العربية تحتاج وقت كبير لكى تسخن وتمشى مضبوط ، ما السبب ؟

**aam113** · 06-01-2011 11:05 PM

مشكلتى ان العربية مجرد انها تقف عدة ساعات سواء طول الليل او اثناء النهار تحتاج الى وقت طويل لكى تسخن( مدة من 5 الى 10 دقائق ) ، فيجب ان انتظر مؤشر الحرارة حتى يصل الى تحت المنتصف بشرطة حتى استطيع ان امشى بها ولا احس ببرجلة جامدة واحيانا انارة لمبة التشيك على الرغم من انها بتدور على طول من اول مرة ، كما اننى ارى العربيات الاخرى بتسخن فترة لمدة نصف دقيقة او دقيقة بالكتير ، يا ترى ايه السبب ؟؟ وشكرا لحضراتكم

**mahmoudysf** · 06-01-2011 11:17 PM

طالما المؤشر بيوصل لتحت النص بشوية وبيثبت على كدة
يبقى العربية سليمة والتاخير بسبب الجو البرد
لو بتاخد وقت زيادة عن اللزوم ممكن الترموستات تكون بتعلق

**aam113** · 07-01-2011 12:19 AM

المشاركة الأصلية كتبت بواسطة mahmoudysf

طالما المؤشر بيوصل لتحت النص بشوية وبيثبت على كدة
يبقى العربية سليمة والتاخير بسبب الجو البرد
لو بتاخد وقت زيادة عن اللزوم ممكن الترموستات تكون بتعلق

انا اعتقد ان السبب مش برودة الجو ، وانما هى بتأخذ وقت زيادة عن اللزوم ، بس لو الترموستات فعلا بتعلق اتأكد ازاى ؟

**asas630** · 07-01-2011 03:45 PM

الثرموثتات الي بيبقي مسئول عن تسريع التسخين بتاع المياة وتثبيت درجة الحرارة عند الجري و المشي داخل البلد بيبقي ثرموثتات ميكانيكي وبيتكون من حساس حرارة(bulb) وسوستة و بلف وعندما تعلق السوستة اي تفقد ليونتها يكون البلف مغلق تماما(يؤدي ال سخونة المكنة) او مفتوح تماما كما يحدث عندك ومكان الثرموثتات حتلقيه علي شمال المكنة عند الكوعةبتاعة المياة وانتي باصيص من الكبوت وفي بعض الاحيان الميكانبكية بيشلوه خالص و ده غلط طبعا

عايز تتاكد اطلع علي طريق مفتوح واجري علي سرعة ثابتة 100 ال120 لو مؤشر الحرارة قل عن معدله العادي يبقي هوا
يفضل عمل هذه التجربة باليل او صباحا عشان الجو بيكون ابرد

**aam113** · 07-01-2011 07:25 PM

المشاركة الأصلية كتبت بواسطة asas630

الثرموثتات الي بيبقي مسئول عن تسريع التسخين بتاع المياة وتثبيت درجة الحرارة عند الجري و المشي داخل البلد بيبقي ثرموثتات ميكانيكي وبيتكون من حساس حرارة(bulb) وسوستة و بلف وعندما تعلق السوستة اي تفقد ليونتها يكون البلف مغلق تماما(يؤدي ال سخونة المكنة) او مفتوح تماما كما يحدث عندك ومكان الثرموثتات حتلقيه علي شمال المكنة عند الكوعةبتاعة المياة وانتي باصيص من الكبوت وفي بعض الاحيان الميكانبكية بيشلوه خالص و ده غلط طبعا

عايز تتاكد اطلع علي طريق مفتوح واجري علي سرعة ثابتة 100 ال120 لو مؤشر الحرارة قل عن معدله العادي يبقي هوا
يفضل عمل هذه التجربة باليل او صباحا عشان الجو بيكون ابرد

اشكر حضرتك لهذه المعلومة ، لكن المشكلة عندى فى الفترة الاولى بعد ما تكون العربية باردة ، لكن بعد هذه الفترة وابدأ امشى بها سواء على سرعات عالية على طريق مفتوح او سرعات منخفضة داخل البلد فإنه فى الحالتين يكون مؤشر الحرارة ثابت ( تحت المنتصف بشرطة ) ، فمش عارف المشكلة عندى من ايه ، هل ممكن تكون ترموستات ام حاجة تانية ، بس فى ملحوظة انا فكيت البوجيهات ووجدت واحد منهم مهبب شوية ، فهل ممكن يكون المشكلة منه ولا مالهوش علاقة ؟

**mahdyez** · 07-01-2011 09:10 PM

دة طبيعى وعندى كده بيكون اول النهار لان العربيه بارده لكن لو جيت تسخن اثناء الظهر تلاقيها سخنت بسرعه
بالنسبه للمبه التشك بتنور وتطفى ولا بتفضل برده منورة على طول لو منورة على طول اكشف عليها عند حد عنده جهاز اسكنر

**mely** · 08-01-2011 05:01 AM

الريداتير طالع منه خرطومين كبار دور المحرك الصبح وامسك الخرطومين لو حراره الاثنين بتزيد بنفس النسبه يبقى عيب ثرموستات لو واحد بيسخن والثانى لأ يبقى المحرك طبيعى

**ahmedjumpo** · 08-01-2011 03:33 PM

المشاركة الأصلية كتبت بواسطة mely

الريداتير طالع منه خرطومين كبار دور المحرك الصبح وامسك الخرطومين لو حراره الاثنين بتزيد بنفس النسبه يبقى عيب ثرموستات لو واحد بيسخن والثانى لأ يبقى المحرك طبيعى