الموضوع: leon wala cordoba

يا جماعة الراجل بيسأل بجد مش بيهزر وواجبنا نقوله

يا أستاذ عبده ، سعداوى وكاسبرينو قصدهم إن فيه فرق كبير بين ليون و كوردوبا ، أولاً السعر فيه فرق يمكن 30 او 40 الف ، ثانياً الموتور 1400 و 1600 ، وخصوصاً حضرتك سألت عن الجرى والموتور يبقا أكيد ليون أقوى كتير وممكن أوسع لأنى مادخلتش كوردوبا ، وطبعاً مافيش جدال إن تصميم الليون تحفة ورياضى جداً

بس لاحظ إن الليون مانيوال بس

وشوف تمن الليون ممكن يجيب حاجات كتيرة فى السوق زى الميجان والانسر الجديدة والكورولا والفوكاس والسيفيك ، إنما الكوردوبا أقل من وسعرها يلعب فى فئة تانية

يا جماعة ياريت اللى عندة معلومة مفيدة يقولها ماعندوش يستنى لما حد عندة يقدم مشاركتة هى دى الاصول
الراجل دة انا اعرفة و انا اللى قايلة على المنتدى بتاعنا و قلتلوة دة جامد اوى و هتلاقى فية كل اللى انت عايز تعرفة ... ولما اقلى على السؤال دة .. عجبنى السؤال رغم غرابتة بس فية تفتيح لنقط مايعرفهاش غير حد بيفهم اوى .. قولتيلة خلية فى المنتدى علشان الكل يستفيد
انما هانقلبها ضحك و هزار بتهيألى دول مكانهم المنتدى الاجتماعى
الاخ sameh مشكور على توضيحك ..بس الحقيقة توضيح كلة مش مظبوط بالمرة
واقتراحاتك لعربيات تانية مكانها قسم المقارنات .

بعدين الكورولا و السيفيك سؤال قتل بحثاً يعنى لو داس كليك غلط فى المنتدى هايروح ليهم !
يعنى عربيتين لا احنا عارفين نقنع حد بيهم ولا اللى جابوهم مقتنعين 100% بيهم ومع انى من اشد المتحمسين للسيفك و بدخل كل ترشيح اقول عليها ..ماحدش بيقتنع !

و اللى مستغرب السؤال غريب مابيستغربش لية على اسئلة
لانسر جديدة ولا قديمة -ماروتى ولا التو -شاريد ولا سيريون -سيتى ولا يارس -صنى ولا اوبترا !!

الحقيقة اظهرتمونا بمظهر رائع لعضو جديد ...
مع ان بحركة بسيطة هاتعرفة ان الراجل بيدور فعلاً على عربية جديدة و ماقتنعش لسة بحاجة
حتى الصنى انا اول واحد قولتلوة عليها و عمل بيها موضوع و رحنا شفناها ماعجبتوش بالمرة !

يا ريت نحافظ على اسمنا اللى تعبنا فية عشان المنتدى دة يكبر .. مش هانستفيد حاجة لما نفضل عدد محدود من الاعضاء بنرد على بعض بأجوبة معروفة مسبقاً .

الله عليك يا عمرو.....................
السؤال ليون ولا كوردوبا واحدة واحدة اوكي..........
leon تحفة سيات شكل مستقبلي رائع 1600 سي سي 102 حصان 148 نيوتن عزم الميكانيكا جولف التجميع و التقفيل Seat اسباني جودة و عمر طويل و مش هتكلم علي الميكانيكا لانها جولف golf الكلمة كفاية الجري طبعا ليون 102 حصان و العربية وزنها معقول 5 نجوم في اختبارات الامان و الثبات سعر معقول 145 الف بينما الجولف ب 170 و الاودي a3 سعرها 240 الف جنيه انت بتركبهم ب 145 الف عربية تحفة 4 ايرباج سائق و راكب امامي و الاجناب abs جريها رهيب ثباتها تحفة بكل المقاييس تحمل و خدمة شاقة شكل ملوش حل و اداء هينال اعجابك جدااااااااااااااااااااا


كوردوبا تعتبر ابيزا سسيدان 1400 سي سي 85 حصان 130 نيوتن ضيقة من ورا لكن عربية ممتازة و اثبتت كفاءة عالية جدا جدا بس الليون تكسب طبعا بس سواء دي او دي الاتنين ممتازين













