عاوزة اشتري مكنسة ذات قوة شفط جبارة .. !!!!

**D . a .\ AYMAN** · 08-01-2011 03:44 PM

المشاركة الأصلية كتبت بواسطة أحمد كمال

حضرتك بتقول انك جايب مكنسة ب 12 الف جنيه و لا انا غلطان؟

اللي بتقول عليه ده مش مكنسة ده روبوت هههههههههههههههههههه ناقص تقول لي بتقشر لب و تصحيك الصبح و تجيب لك فنجان القهوة ههههههههههههههههه

مرة كنت في معرض في أرض المعارض بتاع حاجات كبيرة زي كده مش فاكر معرض إيه بس زي لومارشيه كده تقريبا ولاقيت شوية مكانس بالأسعار دي وفي حاجات وصلت لـ 15 الف جنيه ....

أحلى حاجة في الموضوع إن الراجل كان قرفان مني قوي لما لاقاني مستغلي المكنسة وكان محسسني إني مش من مستواه .. وعايز يقنعني إن عادي .. الناس بتشتري منه كل يوم 3 - 4 مكانس للإستخدام المنزلي وإني أنا الوحيد اللى أبديت إعتراضي علي سعرها

المشاركة الأصلية كتبت بواسطة amahmed

انصحك تشتري مكنسة تحتفظ بالاتربة في وعاء بلاستيك مش في جراب قماش
لان تنظيفها سهل جدا مقارنة بذات الجراب اللعينة
عندي مكنسة باناسونيك 1800 صناعة اليابان و بجراب قماش ارغب في القائها من الشباك لازعاج تنظيف كيس الاتربة و بضعف سعر المتميزة ذات الوعاء البلاستيك

الموديلات و الاسعار لن افيدك لاني اشتريت من عدة سنوات و معنديش معلومة عن الاحوال الان بالسوق

بالفعل اي مكنسة ذات كيس قماشي .. متعبة جدا جدا جدا في تنظيفها ...

**Ralliart** · 08-01-2011 06:40 PM

المشاركة الأصلية كتبت بواسطة أحمد كمال

حضرتك بتقول انك جايب مكنسة ب 12 الف جنيه و لا انا غلطان؟

اللي بتقول عليه ده مش مكنسة ده روبوت هههههههههههههههههههه ناقص تقول لي بتقشر لب و تصحيك الصبح و تجيب لك فنجان القهوة ههههههههههههههههه

هههههه لا كان ايامها الدينار ب8 جنيه بس
وبعدين ابويا اللي اشتراها ايام العز بقى (لو انا كنت طردت المندوب بعد ما سمعت السعر)
وهي فعلاً بتمشي لوحدها!

**Ralliart** · 08-01-2011 06:46 PM

شركة كيربي عارفاها .. دول قارفيني كل شوية .. تقول لي تنظيف انتريه .. اقول لها الانتريه جديد .. تقول لي تنظيف سجاد .. اقول لها باتعامل مع مغسلة مريحاني .. تقول لي تنظيف ستاير .. اقول لها الستاير خفيفة باغسلها في الغسالة .. تقول لي رش حشرات .. اقول لها الشقة نظيفة وزي الفل معنديش حشرات هتفولي عليا ليه .. وكل مدة تقول لي الاسطوانة وارد عليها نفس الاسطوانة
اما اني اجيب مكنسة بالمبلغ الرهيب دة .. فالاحسن اني ارمي السجاد واقعد عالبلاط

هما فعلاً معظم شغلهم بقى في التنظيف بدل المبيعات
بس جربيهم مره لما الانتريه يتوسخ بيرجعوه زي الجديد
كان في ناس مأجرين عندنا شقه مفروش وهما عيله وسخوها جامد فلما جم يمشو اتكسفو يسيبوها كده وجابوهم رجعو الشقه زي الجديده بس اكيد دفعو مبلغ محترم
كان مالها ام عصمت مرات البواب!

**heshamzaky** · 08-01-2011 07:19 PM

بصى حضرتك لو ليكى حد فى السعودية نازل ممكن تخلية يجيبلك مكنسة باناسونيك 1700 وات البرميلية دى مكتوب عليها صراحة صنع فى اليابان و دى كانت ب 750 ريال ممتازة جدا جدا جدا الكلام دة عن تجربة أن ما كانش فية الامكانية للشراء من السعودية التوشيبا ال 1600 وات كويسة جدا و دى فية منها 3 الوان نبيتى و أزرق و اللون التالت مش فاكرة دى تقريبا فى حدود 600 جنية أو أكثر مش متذكر بالظبط دى كويسة و حا تلاقى مكانس كتير أرخص من كدة فى كارفور حا تلاقى ب 300 و 400 جنية بس بصراحة أنا الادوات الكهربائية بحب أجيب حاجة ماركة لانها سلع معمرة و طبعا لو عاوزة تعرفى أنواع أخرى ممتازة عندك ال هوفر و البلاك أند ديكر بس دول غالين شوية خليكى فى توشيبا العربى مضمونة جدا و 1600 وات كويسة جدا و قوة المكنسة بتقاس ب الوات الى مكتوب على العلبة بتاعتها

