قانون المرور الجديد هيسود عيشتنا

**tutankhamoun** · 31-03-2008 11:28 AM

المشاركة الأصلية كتبت بواسطة mohamed hatem

تخيلو الامارات بترمي رخصة المصريين في الزبالة وما بيعترفوش بحاجه اسمها رخصة دولية وتخليهم يدخلو المدرسة من اول وجديد وصدقوني معاهم مليون حق .... كفاية احترامهم للمرور ... وخصوصا لما تلاقي المواطن زي الاجنبي هناك واقف في نفس الصف معاك وهو بيخلص ورقه

+100000000000

و نفس الكلام في أوروبا ................. هي رخص مصر دي تتسمى رخص !!!!!!
دي ورقة بتطلع بفلوس للعايز يطلعها و يلصق عليها صورته
و نفس الكلام ينطبق على شهادات الجامعات
بيقولك بلها و أشرب ميتها
و لازم تعادلها من البلد اللي أنت فيها و تمتحن من الأول
لا يـــــــوجد أعراف قياسية لإستخراج أي مستند رسمي في مصر .......... كله بيمشي من تحت الطرابيزة

إنما امتحانات ......... و كلام فاضي ........ ياراجل هما المصريين فاضيين للكلام الفاضي ده ......... أصل أنت مش عارف ......... المصريين أنصح شعب في العالم و مولودين عارفين كل حاجة في الدنيا .......... و أسأل أي حد يقولك أحنا أحسن ناس في العالم ( لا تسأل متعلمين مثقفين ) أسأل الناس العادية ......... و الله العظيم الناس فاكره إن المصريين هما أحسن ناس في العالم في الحضارة و الكلام بتاع البطيخ ده

**hazem_khidr** · 31-03-2008 02:38 PM

تخيلو الامارات بترمي رخصة المصريين في الزبالة وما بيعترفوش بحاجه اسمها رخصة دولية وتخليهم يدخلو المدرسة من اول وجديد وصدقوني معاهم مليون حق .... كفاية احترامهم للمرور ... وخصوصا لما تلاقي المواطن زي الاجنبي هناك واقف في نفس الصف معاك وهو بيخلص ورقه

لا يا باشا مش معاك في دي
لاني كنت في ابو ظبي(عاصمه الامارات)
و الرخصه المصري اللي معايا خلتني امتحن شارع بس (يعني ما متحنتش باركن و لا رويس و لا جسر )
و الحمد لله اخدتها من اول مره و الضابط كان جنبي عجباه سواقتي اوي .

**محمد المشد** · 31-03-2008 02:50 PM

تعرفوا اية اللى بيرخصنا فى دول الخليج خاصة 000 احنا لاننا نتباهى دائما بأننا ممكن نطلع رخصة خاصة او غيرة فى دقائق فمنا عن طريق الواسطة ومنا عن طريق الرشوة ! لدرجة ان الجميع هنا لو وريتة شهادة الجامعة يقول لك مزورة ! والله فقدان الثقة فيما نحملة سواء شهادة او رخصة من انفسنا وتنباهينا بما نفعلة للاخرين خاصة العرب

اما بالنسبة لقانون المرور الجديد فأعتقد ان كافة بنود الحبس سوف يلغى اكثر فيما عدا حالات الوفاة لان السجون مش فاضية ، ولكن بعد الانتهاء من السجون الستة الجديدة سوف يطبق القانون وكل ما اتمناة تطبيق القانون بصدق وامانة مع ان اللى هيطبقوا القانون هما هما اللى بيأخذوا الرشوة من الاول يعنى يا ابو زيد ما غزيت

**Ghamrawy** · 31-03-2008 09:41 PM

المشاركة الأصلية كتبت بواسطة mohamed hatem

يا جماعه المشكلة مش في القانون ....لان احنا اصلا عندنا قانون ..ز ومش مشكلة لو عدلوه ...

المشكلة في البرادس اللي بتشطب على القانون وتخليك تدوس عليه بالقديمه من اول تطليع الارخصة اللي وصل من 500 الى 1000 جنيه من غير متعدي الا على الكاميرا بس .....لغاية 5 جنيه الغلبانه اللي بياخدها الامين الغلبان عشان يعديك اشارة بالغلط ولا يوقفك في الممنوع

تخيلو الامارات بترمي رخصة المصريين في الزبالة وما بيعترفوش بحاجه اسمها رخصة دولية وتخليهم يدخلو المدرسة من اول وجديد وصدقوني معاهم مليون حق .... كفاية احترامهم للمرور ... وخصوصا لما تلاقي المواطن زي الاجنبي هناك واقف في نفس الصف معاك وهو بيخلص ورقه

غريبة مع انى كنت بأجر بيها عربيات فى امريكا و اسوق عادى و من مكاتب تأجير محترمة

**masafi5** · 31-03-2008 09:44 PM

والله ممتاز علي الاقلل مش هنعاني مش شوية سواقين اعوذ بالله

**sherif_84** · 01-04-2008 02:45 AM

نفسى مرة واحدة فى حياتى نسوق زى السعــودية
التزام بالسرعة المقررة
ربط حزام الامان
الالتزام بالحارة المخصصة للسرعة والمخصصة للتهدئة
احترام اشارة المرور بدون عسكــرى مرور( أحمر نقف أخضر نمشى )
وأتمنى من سواقين المقطورة انهم يمشوا فى الحارة اليمين مش الشمال عشان احنا فى مصر مش فى انجلـترا

**hmostafaahm** · 01-04-2008 11:46 AM

يا ليت يصدر قانون المرور متضمناً تغليظاً للعقوبات بشكل رادع يمكن معه الحد من المخالفات في الشارع المصري الذى انتشرت فيه كافة انواع المخالفات لدرجة ان بعضها قد اكتسب الصفة الشرعية فيأتي سائق في الاتجاه المعاكس ويغضب ويثور لان من يسير فى الاتجاه الصحيح يأبى أن يفسح له الطريق أن ما ينقصنا هو تشريع حازم يعمل على تغليظ العقوبات مقترناً يتطبيق عادل يضمن المساواة للجميع في العقوبات اتمنى أن اجد السيارات فى مصر جميعها تحمل لوحات أرقام متماثلة فلا يوجد لوحات سوداء واخرى خضراء ولوحات تحمل نسر ولوحات تحمل ميزان لانه يفترض أن نكون جميعاً سواء نتمتع بنفس الحقوق وعلينا نفس الالتزامات

**dragonsmith** · 01-04-2008 11:58 AM

لا يا باشا مش معاك في دي
لاني كنت في ابو ظبي(عاصمه الامارات)
و الرخصه المصري اللي معايا خلتني امتحن شارع بس (يعني ما متحنتش باركن و لا رويس و لا جسر )
و الحمد لله اخدتها من اول مره و الضابط كان جنبي عجباه سواقتي اوي .

حظك حلو يا أستاذ حازم. أنا في سنة 2000 في دبي امتحنوني كل حاجة من أول و جديد رغم وجود الرخصة المصرية :)