IBIIIIIIIIIIIIIIIIIIIIIIIIIIIIZZZZZZZZZZZZZZZZZZZZ AAAAAAAAAAAAAAAAAAA FOR EVER

طبعا ليون الجديدة
و اعتقد ان حضرتك لو ركبتها حتشتريها فورا
واسال سيات لوفر انا من اشد المعجبين بيها
لو قولتلك ان انا بحبها عن الاوكتافيا A5
حتصدقني
على العموم اي نعم هي ب145 الف جنيه و مانيوال
بس بجد تستاهل تمنها
و سيات لوفر هو الاحق بالاجابة

leon is better and begger

المشاركة الأصلية كتبت بواسطة SEATLOVER

يا جماعة ياريت اللى عندة معلومة مفيدة يقولها ماعندوش يستنى لما حد عندة يقدم مشاركتة هى دى الاصول
الراجل دة انا اعرفة و انا اللى قايلة على المنتدى بتاعنا و قلتلوة دة جامد اوى و هتلاقى فية كل اللى انت عايز تعرفة ... ولما اقلى على السؤال دة .. عجبنى السؤال رغم غرابتة بس فية تفتيح لنقط مايعرفهاش غير حد بيفهم اوى .. قولتيلة خلية فى المنتدى علشان الكل يستفيد
انما هانقلبها ضحك و هزار بتهيألى دول مكانهم المنتدى الاجتماعى
الاخ sameh مشكور على توضيحك ..بس الحقيقة توضيح كلة مش مظبوط بالمرة
واقتراحاتك لعربيات تانية مكانها قسم المقارنات .

بعدين الكورولا و السيفيك سؤال قتل بحثاً يعنى لو داس كليك غلط فى المنتدى هايروح ليهم !
يعنى عربيتين لا احنا عارفين نقنع حد بيهم ولا اللى جابوهم مقتنعين 100% بيهم ومع انى من اشد المتحمسين للسيفك و بدخل كل ترشيح اقول عليها ..ماحدش بيقتنع !

و اللى مستغرب السؤال غريب مابيستغربش لية على اسئلة
لانسر جديدة ولا قديمة -ماروتى ولا التو -شاريد ولا سيريون -سيتى ولا يارس -صنى ولا اوبترا !!

الحقيقة اظهرتمونا بمظهر رائع لعضو جديد ...
مع ان بحركة بسيطة هاتعرفة ان الراجل بيدور فعلاً على عربية جديدة و ماقتنعش لسة بحاجة
حتى الصنى انا اول واحد قولتلوة عليها و عمل بيها موضوع و رحنا شفناها ماعجبتوش بالمرة !

يا ريت نحافظ على اسمنا اللى تعبنا فية عشان المنتدى دة يكبر .. مش هانستفيد حاجة لما نفضل عدد محدود من الاعضاء بنرد على بعض بأجوبة معروفة مسبقاً .

يا سيدى الفاضل seatlover :

فى 3 نقط سريعة عايز أوضحهم

1- أنا شاركت بعد ما سعداوى وكاسبرينو (إتريقوا) على سؤال العضو ، وقولتلهم هو بيسأل بجد مش بيهزر وواجبنا نرد عليه ، والإدارة مشكورة حذفت تعليق سعداوى وكاسبرينو لأنه كان غير لائق الحقيقة ومُحرج للسائل .

2- أنا قلت إن الليون فى فئة سعرية عربيات معينة وذكرتها والكوردوبا فى فئة سعرية بتاعت عربيات أقل ولم أذكرها ، ولم أقترح عربية أخرى لأن السؤال واضح ، ومش ممكن الرد يكون إن (إقتراحاتك لعربيات تانية مكانها قسم المقارنات) !!! !! نفس الأسلوب اللى إتعمل مع الأخ السائل وأنا دافعت عنه

3- تعليقك سيادتك بأن (توضيح كله مش مظبوط بالمرة) أتصور إنه يفتقد للموضوعية شوية ، قد يكون مش مظبوط فى حاجات ومظبوط فى حاجات تانية ، وسيادتك لم توضح إيه هى الحاجات دى وإعترضت على كل شئ

أنا شايف إنك كنت منفعل عشان بعض الأعضاء أحرجوا صديقك( ومكانش المفروض ده يحصل طبعاً) ، فإنت دخلت رديت و (خبطت) فى كل الناس وخلاص !! يا ريت توضحلى لو هو ده اللى حصل