ياتري وانت بتشتري بتركز علي حاجه معينه

امبارح كنت في كارفور المعادي بشتري شويه حجات بامبرز لاياد باشا وعربيه كهربائيه ليه برده وشويه هدوم ولعب برضه ليه وحجات الاسبوع طبعا الميزانيه ليها متزدش عن 50 - 70 اما اياد باشا ميزانيه مفتوحه جررررررررررررررررر
المهم اكتشفت ان اياد واخد نصيب الاسد اما انا مخدتش غير 2 تي شرت
وانا بحاسب كالعاده طابور طويل اياد باشا بيعاكس البنات وانا عمال اتفرج وبقول في سري يا بختك يا عم اياد
اصل المدام كانت واقفه
خدت بالي ان مش انا لواحدي اللي بركز علي حاجه وانا بشتري
واحد اشتري مياه غازيه وعصائر فقط
واحد اشتري ملابس فقط
واحد اشتري اجهزه كهربائيه فقط
واحد اشتري الحجات اللي عليها عرض
واحد اشتري شيكولاتايه شكله كان جاي يتفسح ههههههههههههههه
انا بس عايز اعرف ارائكم حول الشراء من مكان واحد
انت بتروح تشتري حاجه انت محتاجها ولا بتروح مره كل اسبوع او اكتر وتشتري مره واحده
وهل العروض بتستهويك حتي لو مكنتش محتاج السلعه ده

فى الحقيقة الماكولات والمشروبات وخلافه من الاغذية بجيبها من محل جملة كبير جدا بجوار بيتى لان بشترى ما يكفى الشهر مرة واحدة اما اللبس وخلافه المدام هى الى بتشتريها ليه ولمحمد باشا ابننا وليها هى كمان ما على الا انى ادفع ودى بنجيها من اماكن معينه .
روحت كارفور والهاير اكتر من مرة ولكن مبشتريش من هناك حاجه ليه مش عارف مبرتاحش يمكن
اقربها كنت هناك لفيت كتير وفى الاخر خرجنا قضينا باقى اليوم فى الكافية .
محمد باشا العربية الكهربائيه بتاعت اياد باشا مواصفتها ايه وسعرها كام . ده لو ممكن اسئل

بشترى اللى أنا محتاجه بس سواء كان عليه عرض أو لأ

بركز فى الاسعار طبعا
والعروض واسعارها اية
علشان لو حاجة لقطة ممكن اشتريها
ولو حاجة غالية اشتريها من برة

اقتباس:

---

المشاركة الأصلية كتبت بواسطة m_aash

بشترى اللى أنا محتاجه بس سواء كان عليه عرض أو لأ

---

+1000000000

الاستاذ
analyzer العربيه تمنها في كارفور 699 جنبه حجمها كبير شويه وفيها حزام امان وفيها دواسه واحده مفيهاش فرامل بصراحه انا كنت عايز اجربها ههههههههههههههههههههههههه هه
مكان الكلاكس في شويه زراير للموسيقي حمولتها 50 كجم تقريبا والبطاريه تكفي من 2 الي 3 ساعات
بس خلي بالك في اشكال في سبينس بس اصغر

بركز على إحتياجات البيت سواء من السلع الغذائية أو من مستلزمات للمطبخ و طبعاً لو فيه عرض في الحاجة اللى بشتريها يبقى بجيبه على طول لأني كده كده هشتري ,
بس ده مايمنعش ان أجيب حاجات إضافية بس ما تزيدش عن مبلغ معين سواء من اكسسوارات أو أدوات صيانة و خلافه ..........
بالنسبة للملابس بجيبها من أماكن تانية.

اقتباس:

---

المشاركة الأصلية كتبت بواسطة mohamed_rhem

واحد اشتري شيكولاتايه شكله كان جاي يتفسح ههههههههههههههه

---

شكلك بتلقح عليا :p انا فعلا انا كنت هناك انا واحد صاحبي امبارح كلنا بيتزا من اللي عليها العرض
و انا طالع اتكسفت اطلع كده رحت اخدت شكولاته و طلعت

اقتباس:

---

المشاركة الأصلية كتبت بواسطة mohamed_rhem

انا بس عايز اعرف ارائكم حول الشراء من مكان واحد
انت بتروح تشتري حاجه انت محتاجها ولا بتروح مره كل اسبوع او اكتر وتشتري مره واحده
وهل العروض بتستهويك حتي لو مكنتش محتاج السلعه ده

---

بروح مره شهريا يعني شوبنج للشهر كله بس احيانا الميعاد بيتقدم او بيتأخر عشان عرض ساخن جدااااااا جداااااااااا مش كنزايه ب 185 قرش بدل 200 قرش:rolleyes:

الحقيقة أنا من زباين هايبر وان وأحياناً كارفور
ودايماً باكون مجهز قائمة بالحاجات اللي هاشتريها
وباحاول الالتزام بيها قدر الإمكان
ممكن أستجيب للعروض الخاصة لو كانت حاجة انا محتاجها

انا بقى لو رحت كارفور او الهايبر يبقى على الميزانية السلامة
كل اول شهر باجيب مستلزمات البيت (الاكل والشرب والذي منه) وباقي الشهر بجيب برضه
ميزانية احمد بيه طبعا مفتوحة على البحري
بيني وبينكم : انا بكره موضوع العروض ده جدا جدا جدا
بس ماحدش يجيب سيرة للجماعة

رامي (ابو احمد)

اقتباس:

---

المشاركة الأصلية كتبت بواسطة hesham Amin

بركز فى الاسعار طبعا
والعروض واسعارها اية
علشان لو حاجة لقطة ممكن اشتريها
ولو حاجة غالية اشتريها من برة

---

10+++++++++++++

معاكوا حق اصل مشكله العروض ده رهيبه يعني الواحد لو ساب نفسه ليها يبص يلاقي العمليه وسعت عالاخر خصوصا لو اشتري سلع معمره مش محتاجها بس علشان نازل عليها عرض يقوم يشتريها وبصراحه الواحد مبيقدرش يقول لاء جرررررررررررررررررررررررر رررررررررررررررررررررررر