حد حصل معاة الحركة دى قبل كدة وياترى السبب العلمى اية؟

احنا المفروض نمور بروتون على اساس ان اللوجو نمر بس بما ان اخواتنا الكياوية واخدين حوار نمور دة فانا قلت خلاص نبقى احنا اسود بروتون :)
ازيكوا يا رجالتنا عاملين اية يارب كلوا بخير
المهم انا قلت ندردش النهاردة فى حركة حصلت معايا بس احب اعرف الناس انى مش من الناس اللى بتخاف او تتوهم زيادة عن اللزوم الموضوع انا عايز اعرف سببة اية واهو بردة ندردش بما انى بقالى كتير مبتكلمش
النهاردة الصبح وانا نازل بسخن جيجى فى امان الله واعد بسمع اغنية المولد لمحمد عدوية واحمد عدوية خير اللهم اجعلة خير الاقى العربية بتتهز جامد وكانها حتبطل بس الار بى ام عالى عادى على 11 المهم قلت باردة ثوانى والعربية ظبطت تانى وثوانى ورجعت الحركة دى تانى (برجلة من غير كركرة ولا تصقيف ولا اى حاجة برجلة العربية كانها حتطفى لكن الار بى ام عالى زى ماهوة ) ثوانى والحركة دى راحت والعربية سخنت وكلة تمام ومحصلتش تانى (السبب اية مش اكتر من كدة انا شاكك فى بوجيهات مرطبة مثلا ياريت اللى حصلت معاة يقول راية ) هية عموما حصلت مرة واحدة النهاردة
حركة تانية بتحصل معايا بس حصلت اكتر من مرة بس على فترات طويلة
ابقى ماشى واقف مثلا انزل اشوف حاجة ارجع ادور العربية تغيب شوية فى الدوارة (المارش يلف اكتر من مرة لحد ما تلقط كانها مبطلة بنزين او شرقانة علشان اكون دقيق مع انى مبكونش قارص بس تحس ان العربية لما اتبطلت مكنتش حرقت كل البنزين اللى موجود فعلت الحركة دى ) انا قلت حقولهم على دى فى الصيانة او لو روحت اركب الزينون قريب باذن الرحمن بس بردة قلت اللى حصلة الحركة دى يقول السبب
وشكرا يا اجدع اسود

اهلا يا ميدو صباح الفل ازيك وايه الاخبار
الموضوع ده حصل معاية مرتين وانا بسخن العربية
في كل مرة تلاقي رعشة اكن حد عمل يهز العربية من برة بتقعد حوالي 3 ثواني وترجع طبيعي تاني
بس في النهاية اكتشفت ان البنزين مش حلو ومن ساعتها محصلتش تاني لو كان هو ده اللي بيحصل عندك يبقى كدة شوف محطة بنزين احسن شوية
وابقى طمني ايه الاخبار

المشكلة بتاعت الهزي تقريبا العربية بتبقى بارده استنى عليها شوية قبل ما تمشي
انا بتحصل معايا و انا طالع من الجراج ساعات عشان كده بقيت بستنى 30 ثانية قبل ما اتحرك بالعربية

المشكلة التانية بتحصلي ساعات و مش عارف سببها
ممكن يكون بنزين مش كويس او ممكن زي ما حد قالي في المنتدى قبل كده ان ده بنزين متبقى في غرفة الاحتراق بيسبب تاخر في الدوران ؟؟؟؟ مش فاهم اوي
يا ريت لو عرفت حاجه من التوكيل تقولنا
عشان انا في المنصورة و مش مستعد اروح الغد تاني :brn:

بص الحركة التانية دي بتحصل معايا كتييييييييييير جدا جدا جدا وبتصل ساعات الى حد الإحراج كمان بالذات لما اكون داخل امون من البنزينة والعربية سخنة مثلا وامون ولسة ها ادور تاخدلها بتاع دورتين ثلاثة ولسة ملقطتش والأنيل ساعات افتكرها لقطت واسيب المفتاح الاقيها لسة مدارتش يبقى شكلي وحش جدا جدا جدا .. ولكن انا كنت فاكر انه انا اللي مش عارف ادورها ههه ولكن واضح انها سمة موجودة عندنا كلنا ...

