استفسار هام من اصحاب اللوجان الهاف اوبشن

السلام عليكم ياجماعة
دلوقتي انا معايا لوجان هاف اوبشن موديل 2011 من شهرين تقريبا... فيه شوية ملاحظات ياريت لو تفيديوني فيها..
1- لمبة الابواب اللي بتبقى في التابلوه وتعرفك ان كان فيه باب مفتوح ولا لأ مش شغالة عندي..فمش عارف ده عند كل الهاف اوبشن ولا انا بس
2-حاجة تانية..المبة اللي بتنبهك لحزام الامان في التابلوه برضه مش بتنور
3-العفشه بحسها ناشفة مقارنة بعربيات تانية ركبتها
3-اخيرا لما برجع مارشدير اللمبة اليمين بس هيا اللي بتقيد..سألت قالولي انه العربية كده بس ممكن اليمين والشمال يشتغلوا من الدراع اللي بيشغل الفوج لايت..طبعا جربت مافيش حاجة اشتغلت
فمش عارف ده ممكن يكون عيب فيوزات ولا حاجة في البورده ولا ايه؟
حاجة اخيرة هو المفروض اغير زيت بعد كام كيلوا
وشكرا ليكم جميعا

اقتباس:

---

المشاركة الأصلية كتبت بواسطة modi_show

السلام عليكم ياجماعة
وعليكم السلام ورحمة الله وبركاته
دلوقتي انا معايا لوجان هاف اوبشن موديل 2011 من شهرين تقريبا... فيه شوية ملاحظات ياريت لو تفيديوني فيها..
عقبال مليون سنة
1- لمبة الابواب اللي بتبقى في التابلوه وتعرفك ان كان فيه باب مفتوح ولا لأ مش شغالة عندي..فمش عارف ده عند كل الهاف اوبشن ولا انا بس
90% عادي ده مش بتشتغل
باقي الوحوش يفيدوك
2-حاجة تانية..المبة اللي بتنبهك لحزام الامان في التابلوه برضه مش بتنور
طبيعي
3-العفشه بحسها ناشفة مقارنة بعربيات تانية ركبتها
3-اخيرا لما برجع مارشدير اللمبة اليمين بس هيا اللي بتقيدده طبيعي ..سألت قالولي انه العربية كده بس ممكن اليمين والشمال يشتغلوا من الدراع اللي بيشغل الفوج لايت..طبعا جربت مافيش حاجة اشتغلت مفيش كلام من ده الا الفوج لايتس اللي في الفول اوبشن بتنور الشمال
فمش عارف ده ممكن يكون عيب فيوزات ولا حاجة في البورده ولا ايه؟
حاجة اخيرة هو المفروض اغير زيت بعد كام كيلوا
10000 ك وان شاء الله علي خير
وشكرا ليكم جميعا

---

الشكر لله اولا واخير

1 : بتشتغل في الفول اوبشن بس

2 : برضة تقريبا في الفول اوبشن بس ( الهاف اي عندي مبتنورش )

3 : دي بقا مقدرش افيدك فيها لان عندي ما شاء الله كويسة اوي (يمكن حضرتك قارنتها بعربيات اعلي)

4 : اتقالي في الاجانس كل الاوروبي كدة ,و اللمبة الشمال فوج لايت في الفول

و تغيير الزيت بيتم في التوكيل في صيانة العشر الااف

اللمبه الشمال فوج لايت فى الهاف اوبشن برده وكل اللى بتتكلم عليه ده عادى فى كل العربيات الهاف ماعدا العفشه فدية بتختلف على حسب تعودك

يعنى ايه لمبة مرشدين يا جماعه ( اللمبة اللى بتنور ورا العربية لما ارجع مرشدين ؟؟) وازاى اشوفا وانا جوه العربية ولا حد بيشوفها لحضراتكم الموضوع ده كل شويه اشوف كلام فيه ياريت حد يوضحهولى

بارك الله فيكم جميعا...وشكر خاص لدكتور نور اللي بجد مانساش وقفته معايا ساعة شرا العربية..جزاك الله عنا كل خير.... و ربنا يديم علينا نعمة الحب في الله

