ازازى اتكسر و ايبادى اتسرق ، حسبي الله ونعمى الوكيل

ازازى اتكسر و ايبادى اتسرق ، حسبي الله ونعمى الوكيل
اللهم يا جامع الناس ليوم لا ريب فيه اجمعني بضالتي كما جمعت بين الجسد والروح ويوسف بابيه
--
اللهم أجرني في مصيبتي ، واخلف لي خيرا منها

النهارده كنت فى جنينه مول فى مدينة نصر وراكن العربيه ادام المول وكنت حاطت شنطة لاب توب فيها ايباد وكتب دراسيه خرجت من المول لقيت الازاز اليمين الخلفى مكسور والشنطه مش موجوده مع انها كانت تحت الكنبه ومرجع ضهر الكرسي اللى ادامها عليها عشان متبانش كلمت النجده وفى بوكس جه وعمل معاينه وروحت عملت المحضر وربنا يسهل

دعواتكم يا جماعه بجد انا تعبان اوى وامتحانى الاحد وكتبى مسروقه انا حاسس ان مفيش حرامى فى مصر مسرقش منى حاجه

يارب انت عالم بحالى يارب

ربنا يردلك حاجتك المسروقه دي ويعديلك امتحاناتك على خير بس اهم حاجه متشيلش في نفسك وركز عشان ايام الامتحانات اللي انته داخل عليها دي مش محتاجه اي تفكير في اي حاجه غيرها وحاول تصور كتبك اللي اتسرقت
وحط في دماغك ان كل حاجه وليها حل وكل اللي بيحصلك ده خير من عندربنا سبحانه وتعالى

لا حول ولا قوة الا بالله.بامر الله تعالى هترجعلك حاجتك او على الاقل كتبك.بس عاوز اسالك هو انت خبيت الشنطة ورجعت الكرسى وانت لسة بتركن اودام المول ولا كنت عامل كدة قبل ما تركن.؟

ولو انت فى المنطقة قريب تانى ابقى اسال السياس اللى بيركنوا الناس اودام المول.محدش شاف شنطة مرمية هنا ولا هنا وفيها كتب واللى هيلاقيها ليه الحلاوة!!!

اومال بس هما فالحين كل ما اروح هناك ايوة ايوة تعالى.بس تمام كدة.

حسبي الله ونعم الوكيل ربنا يعوضك ومتشيلش فنفسك واحنا ولاد النهارده زي مابيقولوا وعسي ان تكرهوا شيئا وهو خير لكم متعرفش ربنا شايلك ايه من خير وعموما ياريت حتي لوكيس شيبس نخبيه فالشنطة البلد الفقر فيها وقلة الدين خلو السرقات تنتشر بالشكل ده

حسبي الله ونعم الوكيل

موضوع السرقة دا زاد عن حدوا اوي

لا حول ولا قوة الا بالله بس حاول تركز فى الامتحانات وبإذن الله حاجتك ترجعلك إن شاء الله

ربنا يعوضك عن الآيباد بحته آى ماك متزعلش نفسك بس

حسبى الله ونعم الوكيل
ربنا يعوض عليك انا بقا اتسرقت وانا بجوار عربيتى فى المرور يادوب نزلت اشوف الملف مافيش دقيقة وكان الزجاج مفتوح لاقيت المحمول بتاعى أتسرق فى غمضة عين واتقفل
لاحول ولا قوة الا بالله العلى العظيم

حصلت مع واحد اخو صحبى ساب العربية ودخل البنك خرج لقى الزجاج مكسوور واللاب اتسرق بس كان بتاع الشغل

لا حول ولا قوة الا بالله ربنا يعوض عليك وماتضايقش نفسك الحمد لله على كل شىء وماتعرفش الخير فين

ربنا يخلف عليك بالخير ويرد عليك ضالتك

قدر الله وما شاء فعل
ياريت بعد كده الحاجات دي تتساب في شنطة العربية..أنا باشيل الحاجات دي في الشنطة ساعة ركوبي للسيارة مش بعدما أركن..باقول يمكن حد واخد باله ومتابع وده بيحصل كتير جدا خاصة في أماكن الركنات أو في الأماكن الهادية نسبيا

