الموضوع: لو الظابط دايقك...إشتكيه

ممكن الرابط يا استاذ احمد

المشاركة الأصلية كتبت بواسطة zago

لا ياباشا ملناش دعوه بالطواريء
قانون الطواريء مش بيبيح ليهم كرامتك انت وبس اللي ممكن تتنازل عنها
انا مش بسخنك ولا حاجه
بس عايزك تعرف تتصرف ازاي
اولا لما يكلمك امين شرطه مترضش عليه لحاد ما يتعصب ويقل ادبه
ساعتها انت تقوله اتكلم عدل يا ابن ال ....
اي شتيمه تعجبك
كده هو شتم وانت رديت
اولا لما ينيجي ينزلك من العربيه متنزلش ولو فتح الباب قوله ( وحياه امك لو ما قفلت الباب لأنزل امسح بيك الارض )
طبعا ساعتها اللعب كبر وحتلاقي الباشا الظابط جايلك
انت ساعتها حتنزل من العربيه وتوجه الكلام للظابط وتزعق براحه راحتك
ساعتها حاجه من الاتنين حتحصل
اولا الظابط حيلم الدور
ولو مش كده يبقى انت عملت مصيبه ولو فتح ربقه ترد عليه لانك خلاص كبرت الموضوع فمينفعش تتراجع
لو شتم اشتم لو مد ايده اقتله
ولعلمك ثانيا دي مش حتحصل نهائي وعن تجربه
بس حط في بالك انك متتنازلش عن كرامتك
ححكيلك موقف

رمضان اللي قبل اللي فات كان مطبق يومين صاحي ونزلت الصبح اجيب الشهاده بتاعتي من الكليه ( دفعه 2009 ) كان يوم افتتاح حاجه في الطريق الدائري وقافلين الطريق علشان الريس حيعدي فرجعت البيت من جوه البلد مش من الدائري
وطبعا كنت ماشي بسرعه 12 كيلو في الاسبوع لان الطريق مقفول
المهم وانا باخد ملف يمين خبطني بوكس شرطه كان بياخد الملف واتزنق بيني وبين الرصيف
طبعا انا ماشي بالراحه وفالعربيتين اتحشرو في بعض
المهم انا بصيت في المرايه اليمين لاقيت الزاويه الشمال بتاعت البوكس محشوره في الرفرف الخلفي يمين عندي
رحت اديت العربيه الغيار الاول وطالع
كسرتله الاشاره والفانوس اتخلع والاكصدام
بالقصد طبعا لاني اتغظت من الحمار اللي زنق نفسه بين رصيف وعربيه جيب
وركنت ونزلت
البوكس سايقه عسكري ومعاه واحده ست كبيره ( ام سياده الباشا الظابط )
المهم الباشا العسكري بدأ يشتم وانا مفتحتش بوقي والناس اتلمت بعدين جه زمسكني من القميص وبدا يشد فيا
وانا برضو والله ولا فتحت بوقي
ليييييييييه بقى انا ساكت؟؟ علشان على الرصيف اللي قدامي كان فيه امين شرطه واقف وبيتابع الموقف
المهم الواد العسكري زودها رحت ماس رقبته ولويها ومديله مقص نزلته في الارض وبالشلوت في وشه
طبعا الناس مسكوني انا ساعتها وسياده امين الشرطه عدى الشارع في لحظه ولاقيته بيقولي ... رخصتك
قولتله رخصه ايه ؟؟ انت بقالك ساعه شايف الواد عمال يشتم ويزعق ومعملتش حاجه ولما بقى عالارض جاي تقولي رخصتي؟؟ مافيش رخصه ياكابتن الرخصه حتطلع قدام الظابط في القسم
طبعا امين الشرطه حاب يعملي لواء وقاللي انت تتكلم معايا كويس اللي بيكلمك ده مش عسكري تقوله ياكابتن الخ الخ الخ
بعد ما سكت قولتله انا قولتلك اللي عندي لو عايز الرخصه الرخصه مش حتطلع غير في القسم
راح ماسك اللاسلكي واتكلم ومعلش ياباشا في حادثه وبوكس شرطه اتخبط ( بيكلم الظابط بتاعه )

انا سيبته وروحت قفلت العربيه والواد العسكري بيشتم قولتله بالنص ( وحياه امك لو ما خرست لأقطع لسانك )
طبعا سكت
والامين متكلمش بس بصلي بصه بتاعت سياده الباشا حييجي يمسح بيك الارض

المهم بعد 10 دقايق الظابط جه بص على البوكس وبص على العربيه وفهم طبعا ان العسكري الحمار اتزنق بيني وبين الرصيف راح لبس فيا ( وميعرفش انه لما لبس فيا انا كملت عليه )
قاللي فين الرخص اديتهاله واخد من العسركري تصريح البوكس اللي بيسوق بيه
السكري كلم الظابط بتاعه وخلا الظابط اللي موجود يكلمه
معرفش طبعا قالو ايه وميهمنيش اللي اتقال
المهم الظابط جاللي وقاللي عايز تعمل محضر ؟؟ قلتله لا طبعا مش حعمل محضر لبوكس شرطه
لكن حعمل محضر لابن الم... العسكري وامين الشرطه اللي جاي يبلطج عليا
والشتيمه دي قدام الظابط والامين والعسكري وام الباشا اللي في البوكس وخلق الله اللي في الشارع
الظابط قاللي انت كده حتكبر الموضوع وانت عربيتك سليمه والبوكس هو اللي اتخبط يعني ممكن الموضوع يتقلب عليك انت وانت عارف انه ميقصدش وانفعل وحبه كلام عبط مش فاكرهم
قولتله هات الرخصه راح مديهالي
دورت العربيه ومشيت
المسامح كريم بقى


وصدقني لو الموضوع اتطور بقى ... كنت دوست التلاته بالجيب
فهمت ؟؟

رااااااجل وجدع