عفشه السيراتو مع جنط 16

**wolverine1987** · 07-01-2011 11:54 AM

السلام عليكم
اولا احب اشكر الناس اللي في المنتدى اللي بينقلولنا خبراتهم و تجاربهم مع السيراتو

المشكله:
انا عندي كيا سيراتو خليجي جنط 16 و العفشه عندي ناشفه جدا جدا و العربيه عامله 13000.
ضغط هوا نيتروجين للعجل و خليت الضغط مظبوط على 28 و مفيش فايده.
العربيه بتتهبد جامد و مبتحس بكل زلطه العجل بيدوس عليها على الارض.
و المشكله ايضا ان كل الخبط ده بحسه الم في ظهري بعد المشوار.

السؤال:
هل في طريقه لعلاج او تخفيف نشوفيه العفشه؟ و ما هي مقتراحاتكم لحل الموضوع؟

**ahmedbahi76** · 07-01-2011 02:55 PM

لو تحب تبدل الجنط ال 16 ب جنط 15 عندي استعداد أنا عامل 144550 ألف كم

**ahmedbahi76** · 07-01-2011 02:56 PM

نسيت أكتب ان الجنوط والكاوتش زي الزيرو والكاوتش مضبوط بصفه دوريه عند بريدجستون ومنفوخ نيتروجين

**ابو ليلى** · 07-01-2011 03:09 PM

موضوع العفشة قتل بحث فى القسم هنا والجميع اجمع انه سببه ان المساعدين اللى وره قصيرين وبالتالى بتحس بالهبد والنشوفيه فى العربية اكتر
ولكن من الناحيه التانيه النظام ده بيدى العربية ثبات اعلى على الطريق.

ولكن الجنط ال 16 اقل بكتير من ال 17 فى الاحساس بالنشوفيه
واضرار ال 16 من ناحية البلالين اقل بكتير من ال 17 لانه اتخن شويه .

موضوع ظبط ضغط الهوا برضه اتكلمنا فيه كتير والاغلبية اجمعت انه يكون زى ما الكتاب بيقول اللى هو 32 ...ولكن انا شخصيه جربت فترة على 28 وحسيت فعلا انه اهدى شويه ولكن ده كان على حساب استجابه العربية فى الطلعه الاولى كان بيكون بطىء ..وتانى شى العربية بقت بتاكل بنزين اكتر .

الخلاصه لاازم تهىء نفسك على كده وتحاول بقدر الامكان انك تتجنب المطبات
او الاماكن اللى بيكون فيها الشوارع مكسره .

**wolverine1987** · 07-01-2011 03:39 PM

انا نازل من شاهين 95
ناس قالولي جرب تظبطه على 28 عشان ده بيخلي الكاوتش ياخد و يدي معاك فمتحسش بالمطباط قوي

والله مش عارف يظهر اني لزم اهيء نفسي على كده و خلاص :)