المشي على الغيار الأول لمسافة طويلة..... ما أضرارة؟؟؟

السلام عليكم

انا من ساكنى منطقة العجمي (الإسكندرية) وبما إن شوارع المنطقة بالكامل مدمرة او تكاد تكون ممهدة بس مليءة بالحفر والطوب الصغير وانا بتكلم عن الشوارع الرئيسية ...... ولذلك فإنب بأضطر امشي بالعربية لمسافات قد تتعدى 1-2 كم بسرعة تكاد تكون معدومة او بحد اقصى 15-20 كم/س...... وذلك نظرا لأني مش عاوز أضر بالعفشة وكمان المشي ببطأ يوفر نوع من الامان في حالة رؤية مطب غبي او حفرة عميقة وتفاديها..... علشان كدة كل يوم وانا طالع الشغل او راجع البيت بمشي مسافة بالعربية لا تقل عن 2 كم وبكون مدى العربية الغيار الاول طول السكة ولما بتوصل السرعة 15 او 20 كم/س بديها الغيار التاني بس دة مش بيدوم!

السؤال هل المشى على الغيار الاول لمسافة او لمدة طويلة بيضر بالمحرك ؟ وما هي نسبة الضرر؟ من الافضل السير على الغيار الاول او التاني في هذة المسافة الطويلة؟ انا سمعت إن الاول يستخدم بس لتحريك العربية من الثبات اما إذا تحركت ومشيت بيجب إعطاءها الغيار الثاني حتو ولو كانت السرعة 5كم/س!!!!

برجاء الإفادة!

سيارتي ياريس 1300 سي سي مانيوال مو 2008

لاء مفيش ضرر علي الاطلاق ممكن تمشي علي اي سرعه انت عايزها شرط ان الحراره متعلشاش منك
طيب احنا علي الطريق الزراعي من علي الدائري الي كوبري قليوب 5 كيلو بناخدهم في ساعه ونص عادي مفيش حاجه انت قول الحمدلله انك ماشي بمزاجك علي الغيارات الاولي
نصيحه حاول تمشي علي سرعه الغيار ومتحملش رجلك علي الدبرياج والتحكم في السرعه من البنزين وليس الدبرياج الدبرياج فقط لوصل وفصل الحركه حتي لو اضطريت انك تمشي علي السلانسيه بس متمشيش دايس نص دوسه علي الدبرياج

اية يا جماعة .. هو يوم حرق الغيارات العالمى ولا اية:D
بص يا good الموضوع دة كلنا بنعانى منة سواء عشان المطبات او الشوارع الواقفة اصلاً
اما بخصوص تاثير الموضوع على العربية .. فتاثيرة سىء جداً فى حاجات كتير اوى من اول الموتور للفتيس لدورة التبريد .. و الخبراء هنا ممكن يقولولك بالتفصيل لو عايز

المهم الغيار الاول لا يجب المشى علية اكتر من 3 الى 5 ثوانى .. وبسرعة فقط و بعد كدة التانى

الحلول :
1- بعد ما تمشى بالاول ... مور و خد مسافة بقوة الفع و ارجع عشق تانى و هكذا .. و الطريقة دى مجدية جداً خصوصاً فى الشوارع الواقفة

2- حاول تمشى على التانى و تضغط علية مع سند دبرياج نص .... ارحم من الاول فى الضرر
و متقوليش دبرياج واسطوانة (دول مقدور عليهم )

3- كل فترة تعرف تمور مور احسن ... (ريح الغيار )

الغيار الاول ممكن تمشى بيه اى مسافة من غير ضرر بشرط انك متزودش السرعة عن 20 ك مثلا
طول مالغيار مرتاح فى السرعة مافيش مشاكل لكن لو بتزود السرعة يبقى كده بتحرق الغيار وبتحرق بنزين ويسخن الموتور

حاول تمشى على التانى مع دوسه بسيطه على الفرامل
دوس فرامل قبل الدبرياج

لو السرعة بتوصل لـ10 و15 ك يبقى امشي على

التاني اريح للموتور بكتير.


عموماً طول ما العربية بتتحرك متمشيش على الاول

غير لما تقف العربية خالص.

طيب والمشي بالعربية على التاني لمسافه طويله شوية وفي المطالع بلاقي صوت الموتور وطي شوية واول ما ادوس دبرياج الاقيه علي جدا وبعدين رجع اضبط تاني ده مفيهوش خطر على اسطوانة الدبرياج ولا الموتور؟؟؟

المشي بالغيار الاول لمدة مش طويلة اوي عادي المهم متحرقش عليه














Ibiiiiiiiiiiiiiiiiiiiiiiiiiiiiiiizzzzzzzzzzzzzzzzz zzzzzzzaaaaaaaaaaaaaaaaaaa For Ever

طيب وعلى التاني فيها مشكلة لو طولت عليه سلانسيه من غير ما ادوس بنزين ولما العربية تكون في مطلع بلاقي صوت الموتور وطي شوية واول ما ادوس دبرياج بلاقيه علي جدا يمكن بيوصل ل2500 لفة هل ده عادي ولا فيه خطر على اسطوانة الدبرياج والموتور؟؟؟

شوف يا احمد
عشان انا عارف العجمي اخبارها ايه
حاول تعشق وتمشي العربية شوية وبعدين تفك الغيار وترجع تعشق تاني بعد ما تكوني خدت اطول فترة مشي بالدفعة بتاعت التعشيق الاولنيه
لان كتر المش على الاول مش حلو فعلا للعربية بصفة عامة

معتقدش ان فية اى مشكلة انك تمشى على الأول ما هو غيار زية زى اى غيار بس متحرقش علية يعنى 10 - 15 - 20 تمام اكتر من كدة يبقى اديها تانى بقى

طيب إية رأيكم لو عزلت من العجمي أصلا وروحت سكنت في منطقة تانية!!!؟ :( ما هو فعلا هم يضحك وهم يبكي!

متشكر لكل الردود والنصائح...... جزاكم الله خير.

والله أنا من العجمي
و أنا شايف أن ده حل مش وحش

طب انا جاي الجمعة اللي بعد الجاية ايه الاخبار عندكم

اقتباس:

---

المشاركة الأصلية كتبت بواسطة goodwave

السؤال هل المشى على الغيار الاول لمسافة او لمدة طويلة بيضر بالمحرك ؟

---

لا يوجد له أي ضرر طالما السرعة منخفضة وعدد لفات المحرك RPM منخفضة

اقتباس:

---

المشاركة الأصلية كتبت بواسطة goodwave

انا سمعت إن الاول يستخدم بس لتحريك العربية من الثبات اما إذا تحركت ومشيت بيجب إعطاءها الغيار الثاني حتو ولو كانت السرعة 5كم/س!!2008

---

كلام لم أسمعه من قبل وليس له أساس من الصحة
وطالما سرعتك في الحدود الآمنة لعدد لفات المحرك على النقلة الأولى فلا مشاكل

تنور يا كيمو بس قولى قبلها وأنا أرسيك على النظام!
أعتقد هما بيشتغلوا بذمة وعاوزين يخلصوا ويسفلتوا قبل شم النسيم........ بس ما تخافش يا ولدي الدار أمان:)

ahmed 1981

والله لو كلامك مظبوط يبقى انا في السليم والحمد لله!