بنزينة شل شارع بيروت مفيش ضمير
ذهبت الى البنزينة لوضع زيت شل الترا فى الماروتى ودى اول مرة اغيرلها زيت لانى شاريها من اسبوعين فقط وكنت واخد الفلتر معايا وانا للاسف مكنتش عارف هى بتاخد زيت قد ايه المهم بعد فك الطبه وتنزيل الزيت القديم وتغيير الفلتر ترك العامل الطبه مفتوحة وبدا يقوم بتفريغ الزيت الجديد قلتله حاسب ياعم الطبه مفتوحة قالى انا عارف ده شويه كده للغسيل قلت ماشى جايز ده يكون مفيد ومعروف ومعرفش فضى قد ايه وبعدين قفل الطبة وفضى كميه اخرى وقاس الزيت قالى كده تمام لكن نزود شوية عشان الفلتر وقام مفضى باقى الجركن كله وقاس تانى وقالى كده تمام طبعا انا لم اراجع وراه لكن كنت مستغرب ان العربية تاخد الجركن كله المهم بعد رجوعى للمنزل جانى هاجس يقولى مش معقول الماروتى تاخد الجركن كله لان كان معايا لانوس وكان بيتبقى شويه فى الجركن المهم طلعت مقاس الزيت ولاقيت المقاس زياده كتير قوى وفرغت منها نصف كيلو لظبط المقاس دلوقتى اما مش عارف اللى عمله عامل البنزينة ده مقصود ولا غير مقصود ولو كان مقصود انا عارف ان سبب تفريغ الجركن بالكامل هو انهم بيبيعوا الجركن الفاضى بمبلغ كبير للجماعة اللى بيغشوا الزيوت انا قلت احكيلكم الحكايه للحذر فقط وعندى استفسار انا عربيتى ماشية 62000كم متى اقوم بتغيير سير الكاتينة علما بانه الاصلى شكرا واسف للاطالة
