الموضوع: شركة كويست نت او كيو نت

الموضوع ده للتنبيه والاستفسار

في واحد صاحبي هو اصغر من بسنتين
علاقتي بيه طياري كده نعرف بعض عن طريق واحد صاحبنا
المهم مالناش كلام كتير مع بعض
لقيته من كام يوم فاتح الشات بتاع الفيسبوك وبيكلمني وبيهظر وهي مش عادته
المهم يوم والتاني يفتح برضو ويهظر
قلت خير
المهم فتح معايا موضوع الامتياز وهقبض فيه كام وكده
فقلتله 250 جنيه فقعد يضحك ويتريق عليا
وقالي ايه {أيك في اللي يجيبلك شغله ساعتين في اليوم بس
وهتقبض في الاول 250 دولار
قلت اشطه
قولتله طيب هو ايه الشغل قاللي نتقابل
قولتله طيب اديني فكره قاللي لما نتقابل
ولقيته لأول مره في حياته يكلمني علي الموبايل ويهتم اني انزل معاه
قلت ده ايه الحب مره واحده كده
ده بيحبلي الخير اكيد
اتفقنا الجمعه بعد الصلاه
لقيته سلم عليا وبعد كده قاللي دقيقتين وطلع جاب ورق واقلام وكده
ونزل قاللي نقعد في كافيه
قعدنا طبعا بقي قعد يكلمني في حاجات تخصه ومش عارف ايه وبيفرش جامد قدامي
المهم طلبنا فروت سلاد
وقعدنا نتكلم
قاللي بص بكره تدعيلي ان انا رفعتك
بكره تقولي ربنا يكرمك يا محمد انك خلتني بني ادم
طبعا الكلام معجبنيش بس مرضيتش اقفش عليه
المهم بدأ الكلام وقعد يرسملي حاجات
وكان كل توجيهه ليا ان انا اعشق الكسب السريع
وان انا هيبقي معايا مليون دولار في خلال 5 سنين
والكلام كان ماشي عنب
المهم نبدأ الكلام اللي معجبنيش
ان علشان ابقي مستثمر في الشركه لازم اشتري حاجه من منتجاتهم
ودي بتتراوح مابين 20 الف دولا الي 600 دولار
وطبعا كل مادفعت اكتر مكسبك يتضاعف اسرع
المهم اقل حاجه ساعه طبعا سويسريه هاند ميد يدويه يعني حاجه تحفه
قولت اكيد نوع معروف
لقيته بيقولي شركة ماير
ومش عارف منتج تاني بيظبط كهرومغناطيسية الجسم ويخليك تشتغل 18 ساعه بدون ارهاق!
لمهم اول حاجه هتدفعها وتسجل عند الشركه حوالي 4 الاف ونص
لحد ماعرفت اني عشان اكسب اول 250 دول لازم اكون دخلت تحتي 6
وان انا مش هيتحولي فلوس علي البنك الا لما اكون باخد علي الاقل 3000 دولار اسبوعيا
اما ال250 دول ممكن ناس تشتريهم منك
قولتله طب انت اخدت فلوس قاللي اه
وطلعلي دولارات لقيتهم 3 دولار
المهم
لاحظت عليه حاجه غريبه
هو اساسا بارد جدا
اول مره الاقيه متوتر بس بيحاول يخبي كده
ولما ابص علي اي حاجه الاقيه مترقبني
كان يحاول يقنعني بكل الطرق
وان الناس اللي بدأو الموضوع دلوقتي راكبين عربيات بملايين
واكترهم دكاتره
ليه تضيع مجهودك في الطب في حين انك ممكن تستمتع بيها كلها
ياريت لو حد عنده معلومات عن الموضوع ده يقول
انا بحذر الناس من النصبايه ده لأنها منتشره ومش معروف اصلها
وجاتلي من واحد من اصحابي
هو شكله لبس وعايز يلبسني معاه
وعلي فكره الساعه اللي اشتراها متسواش 100 جنيه مش 5 الاف

السلام عليكم دكتور عمرو

موضوع أو نظام الإنتفاع الهرمي موجود من زمااان وبدأ في مصر من حوالي 17-16 سنة تقريبا مع شركة إيطالية إسمها future strategies وكان نظامها إسمه Pentagono:

وكان نظامها إنك تشتري شهادة بمبلغ 40$ من صديق متعرفوش زي ما حصل معاك. الشهادة موجود فيها إسم في المستوى الأخير (من سبعة مستويات)
تقوم بإرسال حوالة له بمبلغ 40$. ثم تقوم بإرسال مبلغ 40$ للشركة الأم فتقوم بإرسال عدد 3 شهادات وقد أضيف إسمك في أخر مستوى.

سيادتك تواصل المسيرة وتبيع ال3 شهادات لثلاثة من أصدقائك كل شهادة بمبلغ 40$ . يعني صرفت 120$ ورجعلك 120$ يعني لم تخسر شيء (هكذا يقنعك صديقك البائع).

إذا إستمرت السلسلة الهرمية من المستوى الأول إلى السابع فيصبح تحتك 7^3 (3 أس 7) = 2187 مشترك جديد كل واحد فيهم سيجد إسمك في المركز الأول ويرسل لك 40$ فيكون الناتج =40 * 2187 = 87,480$

3
9
27
81
243
729
2187

بعد فترة إتعمل موضوع بنفس الفكرة بس كان مصري و كانت الشهادة بمبلغ 10 جنيه فقط حتى تصل لمبلغ 2187*10 = 21870 جنيه.

طبعا واضح جدا إنك بتبيع الهوا...

بعد فترة الموضوع إتفقس ...بياعين الهوا قالوا نعمل إيه

خلاص مش الناس زعلانين إنهم يبيعوا الهوا??? تعالوا نعبي الهوا في قزايز عشان يبقى في سلعة بتتباع....



ده ملخص سريع...

ربنا يوفقك في الإمتياز ويباركلك في ال250 جنيه

المشاركة الأصلية كتبت بواسطة dr.amr

قولتله طب انت اخدت فلوس قاللي اه
وطلعلي دولارات لقيتهم 3 دولار
ا

موتتني من الضحك