الف مبروك يا باشا ربنا يعطيك خيرها ويكفيك شرها
رقم العضوية : 77800
تاريخ التسجيل : 16Aug2010
المشاركات : 96
النوع : ذكر
الاقامة : الاسكندريه
السيارة: أوبترا 2011 - AT
السيارة[2]: لادا 2107
دراجة بخارية: لا
الحالة :
السلام عليكم اخوانى الاعزاء احب اعرفكم بنفسى اخوكم محمد شحاته من الاسكندريه
كنت عضوا صامت من اول اشتراكى بالمنتدى ويمكن اكون شاركت مره واحده فقط عندما حبيت اخذ برايكم مابين الاوبترا والالنترا فى شهر اغسطس 2010 واشكر كل من شارك معى فى الاختيار وساعدنى فى المقارنه مابينهم واخص بالشكر الاستاذ حسام ابتراوى لانه على قدر كبير من المعلومات وبصراحه اتعلمت منه اشياء كثيره اثناء متابعة موضوعاته انا من شهر اغسطس حجزت الاوبترا اتوماتيك 2010 عن طريق ابو غالى وبنك اسكندريه وصليت صلاة استخاره وانتظرت كتير حوالى لشهر ديسمبر فى انتظار موافقة البنك ولاكن ارادة الله فوق كل شىء لم يكن لى نصيب المهم ان اصلا كان موديل 2010 خلص ونزل موديل 2011 ودوة طبعا خير من عند الله واشكر ربنا ان محصلش نصيب فى موديل 2010 المهم رحت بنك تانى وهو الشركه المصرفيه العربيه الدوليه وجبت عرض من ابو غالى فى اول ديسمبر وفى خلال يومين اصدر البنك الموافقه بالشراء ولاكن سبحان الله انا مرحتش مع العلم كل يوم اتصال منهم وانا اقولهم هعدى عليكم بكره وعدى شهر على الموافقه وبرده مرحتش يمكن بعد الموافقه ماطلعت قلقت من موضوع القسط وهمه وفى اول شهر يناير قررت انى اصرف واشترى كاش وفعلا ربنا وفقنى فى الفلوس وجهزت والحمد لله وروحت لابو غالى فرع الداون تاون وطبعا دول عشره من شهر اغسطس وقابلت الاستاذ اسماعيل مدير المعرض واكلمنا فى سعر الكاش وقاللى انى هعملك خصم من الاخر 1250 جنيه ومع ذلك مكنتش مرتاح للشراء من ابو غالى بس تقدروا تقولوا كده انى كنت بشوف اخر سعر كام فى السوق وطلعت من عند ابو غالى دخلت عند البلال اكبر موزع لمنصور عندنا فى اسكندريه من الاخر وبعد طلوع الروح نزللى 500 جنيه بحجت ان العربيه هتغلى الاسبوع الجاى 3000 جنيه وقعدتها عنده احسن من بيعها المهم طلعت من عنده مكتئب لانى كان نفسى اشترى من عنده وفكرت انى اروح للاحسن منه وهو الوكيل نفسه وفعلا روحت يوم 4/1 فرع منصور شيفروليه فى سان استفانو وقبلت مسؤل المبيعات الاستاذ احمد نبيل شخصيه محترمه جدا جدا وربنا يباركلوا يارب المهم قلتله انى عايز اشترى اوبترا اتوماتيك 2011 كاش قالى تحت امرك قلتله هتعملى خصم كام قلى لماتيجى تيجيب الفلوس نكلم قلتله البنك امام المعرض هطلع اجبلك الفلوس حالا بس قلى كام عشان اسحب المبلغ قلى هعملك 1000 جنيه قلته بس دا انا سامع من ابوغالى اكتر من كده قالى كام قلتله لا نتفق الاول على الخصم بتاعك قلى طيب روح هات الفلوس قلتله اجيب كام قالى هى سعرها الرسمى 98500 هعملك خصم 1500 قلتله بس قالى دا اخر حاجه ممكن اعملها معاك قلتله ماش هجيب الفلوس ونيجى نكمل كلمنا
