انا شوفت عربيات فى بورسعيد رخيصه جدا الى هيا منطقه حرا
فانطت فى دماغى اجيب واحدا من هناك بس عاوز افهم بقى حقى هيا مبتطلعش من بورسعيد ولا
وهل تنفع تتباع لى واحد اقامته من خارج بلد
الى عندو معلومه ياريت يفدنى
انا شوفت عربيات فى بورسعيد رخيصه جدا الى هيا منطقه حرا
فانطت فى دماغى اجيب واحدا من هناك بس عاوز افهم بقى حقى هيا مبتطلعش من بورسعيد ولا
وهل تنفع تتباع لى واحد اقامته من خارج بلد
الى عندو معلومه ياريت يفدنى
لا مش هينفع تشتري عربيه منطقه حره باسمك... و مش هينفع تمشي بيها لو باسم حد تاني الا اذا كان قريب من الدرجه الاولى.
بس ممكن تقولي ايه العربيه الرخيصه اللي شفتها؟ للاسف معظم العربيات المنطقه الحره بنفس اسعار العربيات خارج بورسعيد
يعنى مثلا شوفت هوندا سيفك بى 43 الف موديل 98 الاتنين باب
السعر مش بعيد عن السعر الواقعي. بس عموما الكوبيه اسعاره ملهاش مقياس
طب بما انك من بورسعيد انا سمعت ان فى جمارك عربيات واحدا بي 25 الف ومش عارف بدفع 9 الاف عشان افك حظر واجيب معوق تكتب بى اسمو بس بتبقى ملاكى
هل ينفع اجيب عربيه واعملها منطقه حره بى اسم اى حد قريبى ساكن هناك وهتبقى تكلفه فى حدود كام وابقى مشكور ليك لو تعرفلى
العربيه المنطقه الحره حاجه و عربيات المعاقين حاجه تانيه. بس عموما مينفعش تجيب دي و لا دي لان الاتنين مينفعش تسوقهم حتى لو جبتهم باسم حد تاني
ههههههههههههههههههههههههه ههه
انت قفلتها فى وشى ولله اجيب واحدا من غير ورق واعملها زى توك توك لى بيت وخلاص هههههههههههههههههههههه
مش انا اللي قافلها و الله. و بعدين انا شخصيا معنديش عربيه منطقه حره لاني مش شايف فيها ميزه بل بالعكس ليها عيوب. يعني مثلا العربيه متخرجش بره بورسعيد غير ٣ شهور كل سنه و كل ما تيجي تخرج او تدخل لازم تسجل الكلام ده في دفتر المنطقه الحره.
تاني حاجه النمر نفيها تعتبر لقطه لاي لجنه خارج بورسعيد و هتلاقي كله بيشتغلك. آخر حاجه و دي الاهم... ان فعلا مفيش فرق يستاهل بين سعر العربيه المنطقه الحره و العربيه في اي مكان تاني.
يعنى مشكلها احسن من مميزتها
اوك شكرا ليك يا باشا
متهيالى ينفع بس تدفع جماركها طالما هتخرج برة بو سعيد
لا يا فندم... مينفعش
هو فعلا مينفعش اى حل عشان تدخل العربية للقاهرة
لسببين مرتبطين ببعض
الاول : ان ممنوع استيراد عربيات للمنطقة الحرة ببورسعيد موديل حديث اكتر من خمس سنين من العام الحالى او سبعة تقريبا يعنى السنة دى 2011 يعنى احدث عربية تدخل منطقة حرة استيراد لبورسعيد تكون موديل 2004 او اقدم
الثانى : موضوع استيراد للعربيات للقاهرة ممنوع تستورد عربية من بورسعيد او من اى بلد وتدفع جمركها غير لعربية زيرو موديل السنة او عربية قديمة مش موديل السنة بس تكون حضرتك المالك الاول ليها يعنى مينفعش عربية مستعملة تدخل الجمرك
وبما ان مفيش عربيات زيرو مستوردة فى بورسعيد يبقى مينفعش تجيب عربية من المنطقة الحرة للقاهرة باى حال من الاحوال
طبعا فى حلول غير قانونية طبعا عن طريق افراج سيارات المعوقين بس طبعا ده حل غير قانونى فى استغلال للمعوقين ولا افضل ان اى حد يلجأ ليه
هيه القاعده العكس... مينفعش تجيب عربيه منطقه حره اقدم من خمس سنين بما فيهم موديل السنه. يعني مثلا في ٢٠١١ يبقى تجيب (٢٠١١ - ٢٠١٠ - ٢٠٠٩- ٢٠٠٨ - ٢٠٠٧). بس من ناحيه تانيه استيراد السيارات بنظام المنطقه الحره تم منعه من حوالي سنه. يعني اللي دخل دخل و خلاص. اللي مستمر هوه بيع و شراء السيارات المنطقه الحره الموجوده بالفعل لمن ينطبق عليهم الشروط.اقتباس:
الاول : ان ممنوع استيراد عربيات للمنطقة الحرة ببورسعيد موديل حديث اكتر من خمس سنين من العام الحالى او سبعة تقريبا يعنى السنة دى 2011 يعنى احدث عربية تدخل منطقة حرة استيراد لبورسعيد تكون موديل 2004 او اقدم
طب انا سمعت ان فى عربيات فى جمرك اساسا يعنى ممكن اروح اختار عربيه صح كلام دا ولا بس بدفع فك حظر باين
موضوع مصادرات الجمارك ده حاجه تانيه و مش مرتبط ببورسعيد بالتحديد