حاجه مش طبيعيه في السيراتو 2011

**hany121** · 07-01-2011 12:16 PM

السلام عليكم ورحمة الله وبركاته..

انا الحمد لله ربنا رزقني بسيراتو 2011 الفتيس الجديد .. استلمتها من اسبوعين تقريبا اول دفعه وكيل SX ..العربيه ما شاء الله جميله من حيث الكماليات والفخامه. العفشه ناشفه شويه لكن مش للدرجه اللي كنت متخيلها ومش مسببالي مشكله. العزل مش قد كده لكن برده مش مسببلي مشكله. المشكله اللي بجد ومعكنناني جدا هي سحب العربيه واستجابتها لدوسة الاكسلاتير في السرعات البطيئه لحد 60كم تقريبا.. الكيك داون استجابته سيئه جدا بحس ب Delay كتير علي ما العربيه تلقط والفتيس بينقل علي RPM 2 او 2.5 بالكتير واوقات ابقي ماشي 40كم واكبس بنزين علشان اعدي من حاجه الاقي الدواسه معديه النص وال RPM ما بيتحركش خالص وبعدين تبدأ تلقط مش عارف ده ممكن يكون عيب ايه؟ علما انه اوقات العربيه بتستجيب شويه احسن والفتيس ممكن ينقل علي 3 RPM .. موضوع تاخير الاستجابه ده بيخليني بخاف احاول اخد غرزه سريعه لو اتزنقت وبفضل اني استني لاني عارف ان العربيه مس هاتساعدني..

انا قريت تقرير استاذ Ahmed_SU لما جرب الفتيس الجديد لكن احساسي بالفتيس مختلف شويه عنه مش عارف ايه السبب واكيد تقييمه هو الاصح لانه جرب الفتيس القديم والجديد انما انا لأ..

العربيه عامله 450كم لحد دلوقتي وكلهم في طرق مزدحمه والسرعه ما وصلتش ا 100كم من ساعة ما جبتها. تفتكرو ده ممكن يكون سبب ان الاستجابه بطيئه؟ اكيد العربيه اللي استاذ احمد جربها اتقرص عليها كتير بما انها ايجار. ممكن يكون ده سبب انه فيه فرق بين عربيتي والعربيه ده؟ تفتكرو بعد ال1000 ك لو قرصت عليها شويه او خليت التوكيل يظبط ال Software للقياده الرياضيه زي استاز عتريس هتختلف والخمول ده هينتهي ؟؟؟

الاكسلاتير بتاع العربيه سلك ولا كهرباء وايه سبب عدم استجابة ال RPM احيانا لدوسة الاكسلاتير؟؟

اسف علي الاطاله ومستني ردود حضراتكم..

**heshamzaky** · 07-01-2011 12:25 PM

هانى باشا أزيك عامل أية بص الاستاذ أحمد أنا شوفتة الراجل دة بجد بيفهم كويس و كان راكب تمبرا و استاذ فيها تواصل معة حا يفيدك و طمنا يا باشا و أن شاء الله القصة بسيطة

**hany121** · 07-01-2011 01:19 PM

المشاركة الأصلية كتبت بواسطة heshamzaky

هانى باشا أزيك عامل أية بص الاستاذ أحمد أنا شوفتة الراجل دة بجد بيفهم كويس و كان راكب تمبرا و استاذ فيها تواصل معة حا يفيدك و طمنا يا باشا و أن شاء الله القصة بسيطة

ازيك يا باشا. انا فعلا شوفت تقرير استاذ احمد وواضح فعلا انه خبرته كبيره وطبعا اكتر ناس هتقدر تفيدني الناس اللي جربو الفتيس القديم والجديد علشان يقولولي اللي بيحصل ده طبيعي ولا لأ واستاذ احمد واحد منهم..

المشكله ان السواقه في بلدنا حرب و90% من اللي بيسوقو مبيعرفوش يسوقو ومعندهمش فكره عن قواعد واداب القياده فممكن جدا حد يعمل غلطه او يزنق عليك وتبقي محتاج تكبس مره واحده وتخطف العربيه منه قبل ما يخبطها وللاسف ده مع استجابت العربيه دلوقتي مش هتعرف تعمله

**heshamzaky** · 07-01-2011 01:39 PM

يا باشا أنت و الله بتسوق قيادة مثالية أسألنى أنا ما أنا شوفتك و انت سايق أنت بتسوق بأحترام اوى هههههههههههه لازم ترخم شوية الناس مش بتستذوق لعلمك و مبروك كمان مرة يا باشا و ربنا يباركلك فى العربية و يحفظها لك و أخوك الى أشترى التمبرا فينة ما تدخلة معانا على المنتدى و الرابطة و ينورنا طبعا العربية بتاعتك التمبرا من العربيات الاساسية يا باشا فى الرابطة و ربنا يحفظها لة برضو يا رب

