إقتل بطرس وإقتل مينا ... اللى إخواتهم ماتوا فى سينا
أحبائى الكرام ..... سلام الله عليكم ورحمته وبركاته...
منذ أيام قرأت هذه الكلمات فى تعليقات أحد القراء حول حادث الإسكندرية الأليم ....
كلمات أعجبتنى جدا جدا ... تعبر فعلا عما يحدث .... وتلوم بشدة على كل فاسد طاغى مروع الأمنين فى بلدنا الحبيبة ..
فما كان منى إلا أن أنقل لكم هذه الكلمات نقلا عن أحد القراء ...
إقرؤها جيدا حتى نهايتها وستعرفون مقصد قائلها ولا تسيئوا الظن من العنوان فقط أو أبياتها الاولى ....
ينصر دينك يا بطل
قتلت ناس عُزًّل كتير
ستات، شيوخ وكمان عيال
زيحت عنا خطر كبير
دي ناس بتقول الله محبه
والمحبه دي شئ خطير
إقتل بطرس وإقتل مينا
اللي إخواتهم ماتوا فـ سينا
واللي ولادهم رقصوا فـي فرحك
واللي فـ ميّتم بيعزّينا
إقتل ماري وطنط تريزا
دول ناس مافيهومشي ولا ميزه
دايمًا كده يبتسموا في وشك
ويقولوا اهلاً خطوه عزيزه
وإقتل برضه عمّك حنا
في اي خناقه بيحوش عنّا
غاوي يصّلح بين الناس
ولا يمكن يوّرد على جنّه
وإقتل سامي ناجي نجيب
اصل الإسم صراحه مريب
يمكن يطلع واحد منهم
او داقق على إيده صليب
ولا اقولك...إضرب شبرا
والكيت كات وميدان الاوبرا
فجر واحده في كل مكان
خلّي جيرانهم يصبحوا عبره
لينا رب إسمه الكريم
هاييجي يوم تعرض عليه
تقف امامه و يسألك
الشخص ده عملك إيه؟
بأي ذنب تقتله
وفين ومين وإزاي وليه؟
إبقى قول لي يا بطل
ها ترد يومها..
وتقول إيه؟
مع خالص تحياتى وعزائى الخالص من القلب الى كل مسيحى على أرض مصرنا الحبيبة والى كل من يشاركوننا الارض التى نعيش عليها سويا ونأكل من خيراتها ونموت فى سبيلها معا
:satelite:
محمد عبد المجيد
الإسكندرية
0116007025