لو ركبت voltage stablizer

مع نوع بوجيهات محترم انسى يامعلم اى تاخير فى الدواره او علو او هبوط فى الكهرباء زائد زيادة درجة الاحتراق بالكامل

اقتباس:

---

المشاركة الأصلية كتبت بواسطة alarabiya11

لو ركبت voltage stablizer

مع نوع بوجيهات محترم انسى يامعلم اى تاخير فى الدواره او علو او هبوط فى الكهرباء زائد زيادة درجة الاحتراق بالكامل

---

ممكن تفاصيل اكتر شوية عن الstablizer ده
انت اتكلمت عنه قبل كده
عايز اعرف اجيبه منين و نوعه ايه و مصنوع فين ؟؟
و بيتركب ازاي ؟
:11:

اقتباس:

---

المشاركة الأصلية كتبت بواسطة alarabiya11

لو ركبت voltage stablizer

مع نوع بوجيهات محترم انسى يامعلم اى تاخير فى الدواره او علو او هبوط فى الكهرباء زائد زيادة درجة الاحتراق بالكامل

---

بقى انا حتحايل عليهم ف التوكيل علشان يركبولى زينون اصلى لانى بقيت شيش بيش من غير ما يخرجلى الضفيرة من الضمان وبتقلى اركب فولتاج استبيليزر يا محمد بية طب انا راضى زمتك دة يخرجنى انا شخصيا من الضمان مش عربيتى بس :)))
تحياتى يباشا وياريت تقولنا بكام الفولتاج دة صحيح وجبتة عندك ولا لسة فى الخطة الجاية ؟

اقتباس:

---

المشاركة الأصلية كتبت بواسطة sayed911

بص الحركة التانية دي بتحصل معايا كتييييييييييير جدا جدا جدا وبتصل ساعات الى حد الإحراج كمان بالذات لما اكون داخل امون من البنزينة والعربية سخنة مثلا وامون ولسة ها ادور تاخدلها بتاع دورتين ثلاثة ولسة ملقطتش والأنيل ساعات افتكرها لقطت واسيب المفتاح الاقيها لسة مدارتش يبقى شكلي وحش جدا جدا جدا .. ولكن انا كنت فاكر انه انا اللي مش عارف ادورها ههه ولكن واضح انها سمة موجودة عندنا كلنا ...

---

هوة غالبا لان الواحد بيبقى ماشى هادى بس فعلا المفروض ان الواحد يقرص كل فترة والتانية على الغيار علشان البنزين اللى فى الغرفة كلة يتحرق انا عارف ان الحسوكة الذيادة مضرة للعربية وبردة الاهمال الشديد يعنى الاعتدال لطيف كل فترة والتانية نحرق على الغيار فى اخر كل مشوار على الاقل نضمن ان البنزين اللى فى الغرفة كلة اتحرق وميسببلناش احراج تانى يا معلم

اقتباس:

---

المشاركة الأصلية كتبت بواسطة kareem_aljamal

المشكلة بتاعت الهزي تقريبا العربية بتبقى بارده استنى عليها شوية قبل ما تمشي
انا بتحصل معايا و انا طالع من الجراج ساعات عشان كده بقيت بستنى 30 ثانية قبل ما اتحرك بالعربية
الحمد لله انا عمرى ما مشيت بالعربية الا لما عداد الحرارة يتحرك لاول شرطة بعد الصفر ولولا كدة مكنتش لاحظت الحكاية دى النهاردة لانى بعد فى العربية ما لا يقل عن 5 دقايق لحد ما اتحرك بيها وتكون سخنت كفاية ومحدش يقولى تسخين العربية الكتير مضر لانى مقتنع انة مفيد جدا خصوصا فى الجو البرد دة واول تدويرة

المشكلة التانية بتحصلي ساعات و مش عارف سببها
ممكن يكون بنزين مش كويس او ممكن زي ما حد قالي في المنتدى قبل كده ان ده بنزين متبقى في غرفة الاحتراق بيسبب تاخر في الدوران ؟؟؟؟ مش فاهم اوي
يا ريت لو عرفت حاجه من التوكيل تقولنا
عشان انا في المنصورة و مش مستعد اروح الغد تاني :brn:

---

لو عرفت اى حاجة من عنيا حبلغك

اقتباس:

