سؤال عن زيت فتيس نيو أكسنت

**fattooh** · 08-01-2011 10:40 AM

السلام عليكم.

انا رحت اعمل صيانة 40,000 في مركز صيانة كرافان.
فوجئت بسعر زيت الفتيس المانيوال عندهم ب198 جنيه.
مع العلم ان الأوتوماتيك عندهم ب80 جنيه بس.
دخلت على الإنترنت عشان اشوف فتيس المانيوال مختلف عن الأوتوماتيك وللا لأ لقيت حاجه عجيبه.
المانيوال بتاخد 2 لتر بس.
و الأوتوماتيك بتاخد 6 لتر.

يعني، سعر لتر المانيوال واقف ب99 جنيه.
و سعر لتر زيت الأوتوماتيك واقف ب12 جنيه تقريبا.

لو حد يعرف أي مكان افضل و أسعار أفضل في الصيانه يا ريت يقول لي.

خاصتا أن العربيه النيو أكسنت الحمد لله من العربيات الجيده جدا.
و لكن السعر إللي بيقولوا عليه ده مسخره.

**حماده المصري** · 08-01-2011 07:29 PM

غريبه دي

عموما كارافان ده انا مش بطيقه بيقعدوا يطلعوا في العربيه القطط الفطسانه

وناقصه كزا وكزا وكزا طلعولي قبل كده شويه لمض ب 100 جنيه بايزه بره اخرهم 40 جنيه

وكمان اول ما اشتريت عربيتي اوتوماتك زيت الفتيس نزل في رايش قلبوه الدنيا دي لو غيرنا زيت الفتيس مش هتمشي وهتبوز لازم تفك الفتيس بهدلتهم وغيرت زيت الفتيس والعربيه مشيت عادي جدا مفيش مشاكل

**fattooh** · 11-01-2011 12:53 PM

طيب انت رأيك يا اخ حماده مين مركز محترم أروح ليه؟

و اشتري منين زيت الفتيس المانيوال.

**mohabelnegm** · 11-01-2011 01:03 PM

غريييييب جدا جداالسعر دة..هوه هايحط زيت زيتون ولا أيه؟:)
أنا على 90ألف كم غيرت زيت الفتيس بزيت "توتال" و الكيلو كان ب 15جنية على ما أفتكر. و على فكرة ممكن تستنى شوية على زيت الفتيس لأن كدة بدرى أوى لأن خد بالك..الزيت الموجود فى العربية دة زيت الفابريكة يعنى جودتة بتكون أعلى من أى زيت تانى. يعنى ممكن تستنى لغاية 60ألف مستريح. و زى ما بقولك أنا غيرت على كم فوق ال90 ألف . و بعد كدة هاغير كل 50ألف و توتال برضه.
و علشان ما تقلقش..بعد تغيير الزيت هاتقعد أسبوع تقريبا فيه عضة خفيفة جدا على التانى و بعدين هاتروح و دة طبيعى جدا جدا فى بداية زيت الفتيس لما بيكون محطوط جديد فى العربية.