فيه بس نقطة صغيره خدت بالي منها النهاردة وبجد خطيييرة جدا وياريت كلنا ننتبه منها....
الا وهيا الدواسة...انا كنت ماشي بالعربية وفجأة لقيت الدبرياج بقى خشن قوي وبيعلق في نص المسافة لما تشيل رجلك منه...طبعا ضربت اخماس في اسداس وقعدت اقول بقى زيرو وتعمل كده..سيبنا للمستعمل ايه..والحمد لله انه كنا جوه البلد يعنى كنا هاديين..بس الدنيا كانت زحمة والعربية بطلت منى بسبب الموضوع ده...المهم لما ركنت قلت اشوف ايه الحكاية...فاكتشفت ان الدواسة اللي انا فارشها كانت متزحلقة لفوق قوي وبتزنق على الدبرياج والبنزين كمان.....فحمدت ربنا .. وبفكر جديا اشيلها خالص ...
وحبيت انبهكم للنقطة دي خاصة ان حاجة زي كده ممكن تسبب قلق لو على طريق سريع لقدر الله
وربنا يحفظنا جميعا

كل اللى عندك عادى فى الهاف اوبشن انا عربيتى كده ونفس الملاحظات ما تقلقش

علي فكرة عايز الفت نظركم يا جماعه لموضوع خشونة العفشة وغالبا بيكون نتيجه لزيادة ضغط الهوا فى العجل .. جرب انك تظبط الضغط 28 قدام و 32 ورا ولو عرفت كمان تملا نيتروجين تبقى عملت الصح وشوف الفرق فى نعومة العفشة

اقتباس:

---

المشاركة الأصلية كتبت بواسطة modi_show

بارك الله فيكم جميعا...وشكر خاص لدكتور نور اللي بجد مانساش وقفته معايا ساعة شرا العربية..جزاك الله عنا كل خير.... و ربنا يديم علينا نعمة الحب في الله

فيه بس نقطة صغيره خدت بالي منها النهاردة وبجد خطيييرة جدا وياريت كلنا ننتبه منها....
الا وهيا الدواسة...انا كنت ماشي بالعربية وفجأة لقيت الدبرياج بقى خشن قوي وبيعلق في نص المسافة لما تشيل رجلك منه...طبعا ضربت اخماس في اسداس وقعدت اقول بقى زيرو وتعمل كده..سيبنا للمستعمل ايه..والحمد لله انه كنا جوه البلد يعنى كنا هاديين..بس الدنيا كانت زحمة والعربية بطلت منى بسبب الموضوع ده...المهم لما ركنت قلت اشوف ايه الحكاية...فاكتشفت ان الدواسة اللي انا فارشها كانت متزحلقة لفوق قوي وبتزنق على الدبرياج والبنزين كمان.....فحمدت ربنا .. وبفكر جديا اشيلها خالص ...
وحبيت انبهكم للنقطة دي خاصة ان حاجة زي كده ممكن تسبب قلق لو على طريق سريع لقدر الله
وربنا يحفظنا جميعا

---

ملاحظه في محلها فعلا لأن موضوع الدواسه إللي بتتزحلق و تزنق الدواسات الدبرياج و البنزين و حتى الفرامل ممكن تعمل مشاكل لا قدر الله و عموما الأفضل تجيب دواسه من النوع إللي ضهره خشن علشان ما يتزحلقش و يكون قصير علشان ما يوصلش للدواسات و ربنا يسترها معانا جميعا.

اقتباس:

---

المشاركة الأصلية كتبت بواسطة wassim_nasser

علي فكرة عايز الفت نظركم يا جماعه لموضوع خشونة العفشة وغالبا بيكون نتيجه لزيادة ضغط الهوا فى العجل .. جرب انك تظبط الضغط 28 قدام و 32 ورا ولو عرفت كمان تملا نيتروجين تبقى عملت الصح وشوف الفرق فى نعومة العفشة

---

كلام صح 100 %. و أنا عن نفسي بضبط الضغط على 30 كله و حاطط نيتروجين.