أنا عربيتي فاضل 3 شهور وترخيصها ينتهي سنة واحدة حظر بنك عشان تقسيط ، وأنا تبع بنك كريدي أجريكول ، عايز أعرف إيه المطلوب عشان اجيب موافقة البنك بالتجديد ، وإيه المطلوب فالمرور عشان التجديد وأنا تبع مرور مدينة نصر ؟؟
عرض للطباعة
أنا عربيتي فاضل 3 شهور وترخيصها ينتهي سنة واحدة حظر بنك عشان تقسيط ، وأنا تبع بنك كريدي أجريكول ، عايز أعرف إيه المطلوب عشان اجيب موافقة البنك بالتجديد ، وإيه المطلوب فالمرور عشان التجديد وأنا تبع مرور مدينة نصر ؟؟
المفروض حضرتك هتروح البنك وتجيب جواب يفيد انك ملتزم بدفع القساط الشهرية للعربية ودافع لغاية آخر قسط والجواب يبقى مختوم بختم البنك
هتقدم جواب البنك مع الرخصة القديمة للمرور وتدفع الضريبة والتأمين وتطلع الرخصه الجديدة
التأمين وجواب البنك:
- قبل ماتروح البنك لازم تجدد التأمين الشامل وطبعاً لصالح البنك وقيمة التأمين بتقل 10% كل سنة يعني لو العربية وهي زيرو كان متأمن عليها بقيمتها اللي هي مثلاً 100.000 جنيه ، في التجديد حتنزل 10.000 جنيه ويتأمن عليها ب 90.000 جنيه وهكذا. (ويُفضل تكلم البنك عشان تتأكد من قيمة التأمين المطلوبة كام).
- بعد كده حضرتك بتسلم بوليصة التأمين الأصلية للبنك وبتحتفظ بصورة ليك وبعد ما يتأكدوا إن حضرتك دفعت كل الأقساط السابقة ومافيش تأخيرات ولا غرامات ولا مصاريف إدارية مستحقة وخلافه ، بتستلم جواب التجديد بسنة واحدة فقط في خلال اسبوع أو 10 أيام.
المرور: (وده بالنسبة لعربيتي الصني 1600)
- ملف كرتون وصورتين من الرقم القومي: 17 جنيه
- تأمين إجباري لمدة سنة: 108 جنيه!!!!!!
- إن شاء الله لو مافيش مخالفات: 10 جنيه
- ضريبة لمدة سنة: 235.5 جنيه!!!!!