---

المشاركة الأصلية كتبت بواسطة felix

اهلا يا ميدو صباح الفل ازيك وايه الاخبار
الموضوع ده حصل معاية مرتين وانا بسخن العربية
في كل مرة تلاقي رعشة اكن حد عمل يهز العربية من برة بتقعد حوالي 3 ثواني وترجع طبيعي تاني
بس في النهاية اكتشفت ان البنزين مش حلو ومن ساعتها محصلتش تاني لو كان هو ده اللي بيحصل عندك يبقى كدة شوف محطة بنزين احسن شوية
وابقى طمني ايه الاخبار

---

فيلكس باشا بالظبط زى الوصف بتاعك كدة بالمللى بس انا اشك فى حوار البنزين دة خالص لانى بحط 95 للاسف من فترة كبيرة ومنة لله اللى فى بالى هوة اللى سخنى (انت عارف نفسك يا طارق ولولا البنزين دة كان زمانى جايب الدى فى دى معاك :E_braces[1]: ) انا حاسس ان دة من البوجيهات يا فيلكس الله اعلم بردة نستنى الخبراء بتوعنا يدلونا اكتر

طيب بص انا ها ادي معاك فكرة كده ممكن تكون عبيطة شوية ولكن هية اقرب حاجة ليا في دماغي :d :d :d
انا ها اديك مثال ها تفهم انا اقصد بيه ايه بالضبط
دلوقتي انا وحضرتك نزلنا جبنا 2 جين 2 جداد
وفي خلال شهر مثلا
عملنا احنا الإتنين 10,000 كيلو مثلا ..
بس في خلالهم مثلا حضرتك الأر بي ام مكنش بيعدي عندك الـ 3.5 مثلا وبتروح ناقل بهدوء والعربية مسترحية جدا وعندي انا مثلا العربية متشفش وش النقلة الا على 5 او 5.5 يعني على طول حرق في حرق وعلى طول كابس بعد شهر بالضبط ها تحس لو مورت العربيتين وقعدت في دي مثلا وها تحس بيها جدا لو عربيتك اوتوماتيك وحاطط الـ d وواقف بالفرامل ها تلاقي العربية فيها رعشة جامدة من كتر الحرق العربية متفتحة جدا جدا تحس ولكن التانية اللي كان بيتمشي بيها بهدوء ها تحس محركها ويكأنه فيه سلاسة في الدورة بتاعتو بطريقة ناعمة جدا ودي تحسها على طول ديما في العربيات اللي صحابها بيحرقوا كتير ولكن ده اجتهاد شخصي من تخيلي وبالتأكيد وغالبا مش صح ولكن ده اللي جي في دماغي حاليا ونستنى ونشوف يمكن اي حد يتقدم بفكرة جديدة ...
ملحوظة:- ما اثار هذه الفكرة في دماغي اني كان عندي واحد صاحبي معاه c180 2009 وتسمع صوت العربية ولا صوت العربيات الديزل من كتر ما العربية متفتحة جدا جدا تحس ويكأنها ها تبطل اقوله حرام عليك دي صوت مرسيدس دا صوت المرسيدس بيبقى لحن اصلا يا مفتري ..

موضوع الرعشه عند التسخين بيحصل معايا باستمرار ؟؟؟؟؟

الحوارين حصلولي, وخصوصا حوار التدوير ده مضايقني قوي حصل كذا مرة.

بيحصل معايا كتير خصوصا الرجة لما اكون طالع من الجراج واحس العربية عمالة ترج كدا وانا بطلعها ..

وحوار المارش لما حصل لي اول مرة بدور عادي بدون ما ااطول العربية مادرتش قلبي وقع قولت مش ممكن العربية ماتدورش ؟
جربت تاني ووطولت لحد ما دارت ..

انا بقي موضوع الرعشه عند التسخين ده مبيحلصش معايا خالص اول ما بدور بيبقي الار بي ام اعلي من واحد بحاجات بسيطه و مش بمشي بالعربيه خالص ايلا لما تبقي 3 شرط و ساعتها الار بي ام من غير ما ادوس بنزين خالص بيبقي تحت ال 1 بحاجات بسيطه بردوا و ده بالنسبه لتسخين العربيه .

