فاكرين الايام دي؟

**marsguy** · 08-01-2011 10:52 AM

كارتون dream stone اللي كان بييجي في صيف سنة 1995.

برنامج جولة الكاميرا يوم الأحد بالليل وكنت باكون خايف أوي لما يجيبو حلقه عن القرش

اللي أنا مفتقده من أيام زمان برده إن الناس كلهم كانوا بيتوحدوا على مشاهدة نفس الحاجات. يعني أيام أما كان في 3 قنوات بس كان التاس بيتفرجوا تقريباً على نفس الحاجات، وكنا نروح المدرسه تاني يوم نتناقش في اللي شوفناه إمبارح. لكل دلوقت كل واحد عنده 500 قناه في الدش.

**زينة الله** · 08-01-2011 11:02 AM

زمان كانت الزيارات كلها العصرية و فى النور قبل الضلمة

و الناس كانت بتنام بدرى و تصحى بدرى واليوم كان فيه بركة كبيررررررررررة سبحان الله

و مع إن الناس كانت بتعتمد على الأعمال اليدوية و تبذل مجهود كبير كان ربنا مبارك لهم فى صحتهم

و كانوا بيتعاونوا سوا فى قضاء حوائجهم تقريبا التكنولوجيا الحديثة و الجاهز فرقهم هههههههههه

كانت أيام حلوة قوووووووووووى بكل تعبها ......... كفاية إن البال هو اللى كان مرتاح

**ganash** · 08-01-2011 11:30 AM

انا مواليد التسعينات والحاجات دى كلها عارفها

**Adham** · 08-01-2011 11:42 AM

المشاركة الأصلية كتبت بواسطة king2000

و ماتشات الكره ايام طاهر ابوزيد و فيلكس و حسام حسن

حسام حسن مين و طاهر ابو زيد مين بس ياباشا دي لعيبة كاوتش مافيش زي ايام مكان الخطيب بيقود الاهلي و قصادة حسن شحاتة و اتفرج بقى مصطفى عبدة و همام همام و كوارشي و قرن شطة و اكرامي و عادل المأمور و الله يرحمه ثابت البطل .....

و محمد لطيف بيعلق .............يااااااااااااااااا� �اة دي كانت كورة بجد

و قمة الاحترام و الروح الرياضية مش القرف بتاع الايام دي

**A.Saad** · 08-01-2011 02:03 PM

مين فاكر ادهم صبرى وفلاش وزووم
وعلى فكرة
لسه عندى مفرطتش فيهم

**nevozaky** · 08-01-2011 03:35 PM

المشاركة الأصلية كتبت بواسطة a.saad

مين فاكر ادهم صبرى وفلاش وزووم
وعلى فكرة
لسه عندى مفرطتش فيهم

لسه والله كنت باقول فى مشاركة سابقة على الحاجات الجميلة دى مجلة ماجد والمغامرون الخمسة ورجل المستحيل ادهم صبرى.فعلا كانت ايام جميلة

**nevozaky** · 08-01-2011 04:47 PM

المشاركة الأصلية كتبت بواسطة kono

وبرنامج امانى واغانى
وسر الأرض بتاع القرموطى
وتوم وجيرى الساعة 7 الا ربع قبل صباح الخير يا مصر
وافتح يااااااااا ماااااازنجرررررررررررر اناااااااا معاااااااااااااااك
ولمة العيلة فى العيد
ونطلع الطبق للجيران ينزلنا مليان حاجت تانية

الوقت مفيش اى حاجة من دى
من كام يوم التليفون بتاع البيت عطل كلمنا الشركة بعتوا حد يصلحه
الراجل مرضاش ياخد فلوس لامه طلع جارنا
قولتله هو لسه فيه ناس كده

احنا اللى بنتغير للاسف

بس ليه دايما الذكريات بتبقى جميلة حتى لو كانت وحشة
انا متاكد لو كلنا رجعنا لايام المدرسة تانى هنتمتنى نكبر عشان منصحاش بدرى :d

كلام حضرتك صح جدا.كل وقت فى حاجاته الحلوة والوقت السعيد وفيه الوقت الحزين اللى انت مش عايزه .كل مرحلة عمرية فيها الحلو والوحش .يعنى كلنا زمان كان نفسنا نكبر .ودلوقتى بنقول يا ريت كنا فضلنا صغيرين .محدش عاجبه حاله الكبيلر عايز يصغر والصغير نفسه يكبر ههههههههههههه