المهم روحت سحبت المبلغ ورجعتله عملى اجراءت الحجز سالنى على اللون قلتله اسود انشاء الله ودفعت 97000 جنيه واخدت الوصل واتفقت معاه انه يجبلى طقم دوسات حوض هديه وقالى حاضر عنيه عشانك المهم قلتله هستلم امتى قالى النهارده بالليل مكنتش مصدق طبعا المهم دردشنا شويه وروحت لاقيته الساعه 8 مساء بيتصل بيه يبلغنى ان العربيه وصلت عنده بس فاضل الافراج الجمركى هيجى بكره اخر النهار من القاهره قلتله اوكى هجيلك بكره المهم ثانى يوم وكان يوم 5/1 مساء رحت لاقيته مجرش العربيه فى جراش سان استيفانوا جراج خمس نجوم المهم اقلبت العربيه حته حته ورجعت على كل حاجه فيها ودورت وجربت الفتيس وكله الحمد لله تمام المهم انه قالى معلش الافراج الجركى هيجى بكره الصبح الساعه 9 صباحا تحب تاخد العربيه دلوقتى خدها قلتله لا خليها بيته هنا فى الفندق ياباشا والصبح الساعه 9 هكون عندك انشاء الله قالى اوكى وقالى هطلع معاك واحد سواق من عندنا يرخصلك العربيه وانت قاعد فيها باشا قلتله ياريت المهم روحت وثانى يوم الساعه 9.15 صباحا قالى يلا احنا جاهزين قلتله وانا فى السكه امامى 5 دقائق واكون عندك روحت لاقيت الراجل محضر كل حاجه العربيه وورقها بالكامل والكتالوج والضمان مختوم وطقم الدواسات زى ماطلبته حاولت طبعا اخد غطاء للعربيه قالى لا بقى كده جبرت معاك هههههههههه المهم شكرته على كل اللى عمله معايا وركبت العربيه انا والمندوب بتعهم ودورة طبعا لمبة البنزين منوره دخلت على البنزينه وفولت التنك بنزين 92 بمبلغ 106 جنيه بالضبط ونقلت العداد عل تريب a وصفرته قبل ماتحرك وتوكلت على الله ورحت المرور طبعا يوم الخميس 6/1 وانتم عرفين باه ان المرور يوم الخميس نصف يوم المهم زى ماقلى قعدت باشا فى العربيه والراجل بتعهم بعلاقاته خلص كل حاجه وجابلى الرخصه والنمر لحد عندى وجاب الراجل بالشنيور خرم وركب النمر واليكم مصاريف الترخيص :
16.25 ورق فحص ثلاث سنوات
38.5 دوسيه الترخيص ثلاث سنوات
121 طفايه واحد كيلو
320 تامين ثلاث سنوات
780 ضريبة ثلاث سنوات
يبقى اجمالى الترخيص 1275.75 ثلاث سنوات
55 جنيه اكراميات مرور
100 للمندوب اللى كان معايا بصراحه يستاهل اكتر من كده كمان كفايه ان الواحد موقفش فى شباك من الشبابيك ولا فى الزحمه ولا حسيت انى فى المرور .
الفرق بقى من 2010 الى 2011
طبعا كاسيت شرايط وسى دى تحفه وصوته رائع جدا
تقريبا الدرج اللى جامب السواق فى التبلوه كبر شويه تقريبا
صوت التلكص بقى نفس صوت الكروز رائع جدا طبعا
والجنط اتعدل من 14 الى 16 وكمان طبعا الكوتش اعرض طبعا دوة يدى ثبات اكتر للعربيه مع تغير شكل طاسات الكاوتش
والضمان اتعدل من 60000 ألف كيلوا الى 100000 ألف كيلو او ثلاث سنوات
شنطة العده شالوا منها المفك والمفتاح البلدى يعنى مفهاش غير مفتاح العجل ومفتاح الكوريك
بس كده
انا طبعا لسه بحسب اول تفويلة بنزين هبقى اقلكم اخبرها مع العلم انها متبنش كويس دلوقتى الا بعد 1000 كيلو او 5000 كيلو ودا الاكيد
نسيت اقلكم انى استلمت العربيه كانت عمله 90 كيلو يعنى مشوار المخزن اللى عند قرية الاسد طريق مصر اسكندريه الصحراوى طبعا ذهاب وعوده
وانا اسف على الاطاله ولاكن حبيت احكى كل حاجه بالتفصيل من بداية المشوار لحد اجراءت الترخيص
وبشكر جميع اعضاء القسم
وبشكر استاذ حسام ابتراوى صميم فعلا
وبشكر الاستاذ احمد نبيل من مبيعات منصور شيفروليه فرع سان استيفانوا
وعلى فكره ياجماعه هما غسلوا العربيه بالماده بتاعت الشمع اللى بتيجى معها ولاكن مش مغسوله كويس فقلت للاستاذ احمد نبيل قالى هجبلك جركن وتبقى عدى عليا انشاء الله يوم السبت خده منى ولما تبقى تروح فى صيانة 5000 كيلوا انشاء الله هيغسلولك بيه العربيه غسله كويسه
فعلا الناس هناك من كبيرهم لصغيرهم منتهى الزوق والادب والاخلاق .
