فى عرف مين ويرضى مين

**M.Mostafa80** · 06-01-2011 10:21 PM

انا عامل الموضوع لأنتقاد الأمن مش عشان نتكلم فى الديانات
نخرج موضوع الديانه بره الموضوع لوسمحتم انا بنتقد غباء اجهزة الأمن عندنا

**Ayman-Ahmed** · 06-01-2011 10:27 PM

المشاركة الأصلية كتبت بواسطة funnymickey

ياباشا دول قفلوا شارع رمسيس نهائيا
عارف يعني ايه شارع رمسيس

شارع حيوي
لا يستغني عنه اهل مصر

مروح انهارده لقيت شارع رمسيس مقفول
عشان كنيسه العباسيه

اضطريت اروح التحرير واطلع طلعه الكوبري اللي هناك
وعلي ما عملت كده كنت خدت ساعتين

ساعتين عشان امشي من رمسيس لمدينه نصر
هوا احنا يااما ميبقاش فيه امن خالص
يانعيش حاله الحرب

اللي ضايقني واستفزني انهم عاملين كماين علي الفتحتين اللي بينزلوا رمسيس وغمره
واي حد ملتحي ومربي دقنه ينزل

لسه عايشين في الفيلم الهندي السخيف بتناع الارهابي ما هو الا جلبيه ودقن وغطره ورشاش

كأنه زي رسمي للارهاب

حاجه تحرق الدم
دي اسمها قله ادب

ازاى مشفتكش يا مايكى انا كنت واقف اودام الرواس من 5 ل 7.15 لحد ما عرفت اسلك واخش يمين على النفق وطيران فى صلاح سالم لانه كان شبه فاضى.

**human** · 06-01-2011 10:34 PM

لما تبقى عايش فى دوله ابقى اشتكى

النجع اللى احنا فيه لا يسمو لدوله

**meza** · 06-01-2011 10:43 PM

معلش يا جماعة الموضوع ده علينا كلنا .. أنا إلنهاردة و أنا داخل أصلى العيد ولا كأنى داخل ثكنة عسكرية و فتشونى و كان فيه ناس بيشوفوا بطاقاتهم و مممنوع حد يدخل بالعربية فى شارع الكنيسة ... ربنا يستر النهاردة يعدى على خير.

**M.Mostafa80** · 06-01-2011 11:32 PM

المشاركة الأصلية كتبت بواسطة meza

معلش يا جماعة الموضوع ده علينا كلنا .. أنا إلنهاردة و أنا داخل أصلى العيد ولا كأنى داخل ثكنة عسكرية و فتشونى و كان فيه ناس بيشوفوا بطاقاتهم و مممنوع حد يدخل بالعربية فى شارع الكنيسة ... ربنا يستر النهاردة يعدى على خير.

كل سنه وانت طيب

**بحري** · 06-01-2011 11:54 PM

المشاركة الأصلية كتبت بواسطة human12

لما تبقى عايش فى دوله ابقى اشتكى

النجع اللى احنا فيه لا يسمو لدوله

لأحد زملائنا السكندريين هنا- أشرف عزت- كلمة حكيمة جدا شبه كلمتك هذه قلت أضيفها للفائدة
في إحدى المقابلات كنت باقوله: مينفعش دولة يبقى اقتصادها قائم على كذا وكذا...

رد بتلقائية وقال: ومين قالك إننا عايشين في دولة أساسا...إحنا واقفين على بانّيكة...

والبانّيكة -بتفخيم الباء وتشديد النون- لمن لا يعلم- هي تصغير كلمة (بنك)..وتطلق على عربات الفول والكبدة التي يلتف حولها الذاهبون إلى أعمالهم صباحا..فيقال: بانّيكة كبدة..بانّيكة فول...وهكذا

والله غالب...

**heshamzaky** · 07-01-2011 12:01 AM

أنا الحمد لله ركبت المترو و ركنت العربية فى سراى القبة علشان عارف أن الدنيا حا تبقى زحمة موت و المترو فى التنقلات اسرع من العربية يعنى من التحرير لسراى القبة لمدينة نصر القصة كلها 50 دقيقة دة انجاز بدل ما تقف فى أشارة ساعتين من الشوارع المقفولة

**عمرو عمارة** · 07-01-2011 12:37 AM

معروف في عُرف مين وعشان يرضي مين !!
وليس غباءً من الأمن

**meza** · 07-01-2011 08:58 AM

المشاركة الأصلية كتبت بواسطة m.mostafa80

كل سنه وانت طيب

و انت بالصحة و السلامة.

**shaddadfalcon1** · 07-01-2011 09:54 AM

المشاركة الأصلية كتبت بواسطة wassim_nasser

يعنى هما اللي مش مسلمين يبقوا مش متدينين ؟ من فضلك اختر الفاظك بعناية عشان ماتجرحش حد

استاذ وسيم انا كلامي واضح وبعرف اختار الفاظي كويس
الأتنين متدينين ولكن شوف نظرة الشرطه ليهم عامله ازاي؟
ده اللي انا قصدي عليه مش مين فيهم فعلا متدين لان اللحيه دلوقتي مش دليل دامغ ان صاحبها متدين ولا كان كل الجزارين بقو متدينين