**hany121** · 07-01-2011 02:18 PM

المشاركة الأصلية كتبت بواسطة heshamzaky

يا باشا أنت و الله بتسوق قيادة مثالية أسألنى أنا ما أنا شوفتك و انت سايق أنت بتسوق بأحترام اوى هههههههههههه لازم ترخم شوية الناس مش بتستذوق لعلمك و مبروك كمان مرة يا باشا و ربنا يباركلك فى العربية و يحفظها لك و أخوك الى أشترى التمبرا فينة ما تدخلة معانا على المنتدى و الرابطة و ينورنا طبعا العربية بتاعتك التمبرا من العربيات الاساسية يا باشا فى الرابطة و ربنا يحفظها لة برضو يا رب

ربنا يخليك يا استاذ هشام. واخويا بلفعل ليه Account وهيدخل يتواصل معانا قريب ان شاء الله..

**ابو ليلى** · 07-01-2011 03:30 PM

فى الاول الف مبروك وتاخد خيرها وتبعد عن شر العين قول يارب

لاازم نكون عارفين ان موضوع الفتيس الجديد لسه تحت التجربه ومحدش عارف لسه

ايه حكايته بالظبط وده للاسف ان الناس الجديده مش بتفيد زى ما هى استفادت

كله بمجرد ما يشترى العربية واخد غرضه مش بنشوفه غير فى حاله واحده بس

انه عنده مشكلة او سؤال .

المهندس احمد اسماعيل قال جزء مهم جدا فى تقريره ان العربية فى الفتيس الجديد

اقل استجابه من ناحيه الكيك دون عن الفتيس الاربع سرعات وده اكيد طبيعى

ولكن لو جربت ستيب ترونيك اعتقد هتحس اكتر بستجابه العربية فى الحرق

وسيبك من اللى قريته انت دلوقتى بتتعرف على العربية وهى بتتعود عليك

ومش مطلوب العربية تطلع كل امكانيتها دلوقتى لسه شويه .

اصبر عليها واوعى تستعجل لسه فى مرحلة تفتيح للعربية ولسه الفرامل بتظبط

لسه ..لسه بعد ال 3000 ك نتكلم تانى

**ابو ليلى** · 07-01-2011 04:34 PM

المشاركة الأصلية كتبت بواسطة hany121

ايه تفسير حضرتك لعدم استجابة ال rpm لدوسة الاكسلاتير في بعض الاحيان.. حضرتك حصلك حاجه زي كده؟

عربية حضرتك اختلفت بعد التليين عن قبله؟

انا معرفش انت عندك ايه لانى مركبتش الموديل الجديد بس انا عندى استجابه طبعا واوقات كتير بضغطه صغيره العربية بتعمل كيك دون من غير ما اقصد .

بينى وبينك انا اصلا معرفتش لا اعمل تلين للعربية ولا افتحها من الاساس لان كان عندى مشكلة فى الاول لحد العربية ما عملت ال 9000 ك وبعد كده اتحلت .
علشان كده مش هعرف اقلك اختلفت قبل التلين او بعده .

حد من اخوتنا بقى يجاوب على السؤال ده

**egypt0777** · 08-01-2011 12:30 PM

اى مشكله فى اى عربية بتتحل بعد صيانة ال 1000

لا تقلق بس ابقى اذكرها لمركز الخدمة و انت بتعمل الصيانة و ما تمشيش من عندهم لد اما تتحل ( يعنى مدش يقللك العباره الشهيره - هى اصلها كده ) وانت بتعمل الصيانة ممكن تجرب عربيه حد من اللى فى مراكز الخدمة بعد استاذانهم

وان شاء الله لا تزعج نفسك ممكن يكون تضبيط كمبيوتر مش اكتر من كده

بس اللى عاوز اعرفه هل اكسيلاتير السيراتوا سلك ولا حساس كهرباء عشان ده بيفرق كتير جدا

-

-

الموضوع: حاجه مش طبيعيه في السيراتو 2011

LinkBack

أدوات الموضوع

عرض

حاجه مش طبيعيه في السيراتو 2011 - انشر الموضوع فى :

-

-

-

-

المواضيع المتشابهه

ايه طبيعه العلاقه بينك وبين حماتك وحماك طبيعيه ولا مش طبيعيه

فتحات التهويه فى السيراتو مش طبيعيه!

حاجه غريبة فى السيراتو المستعمل

السيراتو عملت حاجه غريبه معايا

يا ترى هل دى حاجه طبيعيه فى الانوس؟؟؟؟

الكلمات الدلالية لهذا الموضوع

المفضلات

المفضلات

ضوابط المشاركة