**nonetta** · 08-01-2011 07:37 PM

يعني تفتكر اشوف في كارفور او هايبر او سبينيس وللا استنى سوق القاهرة الدولي واشوف فيه
انا عاوزاها برميلية ويا يلام لو كانت اللي وعاءها بلاستيك دي ؟ يبقى كويس جدا
اصل صعب انك تطلب من حد جاي من السعودية يجيب الحاجات الكبيرة دي ولا حيسأل فيا طبع ومش بعيد ما يعرفنيش تاني

**nonetta** · 08-01-2011 07:38 PM

المشاركة الأصلية كتبت بواسطة Ralliart

هما فعلاً معظم شغلهم بقى في التنظيف بدل المبيعات
بس جربيهم مره لما الانتريه يتوسخ بيرجعوه زي الجديد
كان في ناس مأجرين عندنا شقه مفروش وهما عيله وسخوها جامد فلما جم يمشو اتكسفو يسيبوها كده وجابوهم رجعو الشقه زي الجديده بس اكيد دفعو مبلغ محترم
كان مالها ام عصمت مرات البواب!

والله ناس محترمة

**heshamzaky** · 08-01-2011 07:41 PM

الباناسونيك البرميلية فية وعاء بلاستيك أيوة بس برضو راكب كيس قماش بداخلها على فكرة الاسهل لكى شوفى بتاعت توشيبا حجما اصغر و شغالة كويس و ممكن تنظفى بها الستائر و الاركان معاها تقريبا 4 غياران يعنى فرشة كدة مدورة و مستطيلة و جوزء بلاستيك ببوز رفيع علشان الاركان . البرميلية افضل بس حا تلاقى النظيف منها غالى لانة حا يبقى ماركة و لو مش ماركة معروفة شوفى التوشيبا و قارنى ما بين الاثنين

**ainshouka** · 08-01-2011 08:02 PM

كارفور عامل عروض على المكانس

اوليمبك 2000 وات كورى كانت 651 نزلت 639 فلتر بدون كيس
اوليمبك 1200 وات كورى كانت 275 بقت 269 فلتر بدون كيس
زانوسى 1800 وات كانت 557 بقت 499بدون كيس
زانوسى 1600 وات كانت 327 بقت 299

بس مش حاسس ان فيه اى عروض خالص لان اسعار الاجهزة عنده اغلى من برة بشوية والتنزيل اللى بيعمله بيرجعها لسعرها الاصلى تانى

يعنى هو عامل عرض على سخان اوليمبك 10 ليتر غاز كان سعره 664 ونزل الى 609 جنيه

وانا كنت شاريه من 4 شهور ب 625 جنيه بس مش من عنده

بى تك برضه كان عارض سخان اوليمبك 50 لتر كهرباء ب 605 وهو بيتباع برة ب 505 جنيه

**nonetta** · 08-01-2011 08:32 PM

اوليمبك ال 2000 وات دي كويسة يا ترى وللا اشوف الباناسونيك
انا ممكن اجيبها من 750 لحد 1000 بالكتير بس تكون تستاهل

**Ralliart** · 08-01-2011 09:01 PM

المشاركة الأصلية كتبت بواسطة nonetta

والله ناس محترمة

علشان مكانوش مصريين

المشاركة الأصلية كتبت بواسطة nonetta

اوليمبك ال 2000 وات دي كويسة يا ترى وللا اشوف الباناسونيك
انا ممكن اجيبها من 750 لحد 1000 بالكتير بس تكون تستاهل

طبعاً خليكي في الباناسونيك
باناسونيك ماركه صعب تتقارن باوليمبك

الموضوع: عاوزة اشتري مكنسة ذات قوة شفط جبارة .. !!!!

LinkBack

أدوات الموضوع

عرض

-

-

المواضيع المتشابهه

ساعدونى محتاج اعمل عدة صوت جبارة

انا عاوزة اشتري اكصدام

وأخيرا قدت السيارة..اخيرا اصبحت جبارة

504 جبارة ولا 405 عادية

عايز اشتري مكنسة شفط من اللي بتشتغل على ولاعة السيارة

الكلمات الدلالية لهذا الموضوع

المفضلات

المفضلات

ضوابط المشاركة