انما الموضوع التاني بيحصلي كل فتره فعلا و حصلت كتير من ساعت ما جبت العربيه و بحسه بيحصل اكتر لما اكون ماشي بالعربيه فتره او جاي من مشوار طويل و العربيه سخنه مثلا اركن العربيه و انزل اشتري حاجه اجي اركب العربيه و ادور تدور بعد فتره و ده بيسببلي احراج شويه لو معايا اصحابي و كدا بيبصولي كدا بصه كأنو مثلا البطاريه عندي نايمه او في حاجه في المارش او غير ذلك مش عارف ليه بيحصل بصراحه بس علي فكره موضوع ان الواحد بيحرق او مش بيحرق ده مش السبب لأن تقريبا معظم مشيي حرق و اعتقد كل البنزين اللي في غرفة الاحتراق محروق انا بقول المشكله في البوجيهات او العربيه بتاخد وقت عقبال ما بتحضر بنزين في فلتر البنزين علشان كدا مبتلقطش علي طول علي العموم انا هحاول اشوف حل للموضوع ده و ابحث عن السبب و ان شاء الله نلاقي حل

voltag stiblazier sure sure sure

[QUOTE=kareem_aljamal;3873197967]

ممكن تفاصيل اكتر شوية عن الstablizer ده
انت اتكلمت عنه قبل كده
عايز اعرف اجيبه منين و نوعه ايه و مصنوع فين ؟؟
و بيتركب ازاي ؟
:11:

بيركب على اوشاط كابل السالب واشاط كابل الموجب والجزء الاخر شبه الترانس بيتلزق بدبل فيس فى اى مكان

• توفير الوقود

• Better RPM response

• استجابة افضل لدورة في الدقيقة

• Increase engine torque

• زيادة محرك

• Engine power up

• ت قوة محرك

• Optimized all electronic devices in car

• الامثل لجميع الاجهزه الالكترونيه في السياره


وانا مجرب وانصح به فعلا كل تلك المميزات تحس بها مع بوجيهات محترمه يبقى كده دورة الاشعال عندك مدعومه كويس وبتشعل كامل الوقود وبسرعة

300:390 جنيه ستبليزر تايوانى
250:300 جنيهl irduim laser


واحدث حاجه فى هذا المجال تعمل بتكنلوجيا النانو وهو من اكثر المنتجات نشاطا فى ماليزيا

تستطيع ان تشاهد عنه مئات الفيديوهات

وفى منتجات اخرى تختص بالدوره ولكن فقط افهم ماجربت ولقد جربت stablizer

السلام عليكم ورحمه الله
بي النسبه للرعشه دي عادي انها تحصل وخصوصا لما تيجي تدور العربيه لاول مره في اليوم وسببها عده اشياء
رشاش معلق او بوجيه ضعيف جدا
كمان كثافه البنزين الصبح وفي الساعات الاولي من اليوم بتختلف عن باقي النهار
كمان متنساش ان الموتور بارد جدا يعني البنزين مابيلحقش ياخد درجه حراره الموتور وده ممكن يسبب ضعف في الكهرباء لحظي واكرر لحظي
وحضرتك لو حصل الموضوع ده وفتحت الكبوت هتلاقي ان الموتور بيتهز وكمان لو رجعت عند الشكمان هتسمع صوت تقطيعه يعني العادم مش بيخرج منتظم
ودي في السوق اسمها غلطه
وعااااااااااااااادي جدا ملهاش اي تاثير خالص
كل الي حضرتك ممكن تعمله انك تدوس بنزين جاجه بسيطه هتلاقي ان كل حاجه بقت تمام
اما بي النسبه للنقطه الثانيه
برضوا عادي جدا وبتحصل كتير وسببها ان في الوقت الي حضتك بتبطل فيه العربيه بيكون في رشاش فتح عشان يدخل البنزين وفي نفس الوقت حضرتك بطلت يعني قطعت الكهرباء وبكده البنزين بيفضل موجود داخل غرفه الحريق بدون احتراق
عشان كده في خلال دقيقه الي دقيقتين لو حاولت تدور العربيه هتغيب
بس ماتقلقش عادي جدا

اقتباس:

