فهمت قصدك
بس اعتقد ان الفرش التفصيل ممكن جدا يكون فيه حل للموضوع دا ، اسأل جينز كار في الموضوع الاعلاني بتاعهم او كلم مهندس احمد مشعل و اسأله
اعتقد الفرش الجاهز المقفل دا هوا اللي مش هاينفع لكن التفصيل ممكن
والله لو كنت شفتهم قبل ما تعملى الفرش كنت بعتهملك
اول ما لقيتهم بعتهم
وكمان مش هينفع اركب الالوان دى فى عربيتى
علشان عربيتى فضى والاحمر مش هيبقى مناسب خالص
ومش عارف ايه اللون اللى هيبقى مناسب ؟
وكمان فكرة ان الفرش يبقى قماش مش جلد هتبقى مناسبة ولا ايه ؟ واوفر ولا ايه ؟
مش عارف
:majd(4):
لو روحت عند جينز كار هاتلاقي درجات رمادى و اسود و جراي كتيييييييييير و انواع و اشكال جلد مختلفة و ممكن تعمله رمادي في اسود هايبقى حلو اوي و الخياطة رمادي هايبقى جامد جدا
لكن القماش مش عملي بصراحة خالص بيبقع و مش بيتنضف بسهولة و بيوبر و يدوب بسرعة
الجلد تنضيفه سهل جدا و شكله اشيك ، اتفرج على صور الفرش اللي جينز كار عاملينه هنا على المنتدى هاتلاقي مواضيع كتير و هاعجبك اوي دا غير تقفيل الارضية و الشنط جلد دا مهم جدا كمان
بصى يا دونزى أنا شوفت فرش جلد عند محل فرش عادى قريب الشبة من الفرش الى فى الصورة الى بتقولى علية دة كلة جلد على فكرة بس للأسف نوعية الجلد مش المستوى الى فى دماغك أنا فقط رفعت الصورة أوريهولك لان ألوانة عجبتنى بس خامة الجلد الى عند جينز كار افضل بكثير جدا بصراحة ( كلة بتمنة ههههههههههههههههه )))) التانى أغلا بس احسن فعلا و طبعا الاول فرش جلد مش تفصيل و مفيهوش الخياطة المزدوجة . مع أن الفرش دة يليق على التمبرا عندى لان لونها باذنجانى ههههههه http://img51.imageshack.us/img51/2183/110120113966.jpg
الف مبروك يا دونزى وما شاء الله الفرش ممتاز وده مش جديد من جينز كار
أيوة ما انا بقولك الفرق كبير فعلا فى الخامة التانى فرش جاهز مش تفصيل زى بتاعك انا لما مسكت الخامة بتاعت الفرش زى بتاعك لقيتة طرى و تحسية غالى و نظيف التانى زى المشمع الاسكاى كدة . مبروك عليكى و ربنا يباركلك فية
اولا : الف مبروك علي الفرش بجد جميل اوي واختياريك شيك جدا
ثانيا: كان نفسنا تنضمي لينا وتبقي بروتونيه باختيارك الجين تو (او الساجا) لما كنتي محتاره تجيبي عربيه ايه بس بردو الريو عربيه كويسه اوي وانا اعرف انها هي هي الاكسنت وانا بحب الاكسنت
ثالثا: انتي بتقولي انهم عملوليك خصم خاص عشان انتي عضوه في المنتدي فياريت اعرف هل انتي قلتلهم انيك عضوه ولا معاكي الاستيكر بتاع المنتدي وعلي اساسه عملوليك خصم وكان اد ايه؟
وياريت بردو بجمله الاسئله بقي اعرف الفرش كلفك كام بعد الخصم عشان انا عايز اعمل العربيه بتاعتي زيك (كراسي وارضيه وشنطه) ولو مش هينفع تقولي كلفيك كام بالظبط ارجو انيك تبعتيلي ان شاله حتي رساله
ومبروك مره تانيه