الموضوع: كيا سيراتو اوتوماتيك 2006 مواصفات خليجى , رايكم فيها ايه ؟

بسم الله الرحمن الرحيم


بمنتهى البساطة انا جديد جدا على عالم السيارات , يعنى بسوق من حوالى خمس شهور و اشتريت العربية من حوالى تلات او اربع شهور بالكتير


حبيت اعرف حاجات تهمنى عن عربيتى فعرفت منتداكم الاكثر من رااااائع بجد


لافت نظرى اهتمام الاعضاء و المشرفين باجابة اى استفسار لاى حد و اهتمامهم ببعضهم زى متكون عيلة او اسرة واحدة و علشان كدة بسعى انى اكون واحد من العيلة دى , و باختصار عايز رأى الاعضاء و المشرفين اللى بحترمهم كلهم بلا اى استثناء فى العربية بتاعتى اللى هيا كيا سيراتو 2006 اوتوماتيك الشكل القديم اللى هيا اسمها فى مواقع كيا العالمي سبكترا ,

رأيى انا الشخصى من واقع تجربتى للعربية لحوالى تلات او اربع شهور زى ماقولت او لحوالى 5000 كيلومتر هو انها ثابتة شويتين , مريحة اوى اوى , للاسف بحس باى تكسير فى الشارع و مش عارف ده معناه ايه , بمشى بيها على الدائرى كتير فى الاماكن اللى مفيهاش رادار و ساعات بجيب بيها سرعة 150 كيلومتر و مش بتقلقنى لاى سبب بس بصراحة مجربتش اعدى السرعة دى , استجابتها عاجبانى اوى من ناحية الفرامل و الدريكسيون و الحاجات دى , للاسف علشان اوتوماتيك و 4 نقلات ف ده بيتهيالى انه بيخليها بتجمع سرعتها بشكل ابطئ من المانيوال بس مش بدرجة كبيرة يعنى بتجمع سرعتها بسرعة شوية بس مش زى المانيوال , قلقاااااااااااان جداااااااااااا من المطابات المنتشرة ف بلدنا و اللى ممكن من غير ماخد بالى اكل منها بس مش كتير يعنى ,

لو ممكن حد يحطلى اللينكات اللى ممكن تهمنى انى اقراها مع العلم انى سواقتى محترمة شويتين بغض النظر عن انى ممكن اسخن و اشد مع حد بس ده مش كتير

اخر حاجة هيا انى بجد هبقى فرحان اوى لو لقيت مشاركات من الاعضاء اللى بحترمهم جدا زى ماقولت قبل كدة