---

المشاركة الأصلية كتبت بواسطة ramyar

السلام عليكم ورحمه الله
بي النسبه للرعشه دي عادي انها تحصل وخصوصا لما تيجي تدور العربيه لاول مره في اليوم وسببها عده اشياء
رشاش معلق او بوجيه ضعيف جدا
كمان كثافه البنزين الصبح وفي الساعات الاولي من اليوم بتختلف عن باقي النهار
كمان متنساش ان الموتور بارد جدا يعني البنزين مابيلحقش ياخد درجه حراره الموتور وده ممكن يسبب ضعف في الكهرباء لحظي واكرر لحظي
وحضرتك لو حصل الموضوع ده وفتحت الكبوت هتلاقي ان الموتور بيتهز وكمان لو رجعت عند الشكمان هتسمع صوت تقطيعه يعني العادم مش بيخرج منتظم
ودي في السوق اسمها غلطه
وعااااااااااااااادي جدا ملهاش اي تاثير خالص
كل الي حضرتك ممكن تعمله انك تدوس بنزين جاجه بسيطه هتلاقي ان كل حاجه بقت تمام
اما بي النسبه للنقطه الثانيه
برضوا عادي جدا وبتحصل كتير وسببها ان في الوقت الي حضتك بتبطل فيه العربيه بيكون في رشاش فتح عشان يدخل البنزين وفي نفس الوقت حضرتك بطلت يعني قطعت الكهرباء وبكده البنزين بيفضل موجود داخل غرفه الحريق بدون احتراق
عشان كده في خلال دقيقه الي دقيقتين لو حاولت تدور العربيه هتغيب
بس ماتقلقش عادي جدا

---

+111 منور يامعلم :_Alshmokh23[1]:

الرعشه ده اسمها ميس فاير
وكان زمان ممكن تولع لمبة التشيك انجن ونروح نطفيها عادى ونمشى يعنى موضوع مافيهوش اى مشكله لكن مع السوفت الجديد الى نزلوه ممكن تحصل دلوقتى واللمبه ماتنورش
موضوع الدواره نبقى منبطلش على طول وخصوصا لو المروحه شغاله :fun_36_3_4[1]:
ربنا يوفق

اقتباس:

---

المشاركة الأصلية كتبت بواسطة mido_soliman

بقى انا حتحايل عليهم ف التوكيل علشان يركبولى زينون اصلى لانى بقيت شيش بيش من غير ما يخرجلى الضفيرة من الضمان وبتقلى اركب فولتاج استبيليزر يا محمد بية طب انا راضى زمتك دة يخرجنى انا شخصيا من الضمان مش عربيتى بس :)))
تحياتى يباشا وياريت تقولنا بكام الفولتاج دة صحيح وجبتة عندك ولا لسة فى الخطة الجاية ؟

---

لان ابنك الصغير يقدر يفكه بقل ماتروح التوكيل ده فكه وتركيبه بسيط جدا ابسط من البساطه

اقتباس:

---

المشاركة الأصلية كتبت بواسطة alarabiya11

لان ابنك الصغير يقدر يفكه بقل ماتروح التوكيل ده فكه وتركيبه بسيط جدا ابسط من البساطه

---

تفتكر الاقية فى معرض الاهرم ولا بيتباع فين ؟

شكرا أ/خالد , م/ رامي للتوضيح

الحركة الأولى الخاصة بالرجة (محصلتش معايا قبل كدا لا في الجين 2007 و لا في 2010 )

الحركة التانية حصات معايا في العربيتين
خصوصا لما أكون جوه بنزينة بمون !!!!!!!
هي حصلت مرة واحدة في 2010 .......... و موديل 2007 حصلت فيه بتاع 3 مرات

بس أنا عرفت تقريبا أيه السبب

لما تقف ......... سيب العربية تهدى لمدة 30 ثانية كدا ........ و بعدين بطل الموتور
و لما تدور تاني بتدور على طول

أنا لما بدخل البنزين بعمل كدا ........ أستنى 20 أو 30 ثانية لغاية ما الموتور يهدى و بعدين ابطل
و من ساعة ابتاع الحركة دي ................ عُمرها ما عملتها خالص معايا و الله أعلم ده هو الحل الجذري للحركة دي و لا لاءة ؟

عايز أيف حاجة نسيتها
الحركة لما حصلت معايا حصلت بعد التفويل بس
مش بعد الوقوف العادي في أي مكان آخر

اقتباس:

---

المشاركة الأصلية كتبت بواسطة tutankhamoun

الحركة التانية حصات معايا في العربيتين
خصوصا لما أكون جوه بنزينة بمون !!!!!!!
هي حصلت مرة واحدة في 2010 .......... و موديل 2007 حصلت فيه بتاع 3 مرات

بس أنا عرفت تقريبا أيه السبب

لما تقف ......... سيب العربية تهدى لمدة 30 ثانية كدا ........ و بعدين بطل الموتور
و لما تدور تاني بتدور على طول

أنا لما بدخل البنزين بعمل كدا ........ أستنى 20 أو 30 ثانية لغاية ما الموتور يهدى و بعدين ابطل
و من ساعة ابتاع الحركة دي ................ عُمرها ما عملتها خالص معايا و الله أعلم ده هو الحل الجذري للحركة دي و لا لاءة ؟

---

انهارده وانا بجيب فطار من التابعي الصبح وقفت 30 ثانية وبعدين بطلت, ودورت تاني بعد 20-25 دقيقة تقريبا...برده غابت في الدوارة...إذًا فالحل تقريبا مش ده.

