الموضوع: وحشتونى .. وحشتونى .. وحشتونى ... مش حافط باقى الاغنبة بقى ...

ازيكم .... اكيد كويسين من غيرى ... انا قولت امسى عليكم قبل ما انسى شكل الكيبورد .....
الكل طبعا عمال يتسأئل .... انت كنت مخفى فين و لا غطسان فين با واد يا حس ؟؟ طبعا هقوله كنت فى مجاهل افريقيا ... على العموم للى ميعرفش انا ما زلت فى المكان اللى على اطراف القاهرة بجوار السحالى و شتى الانواع من كائنات الحياه البريه و بجانب الرشاح الى اجل غير مسمى ....
و انا مرمى فى تلك البقعه رايت راجل بيتكتك من البرد فى مصنع امامى و تقريبا ده غفير قام مكسر شويه خشب و مولع فيهم و عامل راكيه ... قعدت انا ابص الى منظر السنه اللهب و هى تتمايل و تتراقص امامى و الراجل يتحسس الدفء بجوار النار ثم تانينى فجاءا ذكرى يوم كنت فى الجيش و كان القائد بتاعنا بيدينا بيان على المعلم لاطفاء الحريق و قام بأشعال بعض الورق و وقفنا صف بالعرض امامه ... و وقف هو انتباة و يديه بجوارة مشدودة و اشار الى النار و صرخ قائلا " حريق ...... حريق ... حريق " فــ واد من زمايلنا فى الجيش قاله يافندم بدل ما انت عمال تقول حريق حريق .. طفى احسن !!!!!!!!!! انا سمعت كده فى نفس اليوم كنت بايت فى السجن بعد ما كل الوحده سمعت ضحكى ...

يلا سلام دلوقتى لغايه ما الاقى وقت اكمل ليكم .....