تحية إلى رجل الأمن على باب الكنيسة

**aly_hosny** · 06-01-2011 11:22 PM

الامن مشدد جدا بجانب الكنائس
الظباط بايتين جمبهم من امبارح
وربنا يعديها على خير
وعيد ميلاد مجيد

بس انا مش عارف اوصل لصحابي اعيد عليهم

**Mohamed_Ayman** · 06-01-2011 11:32 PM

الأستاذ Egyzizo كل سنة وانت طيب ويارب السنين اللى جايه تكون أحسن.
بصرحة لما قرأت الموضوع عرفت انك انسان متحضر ومحترم لان معظم الناس للأسف مش بيفكروا فى غيرهم فى الظروف العادية فما بالك فى ساعات الشدة... وبالخصوص التفكير فى الناس البسطاء اللى بيأدوا واجبهم وأكل عيشهم فى كل الظروف.

وان شاء الله يكون خير

المشاركة الأصلية كتبت بواسطة A7MED_PHARMA

ماهو مش متطوع إنه يقعد خدمة .. دي بالنسبة ليه شغلة..مش رسالة
وعند الجد
هيجروووووووو
التحية لازم تكون لمن عرض حضور الصلاة من المسلمين..علشان الناس دي رايحة بروح طيبة لحماية إخوانهم

يا دكتور أحمد ، هو فى حد بيلحق يجرى فى الأوقات دى ... المهم ربنا يستر وميكونش فيه لا جرى ولا حاجة.
وبعدين الناس دول بيأدوا واجبهم وأكل عيشهم وفعلاً لهم تحية وتقدير.

**3ateef** · 07-01-2011 01:38 AM

المشاركة الأصلية كتبت بواسطة human12

انا احطياطى باتشاهد و انا ماشى فى الشارع و بحس بامان بجانب الكنيسه و بستنى خطب سعادته و بكلم وليم و حنا كل يوم و غيرت صوره البروفيل لهلال و صليب

هههههههههههههههههه

**nour_nrc** · 07-01-2011 01:42 AM

Egyzizo

كل سنة وانت طيب

وكل سنة وانت بخير

**Egyzizo** · 07-01-2011 02:54 AM

أشكركم على روحكم الطيبة ..

نشكــر ربنا الليلة عدت على خير ..

بس للأسف ماقدرتش أنفذ ما قلت عليه بإنى أشكر رجال الأمن على باب الكنيسة ، لأن الموضوع عدى حكاية العسكرى والظابط الصغير ، والجماعة كانوا كل واحد معلق أقل حاجة نص كيلو نحاس على كتفه ، فقلت يا واحد اقصر الشر وغني له ، وعملت لهم باى باى من بعيد :)