وشكرا ليكم جميعا
اخوكم محمد شحاته
رقم العضوية : 21678
تاريخ التسجيل : 10Oct2008
المشاركات : 1,479
النوع : ذكر
الاقامة : egypt
السيارة: azda cx9hyundai accent ,s.maruti ,hynd i10,toyot corolla m
السيارة[2]: b.m.w 525,toyota yaris, mazda cx9
دراجة بخارية: لا
الحالة :
الف مبروك يا باشا ربنا يعطيك خيرها ويكفيك شرها
:err:my heart will go on
د/محمد شاكر
رقم العضوية : 68291
تاريخ التسجيل : 18Apr2010
المشاركات : 990
النوع : ذكر
الاقامة : Cairo
السيارة: No Car
السيارة[2]: No Car
دراجة بخارية: ^-^
الحالة :
ألف مبروك يا باشا بس ممكن حضرتك تتصل على رقم منصور الخاص 16424 و تبعت شكر للراجل ده علشان شكره على نايل موتورز مش كفاية أنا لو مكانك اطلب منصور و أقولهم أنا مبسوط من الراجل ده ممكن مكالمتك ديه تديلو حوافز أو حاجة لما في ناس زيك يتصلوا و يشكرو
رقم العضوية : 20810
تاريخ التسجيل : 02Oct2008
المشاركات : 554
النوع : ذكر
الاقامة : cairo & alex & zag
السيارة: golf 6
السيارة[2]: fiat ritmo
دراجة بخارية: مش شرط
الحالة :
الف مبروك و ربنا يباركلك فيها
(سبحان الله و بحمده عدد خلقه و مداد كلماته و زنة عرشه و رضا نفسه)
رقم العضوية : 71688
تاريخ التسجيل : 27May2010
المشاركات : 322
النوع : ذكر
الاقامة : cairo
السيارة: كفاية واحدة
السيارة[2]: optra 2011 AT
دراجة بخارية: لا
الحالة :
الف الف الف مبروك انا لما اجيب عربية تانية بقى اخدك معايا تخلصلى فيها خصم و دواسات و الراجل روقك انا كل اللى خدته ميدالية عيانة و منزلشى جنيه عمتا ربنا يباركلك فيها و يديك خيرها و يكفيك شرها و تبقى وش سعد عليك
رقم العضوية : 1435
تاريخ التسجيل : 14Jul2007
المشاركات : 14,773
النوع : ذكر
الاقامة : مصر
السيارة: لا
السيارة[2]: اوبترا
الحالة :
الف مبروك العربية رائعة بالفعل عن تجربة لشهرين
رقم العضوية : 65952
تاريخ التسجيل : 23Mar2010
المشاركات : 1,639
النوع : ذكر
الاقامة : Helwan
السيارة: Nubira
السيارة[2]: Lada, Lanos, Sportage
دراجة بخارية: دراجة مش بخارية
الحالة :
الف مبروك وربنا يديك خيرها ويكفيك شرها
إن الله لا يغير ما بقوم حتى يغيروا ما بأنفسهم
رحمك الله يا ابي
رقم العضوية : 63510
تاريخ التسجيل : 27Feb2010
المشاركات : 2,761
النوع : ذكر
الاقامة : Cairo
السيارة: لا يوجد
السيارة[2]: Optra A/T
الحالة :
الف مبروك
وربنا يكفيك شرها و يديك خيرها
و شكرا على التقرير الوافى
اختيار موفق ان شاء الله
Chevrolet Club Member No.17
رقم العضوية : 16777
تاريخ التسجيل : 20Aug2008
المشاركات : 204
النوع : ذكر
الاقامة : Cairo - Nasr city
السيارة: Fiat 127
السيارة[2]: Chevy Optra 2010
دراجة بخارية: No
الحالة :
الف مبروك يا باشا علي العربيه .. و الراجل فعلا عمل معاك كده احلي شغل بس تصحيح صغير .. الجنط الجديد 15 مش 16..و فعلا عامل شكل جميل للعربيه
رقم العضوية : 857
تاريخ التسجيل : 03Jun2007
المشاركات : 412
النوع : ذكر
الاقامة : Alexandria
السيارة: fantasia 2011&Optra Automatic
السيارة[2]: C180 W202
دراجة بخارية: لا يوجد
الحالة :
الف مبروك العربية أكثر من رائعة عشرة أكتر من 3 سنوات و نصف عمرها ما زعلتنى
ربنا يعطيك خيرها و يكفيك شرها
"إن الله لا يغير ما بقوم حتى يغيروا ما بأنفسهم"
المفضلات