الموضوع دة فى الجين 2 بس ولا فى عربيات تانية

الحركة الاولى و الحركة الثانية فى الغالب ليهم علاقة بالبنزين جرب نظف الرشاشات و حط بنزين نظيف من بنزينة مش بتغش البنزين و هتلاقى الدنيا زبطط

ثانى حاجة لو فلتر البنزين بقالو فترة كبيرة غيرو
و كذلك البوجيهات

و اخيرا لما تيجى تدور افتح الكونتاكت و استنا ثوانى لحد ما الالرم بتاع الحزام يسكت و كل لمبات التشك اللى بتطفى تكون طفت و بعدين دور و لما تيجى تقف متبطلش العربية علطول استنى 10 ثوانى كده

اقتباس:

---

المشاركة الأصلية كتبت بواسطة mido_soliman

هوة غالبا لان الواحد بيبقى ماشى هادى بس فعلا المفروض ان الواحد يقرص كل فترة والتانية على الغيار علشان البنزين اللى فى الغرفة كلة يتحرق انا عارف ان الحسوكة الذيادة مضرة للعربية وبردة الاهمال الشديد يعنى الاعتدال لطيف كل فترة والتانية نحرق على الغيار فى اخر كل مشوار على الاقل نضمن ان البنزين اللى فى الغرفة كلة اتحرق وميسببلناش احراج تانى يا معلم


لو عرفت اى حاجة من عنيا حبلغك

فيلكس باشا بالظبط زى الوصف بتاعك كدة بالمللى بس انا اشك فى حوار البنزين دة خالص لانى بحط 95 للاسف من فترة كبيرة ومنة لله اللى فى بالى هوة اللى سخنى (انت عارف نفسك يا طارق ولولا البنزين دة كان زمانى جايب الدى فى دى معاك :E_braces[1]: ) انا حاسس ان دة من البوجيهات يا فيلكس الله اعلم بردة نستنى الخبراء بتوعنا يدلونا اكتر

---

ميدو حبيب قلبى أنا بسراحه جتلى فتره سخنت عليه بس مأدرتش أكمل نزاهه:ma:
أنا مؤمن بمبدأ الغالى تمنه فيه بس غالى أوى
ساعات النزاهه بتاخد الواحد بس مبتستمرش كتير
طمنى عليك أخبار الزينون أيه ؟

الموضوعين دول بيتكرروا معايا بقالهم 3 سنوات مع اني بعمل كل الصيانات في وقتها واحيانا قبلها ولما سألت على السبب قالولي انه بنزين بيبقى موجود في غرفة الحريق وماتحرقش

ولكن لاضرر ان شاء لله

اقتباس:

---

المشاركة الأصلية كتبت بواسطة mido_soliman

حركة تانية بتحصل معايا بس حصلت اكتر من مرة بس على فترات طويلة
ابقى ماشى واقف مثلا انزل اشوف حاجة ارجع ادور العربية تغيب شوية فى الدوارة (المارش يلف اكتر من مرة لحد ما تلقط كانها مبطلة بنزين او شرقانة علشان اكون دقيق مع انى مبكونش قارص بس تحس ان العربية لما اتبطلت مكنتش حرقت كل البنزين اللى موجود فعلت الحركة دى ) انا قلت حقولهم على دى فى الصيانة او لو روحت اركب الزينون قريب باذن الرحمن بس بردة قلت اللى حصلة الحركة دى يقول السبب
وشكرا يا اجدع اسود

---

اقتباس:

---

المشاركة الأصلية كتبت بواسطة ahmed_spy

ثانى حاجة لو فلتر البنزين بقالو فترة كبيرة غيرو
و كذلك البوجيهات

و اخيرا لما تيجى تدور افتح الكونتاكت و استنا ثوانى لحد ما الالرم بتاع الحزام يسكت و كل لمبات التشك اللى بتطفى تكون طفت و بعدين دور و لما تيجى تقف متبطلش العربية علطول استنى 10 ثوانى كده

