المشاركة الأصلية كتبت بواسطة lonedoctor
اولا يجب وضع هذه المواضيع فى منتدى الصينى العام وليس فى منتدى خاص بسيارة بعينها
ثانيا الشخص اللى بيقارن ده بيقارن ايه وازاى هى دى المشكلة؟
يعنى التويوتا كورولا اللى عندى فى السعودية فيها كماليات اقل بكتير جدا من الاسبيرانزا ولو عمل المقارنة بالطريقة النظرية السطحية دى يبقى الاسبيرانزا هتكسب المقارنة لانه على الورق المساحة اكبر والكمياليات اكتر لكن اى حد عاقل هيصدق الكلام ده ؟
مستحيل؟
جودة محتوى السيارة كله كموتور وعفشة وكماليات هو الاهم يا حبايب قلبى الموضوع موش بالكيلو مين اكتر من التانى
وكلنا لما جينا نشترى سيارة صينى كنا متخوفين جدا ودرسنا الموضوع تماما من كل الجوانب لغاية لما ربنا هدانا لسيارتنا الجميلة بى واى دى وهى افضل قيمة سعرية حتى الان فى السوق المصرى واكثر اعتمادية على الاطلاق لكل ذى عقل واعى بيدرس الامور بتفحص
سيارة اتجربت لمدة 5 سنوات ولم يظهر منا اى مشاكل تقريبا جوهرية تذكر تستحق كل الاحترام والتقدير
وانا مبادئى واخلاقى لا تسمح لى ان اعيب فى اى سيارة اخرى والمنتدى مفتوح وفيه مشاركات لكل الاعضاء من كل الماركات واللى عايز يعرف مصائب ومشاكل الماركات المنافسة يقرا فى منتداهم هم شخصيا وليس فى منتدانا
نحن فى منتدى النبلاء byd نلتزم دائما بادب الحوار ولا نتعدى المبادئ
تقبلوا تحياتى