الدرج الصغير اللي فيه العملات المعدنية باغطيه دايما بمنديل ورق...لأن ممكن الكام جنيه الفضة دول لا يمثلوا بالنسبة لك شئ كبير..لكن بالنسبة لواحد مدمن مثلا يفرقوا معاه ويستاهلوا إنه يكسر الزجاج عشانهم
ربنا يلطف بعباده

جزاكم الله كل خير على دعواتكم وقدر الله وماشاء الله فعل

اثناء المعاينه كنت سامعهم بيقولو ده باستخدام بيجو او بوجيه بصراحه مكنتش فاهم ولقو حته بلاستيك بيضا على الارض وقالو اهو يا احمد بيه

فبدور عالنت كده لقيت انهم تقريبا بيستخدمو بقايا بوجيهات وبتكسر الازاز بسهوله جدا هتجنن ازاااى مش عارف

YouTube - Breaking car window with spark plugs

http://www.youtube.com/watch?v=55CVV...eature=related

يلا الحمد لله

لاحول ولا قوة إلا بالله ربنا يعوض عليك ..

ربنا معاك و ان شاء الله الحاجة ترجع لك

لازم أي حاجه مهمه تتحط في الشنطه .. لأن فيه دلوقتي سبراي بيترش علي الأزاز بيخليه يتفتت من غير ما يعمل صوت .. خلوا بالكم

ربنا معاك
ركز بس على الامتحان

المفروض اللي معاه شنطه فيالعربيه وهايسبها يحطها في شنطه العربيه احسن

ربنا يعوض عليك بتهيألى بعد كده المفروض نركب ازاز ضد الرصاص :11:

لا حول ولا قوة الا بالله ..رد الله عليك ضالتك ..لابد من وجود كاميرات وعسكرى فى مواقف السيارات لحمايتها

حسبي الله ونعم الوكيل

شكرا لدعواتكم والحمد لله اول امتحان جه تمام

وبتواصل السرقات

كنا بنصلى العصر انا وصاحبى فى الجامع اللى ادام ساقية الصاوى خرجنا ملقناش الكوتشي بتاعه مع انه كان حطه جو فى نص الجامع وياعينى لسه جايبه امبارح ب 400 جنيه

بالله عليكم الواحد يعمل ايه
انا خايف لاصحى مره الاقينى مخطوف

اقتباس:

---

المشاركة الأصلية كتبت بواسطة smalltoto

شكرا لدعواتكم والحمد لله اول امتحان جه تمام

وبتواصل السرقات

كنا بنصلى العصر انا وصاحبى فى الجامع اللى ادام ساقية الصاوى خرجنا ملقناش الكوتشي بتاعه مع انه كان حطه جو فى نص الجامع وياعينى لسه جايبه امبارح ب 400 جنيه

بالله عليكم الواحد يعمل ايه
[gdwl]انا خايف لاصحى مره الاقينى مخطوف[/gdwl]

---

ههههههههههه, معلش قدر الله وما شاء فعل.

حضرتك عايش في مصر الي بيخطفوا الكحل من العين (فعلا الي قال المقوله دي عنده حق).
لازم تخلي بالك تبقى حريص طول ما انت في الشارع.

عارف المثل بتاع حرّص ولا تخوّنش ؟
انا عاوزك تخوّن والكل حراميه حتى يثبت العكس و اوعى تسيب حاجه في العربيه. مفيش مكان أمن من الحراميه عامة و بيسرقوا كل حاجه. واحد صاحبي كسروا ازاز عربيته وسرقوا الجاكيت !!!

انا خايف ف مره يكسرو الازاز عشان علبه المناديل !!!

فيه نصيحه حلوه
لو انت رايح ف مكان هتركن فيه فتره و معاك شنطه ولا كيس او اي حاجه شكلها مميز و انت ماشي حاول تقف وتشيل الحاجات دي ف الشنطه
لان ممكن اما تركن و تيجي تشيل الحاجه ممكن حرامي يشوفك و يفتكر فيها حاجه غاليه

تصدق نفس السيناريو ده حصل معايا بس كان لاب توب وكنت فاكر نفسي ذكي لما رجعت الكرسي اليمين لورا علشان يداري على اللاب اتاري الحرامي اذكي منى وكان في شارع الطيران

محدش يرجع الكرسي اليمين لانه دلاله على وجود شئ ثمين