الله يسامحكم كلكم .... وخصوصاً بردوا اللى فى بالى هههههههههههههههه .
عرض للطباعة
لا طبعا مش فاكراه
دة انا فاكرة اسم المسلسل بالعافية
كنت صغيرة مش فاكرة كام سنة بس باشوف اختي وهيا بتتفرج عليه
مكانش من اهتماماتي
بس هما كانوا كائنات فضائية وغزوا الارض ولما كان الواحد فيهم بيتعور بينزل دم اخضر و الجرح بيبقى مبين جلد جسمه او وشه اخضر وطبعا كان بييجي عالقناة التانية ساعتها لان مكانش فيه غير القناتين الغلابة دول بس
انا من ساعة مفتحت الموضوع ده و طفلتي بتجري قدامي كدة =)
فاكرين ايام الفصل لما كنا بنشيل انبوب القلم البك و نحط في اولوا ورقة مكورة كدة و ننفخ من الناحية الثانية تطلع صاروخ في قفا اللي قدامك و لو جت في المدرس تبقى ليلة سودا
فاكرين بردو لعبة الاقلام
حصص الكتابة
شرايط الكاسيت بتاعة كتاب الانجليزي
ميكروباصات رمسيس لما كان خط سيرهم صلاح سالم عباسية رمسيس
فاكرين العربيات اللي كانت بتطلع في علب اللبن
الاستيكة الصباع اللي مكانتش بتخلص (لسة عندي لحد دلوقتي)
الكتاكيت اللي بتتباع قدام المدارس
البيبسي ايام ما كان ب 50 قرش
بوجي و طمطم
انا لسة عندي شهادة kg1 و مكتوب فيها ناجح و منقول لkg2 و بيان درجات و حوارات =)
اللعب دى زمان كانت فى لبن نيدو هو دة قصدك و لا حاجة تانية و بالنسبة للقلم البيك كنت بعملها بس بقشر البرتقال بيبقى اقوى ههههههههه أنا كنت مشاغب جدا جدا و فاكر ماسورة الكهرباء لما كان بيتعمل قراطيس ورق صغيرة و تحطها فى الماسورة و تنفخ بيطير مسافة طويلة جدا جدا و كان فية لعبة أخرى بس تشرد يجيب 4 عيدان كبريت و دبوس ابرة و تعمل ورقة كرتون مروحة و تلف العيدان بتاعت الكبريت بفتلة خيط و يبقى سهم ههههههههههههههه عملتها دى يا باشا و لا لآ
ايوااااااااااااااا هي اللي في النيدو دي لسة عندي عربية نقل جنود لحد دلوقتي و شغالة
متفكرنيش بقشر البرتقال جت في قفايا مرة كنت هاكل اللي عملها لو كنت عرفتو لحد دلوقتي مش عارفو :36_2_33:
و الماسورة دي بردو كانت فاجرة اما اخر لعبة دي فمعرفهاش بس فاكر الضفضعة اللي كانت بتتعمل من الورق
انتوا ايه الشقاوة اللى انتوا فيها دى .ده المفروض انكم كده اولاد عادية ههههههههههههههههه
على أد ما أنا عاوز افتكر الأيام الحلوة دى ... على أد ما أنا خايف من تذكرها .
بتقلب على الواحد المواجع .... لايااااااااااام عمرها مهترجع تانى .
هههههههههههههه طب بص الصورة دى كنت بدور بس على الحاجة دى دبابة كانت هدية مع علبة لبن نيدو لسة زى ما هية و العربية دى كنت شاريها و سليمة مية فى المية و العربيات الماتس بوكس دى زمان كانت صناعة انجليزى أو فرتساوى http://img651.imageshack.us/img651/9...0120113971.jpg