---

اقتباس:

---

المشاركة الأصلية كتبت بواسطة tutankhamoun

عايز أيف حاجة نسيتها
الحركة لما حصلت معايا حصلت بعد التفويل بس
مش بعد الوقوف العادي في أي مكان آخر

---

اقتباس:

---

المشاركة الأصلية كتبت بواسطة tutankhamoun

الحركة الأولى الخاصة بالرجة (محصلتش معايا قبل كدا لا في الجين 2007 و لا في 2010 )
الحركة التانية حصات معايا في العربيتين
خصوصا لما أكون جوه بنزينة بمون !!!!!!!
هي حصلت مرة واحدة في 2010 .......... و موديل 2007 حصلت فيه بتاع 3 مرات
بس أنا عرفت تقريبا أيه السبب
لما تقف ......... سيب العربية تهدى لمدة 30 ثانية كدا ........ و بعدين بطل الموتور
و لما تدور تاني بتدور على طول
أنا لما بدخل البنزين بعمل كدا ........ أستنى 20 أو 30 ثانية لغاية ما الموتور يهدى و بعدين ابطل
و من ساعة ابتاع الحركة دي ................ عُمرها ما عملتها خالص معايا و الله أعلم ده هو الحل الجذري للحركة دي و لا لاءة ؟

---

فى كتيب الخدمة في حاجة اسمها المحرك المغمور ، " يعني فيه وقود زائد " وحلها انك تدور العربية لمدة 5-6 ثواني ورجلك على دواسة البنزين ، وتكررها لحد ما يشتغل ، وبمجرد ما يشتغل ترفع رجلك من على البنزين ، لمعلومات أكثر ياريت نرجع للمانيول .

اقتباس:

---

المشاركة الأصلية كتبت بواسطة mido_soliman

هوة غالبا لان الواحد بيبقى ماشى هادى بس فعلا المفروض ان الواحد يقرص كل فترة والتانية على الغيار علشان البنزين اللى فى الغرفة كلة يتحرق انا عارف ان الحسوكة الذيادة مضرة للعربية وبردة الاهمال الشديد يعنى الاعتدال لطيف كل فترة والتانية نحرق على الغيار فى اخر كل مشوار على الاقل نضمن ان البنزين اللى فى الغرفة كلة اتحرق وميسببلناش احراج تانى يا معلم


لو عرفت اى حاجة من عنيا حبلغك

فيلكس باشا بالظبط زى الوصف بتاعك كدة بالمللى بس انا اشك فى حوار البنزين دة خالص لانى بحط 95 للاسف من فترة كبيرة ومنة لله اللى فى بالى هوة اللى سخنى (انت عارف نفسك يا طارق ولولا البنزين دة كان زمانى جايب الدى فى دى معاك :e_braces[1]: ) انا حاسس ان دة من البوجيهات يا فيلكس الله اعلم بردة نستنى الخبراء بتوعنا يدلونا اكتر

---

حبيبى يا ميدو واحشنى كتييييييييييييييييييييييي ر والله و 92 زى الفل كفايه 95 متحسسنيش بتأنيب ضمير أكتر من كده :b4_556:

اقتباس:

---

المشاركة الأصلية كتبت بواسطة tayer

حبيبى يا ميدو واحشنى كتييييييييييييييييييييييي ر والله و 92 زى الفل كفايه 95 متحسسنيش بتأنيب ضمير أكتر من كده :b4_556:

---

حبيبى يا روقة انت فين يا معلم وحشنى جدا والله ونفسى اشوفك كل سنة وانت طيب يا حبيبى وياريت اشوفك قريب

هقولكوا كلام من الآخر وللأسف أنا زعلت أوي بعد التجربه دي
أنا حطيت مره بنزين 95 مبقتش بحس بالعربيه دايره خالص .. بس طبعا لما بتدوس بنزين بتسمع صوت الحرق عادي
ومحصلش رج معايا خالص وقتها لكن طبعا مش هقدر أعودها على الـ 95 عشان غالي عليا.
لكن تأكد إن البنزين عندنا في غش جامد جدا وأنا أعرف ناس في بنزينات كانوا بيقولوا إنهم عندهم ضمير مبيزودوش على البنزين ميه أو سولار الحمد لله هما بيزودوه بـبنزين 80 بس
ربنا يحفظ عربياتنا