الموضوع: عايز اوصل نت من الكمبيوتر للاب ؟

سلام عليكم ورحمة الله وبركاته

كنت عايز اسئل يا جماعه دلوقتي انا اوقات بحتاج اني اوصل اللاب بالنت و يكون الديسك توب فيه برضو نت

يعني انا عندي ديسك توب متوصل عليه نت عادي بالسلك في مكان اللي في البورده , انا عندي كارت LAN زياده بفكر اركبه على الديسك توب ده و اوصل فيه سلك بينه و بين اللاب

فهل كدا هيوصل للاب نت ولا لا ؟؟؟

انا كنت بوصلهم بالبلوتوث بس المشكله انه بسبب ضعف البلوتوث بتاع الديسك توب بيبقي العمليه صعبه وطبعا الويرليس مش بيجيب عندي في الاوضه اللي فيها الديسك توب فمحتاج اعملها وصله يعني
فهل الفكره ان يبقي 2 بورت في الجهاز دي هتنفع ولا اجيب سويتش 2 بورت مثلا واوصل بينهم ؟؟؟؟

المشاركة الأصلية كتبت بواسطة pro_samir

هي تنفع عادي هتعمل بريدج بين الكارتين وتخلي الديسكتوب جيت واي للابتوب .. بس رخمه ولازم تسيب الديسكتوب مفتوح

ريح دماغك وهات سويتش 5 بورت باربعين جنيه هيبقي عملي أكتر .. أو أكسيس بوينت تكون 4 بورت تشغل الديسكتوب علي واحد منهم و اللابتوب وايرلس سعرها مش فاكر 160 أو حاجه كده

شكرا يا فندم على المساعده
هي الفكره الاساسيه اني بحتاج ان الاتنين يبقوا شغالين سوا و لو منفعش هجيب سويتش و خلاص
بس انا فعلا بحتاج يبقوا شغالين سوا الاتنين
شكرا جدا

المشاركة الأصلية كتبت بواسطة mrwho1982

ادي للديسك توب الاي بي ده

192.168.1.110
255.255.255.0
192.168.1.1

8.8.8.8
8.8.4.4

والاب اديلو الاي بي ده

192.168.1.15
255.255.255.0
192.168.1.110

192.168.1.110

جرب وقولي

الف شكر ع المساعده يا فندم و هجربها و اقول لحضرتك ان شاء الله

المشاركة الأصلية كتبت بواسطة mrwho1982

صحيح انت ال getway عندك ايه

192.168.1.1

المشاركة الأصلية كتبت بواسطة run

فى حلين

يا تجيب جهاز اكسس بوينت وتركب الوصلة فية وتشتغل وايرلس

يا تجيب سويتش وسلك وتوصل لللاب

الف شكر يا فندم
ع العموم انا هجرب كدا الطريقه اللي ذكرها الزملاء و ان شاء الله لو مفيش نتيجه هيبقي لا مفر من اني اجيب سويتش

الف شكر ليكوا يا جماعه و ربنا يجعله في ميزان حسناتكم ان شاء الله