انــــا و مـيــــنا

**AhMeD EzZ** · 07-01-2011 04:05 AM

ايه الي يخلي واحد ينزل الساعة 2 الفجر في عز التلج دة عشان يقابل حد ؟
اكيد الشخص دة ليه معزة كبيرة اوي عندك

دة الي كنت بفكر فيه و انا في الطريق لصديق عمري و اخويا مينا الساعة 2 الفجر عشان اقضي معاة يوم وقفة العيد بتاعة اول ما كلمني
لقيت الاجابة في حاجات كتير اووي

مينا دة انا عرفتة من 10 سنين من و انا في اعدادي
مينا الي لما شافتي شافني شربت سجارة بهدلني و قاطعني فترة مع انه بيشرب برضة بس خايف عليا
هو الي كان بينزل من بيته و هو في ثانوي و يسيب مذاكرتة و يجي يشرحلي حاجات
و هو الي لما عمتي رحمها الله كانت محتاجة نقل دم عاجل جالي من شبرا لحد حلوان جري و اتبرع كذا مرة
و هو الي عزاها مسبنيش لحظة في 3 ايام العزاء
و هو الي لما اخويا فكه اتكسر كان بيجري معايا في المستشفي زي المجنون كانة اخوة بالظبط
و هو الي يوم ما اتثبتنا في الشارع خلاني اجري انا و صاحبنا التالت و وقف هو عشان احنا الي كان معانا حاجات اغلي
يعني كان هو ممكن يموت فيها عشان يهربنا !!

احنا لحد دلوقتي مع ان كل واحد فينا دخل كلية شكل كل يوم لازم نذاكر مع بعض

انا مش عارق انا كتبت الموضوع دة ليه
بس حسيت اني لازم اوفي جزء من حقة و اتكلم عليه

يا رب يا مينا اشوفك احسن مهندس في الدنيا و ناجح في حياتك

**AhMeD EzZ** · 07-01-2011 04:26 AM

هو من احترامة ليا في رمضان مش بيرضي ياكل او يشرب او حتي يولع سيجارة قدامي او اي حد من اصجابنا
يا تري لسة في كدة ؟؟

**misoalex** · 07-01-2011 07:44 AM

المشاركة الأصلية كتبت بواسطة ahmed ezz

هو من احترامة ليا في رمضان مش بيرضي ياكل او يشرب او حتي يولع سيجارة قدامي او اي حد من اصجابنا
يا تري لسة في كدة ؟؟

ايوه يا باشا فيه كده واكتر من كده طول ما فيه لسه ناس محترمه وبتفكر تفكير صح

**ahmedbasto** · 07-01-2011 07:50 AM

فى ناس كتير كدة

**Karim_Mohy** · 07-01-2011 08:30 AM

لسه فيه كده فعلا........بس للاسف الوحش غطي ع الحلو
ودايما الواحد بيفتكر الوحش وبينسي الحلو

**Egyzizo** · 07-01-2011 11:13 AM

ربنـا يديم المحبـة

**فادى محمد** · 07-01-2011 01:53 PM

كان في زميل لنا في المنتدي عامل موضوع بعنوان (هتوحشني) حد فاكره؟؟ عباره عن رثاء من اخ مسيحي لصديق عمره المسلم اللي مات في حادث سياره ربنا يحفظنا قدام عنيه واخر كلمه قالها المسلم لصديقه قبل ما يموت (هتوحشني) ....الدين لله والوطن للجميع .

**meza** · 07-01-2011 02:36 PM

مع كل الهجوم و الكلام اللى يزعل اللى عمّال أقراه عالمنتدى دلوقتى يوم العيد الصبح و الكلام الجديد اللى لم اعتاده من قبل فى المنتدى أو فى حياتى وتعاملاتى مع أصدقاء عمرى و مخلينى قاعد مستغرب ليه كل ده و لمصلحة مين؟!!! .. ,بس قرائتى لموضوعك خلى عينيا دمعت ... أكثر الله من أمثالك يا أستاذ أحمد :)