف بكافئته.
الحمد لله عملت إستخارة تانية ورحت النهارة شركة كونتاكت للسيارات وحجزت lx المفروض إني كنت أستلمها النهاردة بس التوكيل طلب لحد يوم الأحد عشان يعملوا لها حاجة إسمها pdi حد يعرف إيه ده؟
وإن شاء الله حروح يوم الأحد أستلمها من شركة النيل للتجارة والهندسة....
وطبعا عندي سؤال مهم جدا جدا جدا
هل السيتي تؤهلني للإنضمام للعصابة؟
والسلام ختام