العربية بتبرد وهيا ماشية؟

**hon** · 06-01-2011 07:19 PM

السلام عليكم ورحمه الله وبركاته
وكل سنة وانتم طيبين
عندى مشكلة فى العربية لانوس 2004 وهى ان مؤشر الحرارة وانا ماشى على الطريق مؤشر الحرارة بينزل لتحت الربع ولاقى مؤشر الحرارة يطلع وينزل بيلعب كدا يعنى ودا الى قلقنى ولمبة التش مانورتش بس انا ملاحظ ان استهلاك البنزين زايد شوية وعلى فكرة لما امشى جوة البلد المؤشر يرجع طبيعى
العربية عاملة 81000 كيلو ومركب فلتر هواء رياضى بالكيت بتاعة والموضوع دا حصل بعد مركبته ابتدى الحرارة تنخفض لو سمحتم عايز راى الخبراء هل احط العربية على الاسكانر ولا اغير ايه؟
هل مثلا يوجد حساس معين نسى يركبة فى كيت فلتر الهواء
ارجو الافادة

**zaza2002** · 06-01-2011 07:41 PM

اتأكد ان ترموستات الحراره راكب لان كل اللى حضرتك وصفته حصل معايا بالضبط لما الميكانيكى لغى الترموستات وبعدين عرفت انه غلط وركبته تانى على طول

**samirayad** · 06-01-2011 08:05 PM

وهى ان مؤشر الحرارة وانا ماشى على الطريق مؤشر الحرارة بينزل لتحت الربع ولاقى مؤشر الحرارة يطلع وينزل بيلعب كدا يعنى

فعلا الحركات دى

بتدلل على تعليق الثرموستات الميكانيكى

الخاص بكوعة مية التبريد

والمفروض يتغير فورا

**M.Elgergawy** · 06-01-2011 08:27 PM

المشاركة الأصلية كتبت بواسطة zaza2002

اتأكد ان ترموستات الحراره راكب لان كل اللى حضرتك وصفته حصل معايا بالضبط لما الميكانيكى لغى الترموستات وبعدين عرفت انه غلط

وركبته تانى على طول

كلام 10/10

**محمد الشامي** · 06-01-2011 08:47 PM

المشاركة الأصلية كتبت بواسطة zaza2002

اتأكد ان ترموستات الحراره راكب لان كل اللى حضرتك وصفته حصل معايا بالضبط لما الميكانيكى لغى الترموستات وبعدين عرفت انه غلط وركبته تانى على طول

+1

ممكن كمان يبقا راكب لكن بايظ او معلق

**Ahmed Nasser** · 06-01-2011 09:10 PM

اكشف على الترموستات واتاكد انها متوصلة صح

**shaddadfalcon1** · 06-01-2011 09:17 PM

انا الترموستات كانت راكبه عندي وبايظه
كنت لما امشي براحه يبقي المؤشر بين اول شرطتين ولما ابقي ماشي بسرعه منتظمه وطوالي ساعات كنت بلاقي الحراراه قريبه من اول شرطه خالص اللي هيا لما بتدور العربيه بتبقي عليها

دلوقتي اعتقد اتظبطت لما غيرت الترموستات

**kamalsalem** · 06-01-2011 09:56 PM

لو الفلتر بالكيت فعلاً اتأكد انه اللي ركبه ركب ترموستات الكوعة ملغهاش

**hon** · 06-01-2011 10:03 PM

شكرا يا جماعة على الردود وهل تغييرها صعب ياخد وقت يعنى؟
ياريت ياجماعة تقلولى فين مكانها احاول انا كدا اشيك عليها يمكن تكون فاصلة ولا حاجة
حمد لله على سلامتك يابشمهندس سمير

**محمد الشامي** · 06-01-2011 10:18 PM

مكان الثرموثتات بيكون راكب في الكوعه الواصله بالخرطوم رقم 2, وبدايه الكوعه اهي هتلاقيها باينه

وتغييرها او التشييك عليها بيكون حوار شويه لان مجموعه سير الكاتينه والتقسيمه بتتفك خالص عشان يقدر يوصل للكوعه وبعدها بيفكها وبيركب الثرموثتات الجديده جواها

والعمليه دي بتاخد من ساعه الى ساعتين تقريبا , حسب سرعة الشغل والميكانيكي

الموضوع: العربية بتبرد وهيا ماشية؟

LinkBack

أدوات الموضوع

عرض

-

-

-

-

-

المواضيع المتشابهه

العربية بتبرد

العربية بترقص وهى ماشية

مشكلة فى العربية بتبطل وهيا ماشية مش عارف الحل

العربية حكت حكة وحشة اوى وهيا طالعة مطلع اعمل اية؟

العربية بتبرد

الكلمات الدلالية لهذا الموضوع

المفضلات

المفضلات

ضوابط المشاركة